ព័ត៌មាន

Pipo ចេញលក់ Pipo Max M6 Tablet ដែលមានអេក្រង់ជា Retina Display

        ក្រុមហ៊ុន Pipo ដែលជា​ក្រុមហ៊ុន​ផលិត​គ្រឿង​អេ​ឡិច​ត្រូ​និ​ចមួយ​មាន​ទីស្នាក់ការ​នៅ​ប្រទេស​ចិន នៅថ្ងៃនេះ​បានចេញ​លក់ Tablets ម៉ូ​ដែល​ថ្មី​មួយ មាន​ឈ្មោះថា Pipo Max M6 Tablet ប្រើប្រាស់​បច្ចេកវិទ្យា Retina Display ។

        Pipo Max M6 ជា​ផលិតផល Tablet ជំនាន់​ថ្មី​របស់ Pipo ដែល​ត្រូវបាន​រចនា​ឡើង​ដោយ​មានមក​ជាមួយ លក្ខណៈពិសេស​ដ៏​អស្ចារ្យ​នៃ Hardware គឺ​ចាប់យក​អង្គ​ប្រតិបត្តិ​ការណ៍​ប្រភេទ Quad Core Tablet និង មាន​អេក្រង់​ទំហំ 10 inch Retina Display ដែលមាន Resolution: 2048 x 1536 pixels ជាមួយ 4:3 aspect ratio ទៀតផង។

       អង្គ​ប្រតិបត្តិ​ការណ៍​ដែល​ដើរ​នៅលើ Pipo Max M6 គឺ Quad Core A9 Processor មាន​ល្បឿន 1.6GHz, RAM 2GB, WiFi, Bluetooth, 3G Support, កម្រិត​កាមេរ៉ា​ខាងមុខ 2 មេ​ហ្គា​ភិ​ច​សែ​ល ខាងក្រោយ​ទំហំ 5 មេ​ហ្គា​ភិ​ច​សែ​ល, SD Card Slot, Mini HDMI Output ចំនួន​មួយ។អ្វីដែល​ពិសេស​នោះ​គឺថា ថាមពល​ថ្ម​ផ្ទុក​បាន​ដល់​ទៅ 10,000mAh ហើយ​ដំណើរការ​ជាមួយ Android 4.2.2 Jelly Bean ទៀតផង។

       គួរបញ្ជាក់ផងដែរថា សម្រាប់ WiFi Version តម្លៃ ២៦៩ ដុល្លារ​ និង 3G Version តម្លៃ ៣០៨ ដុល្លារ៕

       ប្រភពៈ Pipo