ពេលថ្មីៗនេះ មានពាក្យចចាមអារាមពាក់ព័ន្ធនឹងក្រុមហ៊ុន HTC បានរៀបចំថតសាកល្បងសកម្មភាពថ្មីដោយប្រើកាមេរ៉ាមានទំហំ 16 sensor ភិចសែល ដែលមានគុណភាពពិសេសអាចធន់នឹងការជ្រាបទឹក ដោយអ្នកអាចថតយករូបភាពនៅក្រោមទឹកទៀតផង។
ពាក្យចចាមអារាមទាំងនោះក៏បានអៈអាងថា ក្រុមហ៊ុន HTC នឹងបង្ហាញផលិតផលរបស់ខ្លួននៅថ្ងៃទី ០៨ ខែតុលា បន្ទាប់ពីមានការសាកល្បងកាមេរ៉ារួចរាល់។ ការសាកល្បងកាមេរ៉ានេះ ត្រូវបានផលិតជាវីដេអូខ្លី អ្នកអាចពិនិត្យមើលវីដេអូខាងក្រោមៈ
អ្នកខាងក្នុងបានបង្ហាញថា ក្រុមហ៊ុន HTC បានខ្នៈខ្នែងយ៉ាងខ្លាំងដើម្បីស្វែងរកប្រភពប្រាក់ចំណូលឱ្យបានកាន់តែច្រើន ដោយបានបំពាក់បំប៉ន បន្ថែមប្រព័ន្ធបច្ចេកវិទ្យាថ្មីជាច្រើន។
រួមមកសម្រាប់បច្ចេកវិទ្យាកាមេរ៉ាថ្មីរបស់ក្រុមហ៊ុន HTC មិនទាន់ដឹងថាប្រើប្រាស់ប្រព័ន្ធប្រតិបត្តិការ iOS ឬ Android នោះទេ។ ប៉ុន្តែវាប្រាកដជាមានសមត្ថភាពភ្ជាប់ Bluetooth 4.0 ដោយការប្រើ Wireless។
ប្រភព៖ HTC