ព័ត៌មាន

Asus សម្លឹងគិតចង់ចេញលក់ស្មាតហ្វូននៅលើទីផ្សារ US ឆ្នាំ ២០១៤

         ខណៈពេលដែល​ក្រុមហ៊ុន Asus កំពុងមាន​ឈ្មោះ​បោះ​សម្លេង​ជាមួយ​ផលិតផល Nexus 7 Tablet របស់ខ្លួន ក្រុមហ៊ុន​ក៏​គិត​សម្លឹង​ទៅដល់​ទីផ្សារ​ស្មា​ត​ហ្វូ​ន​នៅ​ឆ្នាំ ២០១៤។

​​​​​​​​​       យោងតាម​ប្រភពព័ត៌មាន​ដែល​ទើបតែ​ចុះផ្សាយ​ដោយ AllThingsD នាពេលថ្មីៗនេះ​បាន​បញ្ជាក់ប្រាប់​ឲ្យ​ដឹងថា ក្រុមហ៊ុន Asus នឹងធ្វើ​ការបញ្ចេញ​លក់​នូវ​ស្មា​ត​ហ្វូ​ន​និង Devices មួយចំនួនទៀត នៅលើ​ទីផ្សារ​សហរដ្ឋអាមេរិក​អំឡុង​ដើមឆ្នាំ ២០១៤ ខាងមុខនេះ។

      ប្រភពព័ត៌មាន​ដដែល​ខាងលើនេះ​ក៏បាន​បញ្ជាក់​បន្ថែមទៀត​ថា បើតាម​ប្រសាសន៍​របស់លោក​ប្រធាន Jonney Shih បាន​អៈ​អាង​ថា ក្រុមហ៊ុន Asus របស់ខ្លួន​នឹង​ចូលប្រឡូក​ក្នុង​ទីផ្សារ​សហរដ្ឋអាមេរិក​ជាមួយនឹង​ផលិតផល​ស្មា​ត​ហ្វូ​ន​និង Devices មួយចំនួនទៀត ដើម្បី​បំពេញតម្រូវការ​និង​មិត្តភាព​រវាង​ក្រុមហ៊ុនធំៗនិង​ក្រុមហ៊ុន​លក់រាយ​សម្រាប់​ដើមឆ្នាំ ២០១៤។

      គួរបញ្ជាក់​ផងដែរ​ថា ក្រុមហ៊ុន Asus នឹង​បន្ត​ការ Develop ឡើង​នូវ Hybrid Devices និង Smartphones សម្រាប់​ពេលអនាគត ដែល​ការ​រចនា​ឡើង​មាន​លក្ខណៈ​ស្រដៀង​ទៅនឹង Fonepad ទំហំ 7 inch ដែរ៕

      ប្រភពៈ AllThingD