ព័ត៌មាន

ស្មាតហ្វូនស៊េរីថ្មីរបស់ Pantech មានលក្ខណៈស្រដៀងទៅនឹង LG G2

        ក្រុមហ៊ុន Pantech កំពុងតែ​រៀបចំ​ចេញលក់​នូវ ទូរស័ព្ទ​ម៉ូ​ដែល​ថ្មី ដែលមាន​លក្ខណៈពិសេស​ដូចគ្នា​ទៅនឹង​ស្មា​ត​ហ្វូ​ន LG G2 របស់​ក្រុមហ៊ុន LG ដោយ​មានមក​ជាមួយ Volume Controls នៅ​ផ្នែក​ខាងក្រោយ​នៃ​ទូរស័ព្ទ។

        ទូរស័ព្ទ​ស៊េរី​ថ្មី​ដែល​នឹង​ចេញលក់​នាពេលឆាប់ៗនេះ​មាន​ឈ្មោះថា Pantech Vega LTE-A មាន​លេខ​ម៉ូ​ដែល​ម៉ាស៊ីន IM-A880S មាន Power Button និង Touchpad នៅ​ផ្នែក​ខាងក្រោយ ហើយ​វា​នឹង​ចេញលក់​នៅ​ថ្ងៃទី ០៦ សីហា ២០១៣ ខាងមុខ​នេះហើយ។

        អ្វីដែល​ពិសេស​សម្រាប់​ស្មា​ត​ហ្វូ​ន​ស៊េរី​ថ្មី Pantech Vega LTE-A រួមមាន កម្រិត​អេក្រង់​ជា​ប្រភេទ Full HD Display ទំហំ 5.7 inch, LTE Advanced Connectivity, RAM 2GB, និង​មាន​អង្គ​ប្រតិបត្តិ​ការណ៍​ជា​ប្រភេទ Qualcomm Snapdragon 800 Processor មាន​ល្បឿន 2.3GHz ។

        ជាមួយគ្នានេះដែរ ប្រភពព័ត៌មាន​បង្ហាញ​ថា  SK Telecom នឹង​ក្លាយជា​ក្រុមហ៊ុន​ដំបូងបង្អស់​ដែល​ចេញលក់​នូវ​ស្មា​ត​ហ្វូ​ន​ម៉ូ​ដែល Vega LTE-A៕

        ប្រភពៈ intomobile