បន្ទាប់ពី​មានការ​ចេញលក់​នូវ​ទូរស័ព្ទ HTC One ម៉ូ​ដែល​ស៊ីម​ពីរ កន្លងមក ឥឡូវនេះ គឺថា ក្រុមហ៊ុន​ប្រទេស​តៃវ៉ាន់​កំពុងតែ​នាំយក​ស្មា​ត​ហ្វូ​ន​ម៉ូ​ដែល​ថ្មី​មួយ​នៃ Butterfly S ទៅ​លក់​ន​នៅលើ​ទីផ្សារ​ប្រទេស​ចិន។

      សម្រាប់​ស្មា​ត​ហ្វូ​ន Butterfly S ម៉ូ​ដែល​ស៊ីម​ពីរ មាន​លក្ខណៈ​ដូចគ្នា​ទៅនឹង​ម៉ូ​ដែល Butterfly S ស៊ីម​មួយ​ដែល​បានប្រកាស​ចេញលក់​នៅលើ​ទីផ្សារ​តៃវ៉ាន់ ដោយបាន​បំពាក់​មកជា​មួយ អង្គ​ប្រតិបត្តិ​ការណ៍​ជា​ប្រភេទ Qualcomm Snapdragon 600 Processor មាន​ល្បឿន 1.9GHz, RAM ទំហំ 2GB, អេក្រង់ Full HD ទំហំ 5 inch, ប្រើប្រាស់​នូវ​បច្ចេកវិទ្យា Ultrapixel Camera និង​មាន Memory Card Slot ចំនួន​មួយ​សម្រាប់​បន្ថែម​ទំហំ Storage បាន​កាន់តែច្រើន។ដោយឡែក សម្រាប់​ប្រព័ន្ធ​ប្រតិបត្តិ​ការណ៍​វិញ វា​ដំណើរការ​ជាមួយ Android 4.2.2 Jelly Bean។

     គួរ​បញ្ជាក់ថា សម្រាប់​តម្លៃ​នៃ​ការចេញលក់​នូវ​ស្មា​ត​ហ្វូ​ន​ម៉ូ​ដែល​ខាងលើនេះ ពុំទាន់​ឃើញ​មាន​បង្ហាញ​នៅឡើយ​ទេ៕

      ប្រភពៈ intomobile