ថ្មីៗនេះ ក្រុមហ៊ុនបច្ចេកវិទ្យា Huawei ទើបតែប្រកាសបង្ហាញនូវកុំព្យូទ័រយួរដៃស៊េរីថ្មី MateBook B series ដែលនៅក្នុងនោះមានម៉ូឌែល MateBook B3, MateBook B5 និង MateBook B7 ដែលបំពាក់នូវមុខងារសុវត្ថិភាព TPM 2.0។ សម្រាប់កុំព្យូទ័រ MateBook B7 នេះមានអេក្រង់ទំហំ 13.9 inch ជាមួយនឹងកម្រិត 3:2 aspect ratio និង 91% screen to body ratio ។
អេក្រង់នេះមានកម្រិតភាពច្បាស់ 3K និងកម្រិតពណ៌100% sRGB color gamut ផងដែរ។ កុំព្យូទ័រនេះប្រើប្រាស់នូវបន្ទះឈីប Intel Core processor (i7-1165G7) ជំនាន់ទី 11 ផងដែរ។ សម្រាប់កុំព្យូទ័រ 2021 MateBook B5 នេះវិញមានអេក្រង់ទំហំ 14 inch ជាមួយនឹងកម្រិតអេក្រង់ 2K និងបន្ទះឈីប Intel Core i7-1165G7 processor ជំនាន់ទី 11 ។ ចំនែកកុំព្យូទ័រ MateBook B3 មានអេក្រង់ទំហំ 15.6 inch FHD (1080p) HD IPS ។កុំព្យូទ័រនេះមានបន្ទះឈីប Intel Core i7-1165G7 processor ជំនាន់ទី 11 និង TPM 2.0 security chip module ផងដែរ៕