នៅថ្ងៃនេះរបាយការណ៍ពី AnTuTu Benchmark បានបង្ហាញនូវសមត្ថភាពរបស់ Snapdragon 820 របស់ទូរស័ព្ទ Samsung Galaxy S7 ដែលពិតជាខ្លាំង និងដំណើរការលឿនប្រាកដមែន។ មនុស្សភាគច្រើនជឿជាក់ថា Galaxy ស៊េរីថ្មីចុងក្រោយរបស់ Samsung នឹងមានពីរស៊េរីហើយសុទ្ធតែបំពាក់នូវ Qualcomm Snapdragon 820 Chipset ដូចគ្នាដែលជំនួយល្បឿន CPU កាន់តែខ្លាំងជាងមុន។

ល្បឿនរបស់ Snapdragon 820 បានជំនួយល្បឿនដំណើរការរបស់ GPU និង​ CPU ហើយទទួលបានពិន្ទុដល់ទៅ 125,288 ពិន្ទុខណៈពេលដែល Samsung Galaxy S6 Edge+ មានពិន្ទុត្រឹមតែ 82,000 តែប៉ុណ្ណោះ។ បើប្រៀបធៀបជាមួយនឹង Apple A9 Chip វិញគឺបានពិន្ទុ 132,000 ពិន្ទុ។

យ៉ាងណាមិញ កម្រិតភាពច្បាស់របស់ Apple iPhone 6s Plus គឺត្រឹមតែ 1080 x 1920 ដែលនៅចាញ់ Galaxy S7 ដែលមានកម្រិតភាពច្បាស់ 1440 x 2560 ភិចសែល។ ចំនែកល្បឿននៃការប្រើប្រាស់ទ្រទ្រង់នូវ 3D វិញគឺ Snapdragon 820 អស្ចារ្យតែម្តង៕