ថ្មីៗនេះ ក្រុមហ៊ុន Microsoft បានផលិតទូរស័ព្ទជំនាន់ថ្មី និងត្រូវបានដាក់បង្ហាញរួចរាល់។ ពត៌មានថ្មីបានបញ្ចាក់ពីម៉ូដែល Nokia Lumia 735 អាចកម្មង់ទិញបាននៅថ្ងៃទី ០១ ដើមខែតុលា។
ពេលនេះក្រុមហ៊ុន Microsoft បានប្រកាសថានឹងដាក់បង្ហាញស្មាតទូរស័ព្ទ Nokia Lumia 735 ជាផ្លូវការនៅចក្រភពអង់គ្លេសនៅថ្ងៃទី ០២ ខែតុលានេះហើយ បន្ទាប់មកអ្នកអាចទាក់ទងទិញរាយបាន។
សម្រាប់ម៉ូដែល Lumia 735 ប្រើប្រព័ន្ធប្រតិបត្តិការ Windows Phone 8.1 ដែលជាមូលហេតុដែលទីផ្សាររបស់ក្រុមហ៊ុនMicrosoft បានចាត់ទុកថាវាជាទូរស័ព្ទ Selfie ។ ម៉ូដែលនេះបានបំពាក់មកជាមួយអេក្រង់ទំហំ 4.7 អ៊ីង ប្រភេទ OLED ដែលមានគុណភាពបង្ហាញ HD resolution 1280 x 720 ភិចសែល។ ទូរស័ព្ទនេះបានភ្ជាប់មកជាមួយប្រព័ន្ធខួរក្បាល Quad core Snapdragon 400 processor មានល្បឿន 1.2GHz ។
លក្ខណៈសម្បត្តិផ្សេងទៀត ម៉ូដែល Lumia 735 មានអង្គចងចាំទំហំ(RAM) 1GB និងមានថាសផ្ទុកទិន្ន័យទំហំ 8GB មាន microSD card slot ដែលអាចបន្ថែមរហូតដល់ទៅ 128GB ។
ម៉្យាងទៀត ទូរស័ព្ទ Lumia 735 បានភ្ជាប់មកជាមួយកាមេរ៉ាមានទំហំ 5 មេហ្គាភិចសែលសម្រាប់Selfies ហើយបានភ្ជាប់មកជាមួយកាមេរ៉ាក្រោយទំហំ 6.7 មេហ្គាភិចសែល មាន LED flash។ ចុងក្រោយម៉ូដែលនេះក៏មានសមត្ថភាពប្រើបច្ចេកវិទ្យា4G LTE បណ្តាញ WiFi និង Bluetooth. ផងដែរ។
ប្រភពៈ Microsoft