ព័ត៌មាន

Apple ប្រកាសពី iPhone 5s ម៉ូដែល 8GB ព្រមទាំងម៉ាស៊ីន iMac ធូរថ្លៃនាថ្ងៃ WWDC 2014

បើតាមកំណត់ត្រារបស់អ្នកវិភាគ KGI Securities លោក Ming Chi Kuo បានឲ្យដឹងថាក្រុមហ៊ុន Apple អាចនឹងប្រកាសពី iPhone 5s ម៉ូដែល 8GB ព្រមទាំងម៉ាស៊ីន iMac តំលៃថោកជាងម៉ូដែលមុន សំរាប់ទីផ្សារប្រទេសកំពុងអភិវឌ្ឍ នាព្រឹត្តិការណ៍ WWDC 2014 នេះ ។ Kuo បានវិភាគថា iPhone 5s ជាម៉ូដែលដែលពេញនិយមបំផុត ដូចនេះគាត់ហ៊ានប៉ាន់ស្មានថា Apple នឹងបញ្ចេញម៉ូដែលទំហំផ្ទុក 8GB សំរាប់វា ដើម្បីបង្កើនចំណែកទីផ្សារ។ Kuo បានបន្តទៀតថា Apple ទំនងក៏នឹងប្រកាសពីម៉ាស៊ីន iMac ធូរថ្លៃផងដែរ ហើយការប៉ាន់ស្មាននេះស្របពេលដែលកូដថ្មីទាក់ទងនឹង iMac ម៉ូដែលថ្មីមួយត្រូវបាន គេរកឃើញនៅក្នុងប្រព័ន្ធ OS X Mavericks 10.9.4 Beta។

image
ជាចុងក្រោយ Kuo បានធ្វើការកត់សំគាល់ថា បើសិនជាក្រុមហ៊ុន Apple ប្រកាសពីប្រព័ន្ធគេហដ្ឋានឆ្លាតវៃនោះបច្ចេកវិទ្យាថ្មីនេះនឹងប្រើប្រាស់ iCloud, iBeacons និង AirPlay។
គួររំលឹកថា នាព្រឹត្តិការណ៍ WWDC 2014 រវាងថ្ងៃ 2-6 ខែមិថុនានេះ ក្រុមហ៊ុន Apple ត្រូវបាន គេរំពឹងថា នឹងប្រកាសពីប្រព័ន្ធប្រតិបត្តិការណ៍ថ្មី iOS 8 សំរាប់ ឧបករណ៍ចល័តព្រមទាំង OS X 10.10 សំរាប់ ម៉ាស៊ីន Mac របស់ខ្លួន៕
ប្រភព: MacRumors