ព័ត៌មាន

ស្មាតហ្វូនម៉ូដែល Alcatel One Touch Idol X ដ៏ស្រស់ស្អាតចេញលក់ហើយ!

         នាឱកាស​តាំង​ពិ​ព័ណ៌​ពាណិជ្ជកម្ម​ទូរស័ព្ទ​ពិភពលោក​នៅ​សប្តាហ៍​នេះ ក្រុមហ៊ុន Alcatel បានចេញ​លក់​នូវ​ស្មា​ត​ហ្វូ​ន​ដ៏​ថ្មីស្រឡាង​និង​គួរ​ប្រាថ្នា​ចង់បាន​នៅ​នឹង​ដៃ​មួយ​ប្រភេទ​ដែលមាន​ឈ្មោះថា Alcatel One Touch Idol X។

         មុខងារពិសេសៗដែលមាន​បំពាក់​មកជា​មួយ​ស្មា​ត​ហ្វូ​ន​ដ៏​ស្រស់ស្អាត​ម៉ូ​ដែល Alcatel One Touch Idol រូបនេះ​រួមមាន​អេក្រង់​ដ៏​ភ្លឺ​ច្បាស់​ត្រជាក់​ភ្នែក​ទំហំ 5 inch ដែលមាន​កម្រិត​ភាពច្បាស់ 1080 ភិ​ច​សែ​ល​ដំណើរការ​ជាមួយ​ប្រព័ន្ធ​ប្រតិបត្តិ​ការណ៍ Android 4.2 Jelly Bean ។

        លក្ខណៈពិសេស​បន្ថែម​លើស​នេះ​ទៅទៀត​រួមមាន អង្គ​ប្រតិបត្តិ​ការណ៍​ប្រភេទ Quad Core Processor ល្បឿន 1.2GHz ដែល Support ទៅនឹង RAM ទំហំ 1GB និង Storage ជាប់​ម៉ាស៊ីន​ទំហំ 16GB សម្រាប់ App និង Media Files ហើយ​វា​ក៏មាន MicroSD Card សម្រាប់​បន្ថែម​ទំហំ Storage បាន​ដល់​ទៅ 32GB ឯណោះ។

        ចំណែកឯ ផ្នែក​កាមេរ៉ា​វិញ​ត្រូវបាន​រចនា​ឡើង​ដោយមាន​កម្រិត​កាមេរ៉ា​ផ្នែក​ខាងក្រោយ​ទំហំ 13 មេ​ហ្គា​ភិ​ច​សែ​ល​និង​កម្រិត​កាមេរ៉ា​ផ្នែក​ខាងមុខ​ទំហំ 2.1 មេ​ហ្គា​ភិ​ច​សែ​ល ហើយ​ការតភ្ជាប់ វា Support ទៅនឹង 3G Connectivity៕

         ប្រភពៈ technobuffalo