កម្មវិធីជំនួយការឆ្លាតវៃ Galaxy S8 Bixby នឹងដំណើរការជាមួយនឹងប្រព័ន្ធ Samsung Pay

  • November 28, 2016
  • 0 Comments

ក្រុមហ៊ុន Samsung ត្រូវបានគេរាយការណ៍ថាកំពុងតែដំណើរការទៅលើជំនួយការឆ្លាតវៃ Voice Assisted AI System ដើម្បីធ្វើការប្រកួតប្រជែងជាមួយនឹងកម្មវិធី Siri និង Google Assistant ។ វាត្រូវបានគេដាក់ឈ្មោះហៅថា Bixby សម្រាប់ជំនួយការឆ្លាតវៃដែលមានសំឡេងជាមនុស្សប្រុស និងឈ្មោហ Kestra សម្រាប់ជំនួយការដែលមានសំឡេងជាស្រ្តី។ កាលពីពេលមុននេះក្រុមហ៊ុន Samsung បានប្រើប្រាស់នូវ S Voice បន្ទាប់ពីក្រុមហ៊ុន Apple បានធ្វើការប្រកាសបង្ហាញនូវ Siri ប៉ុន្តែមុខនេះមិនត្រូវបានដំណើរការនោះទេដោយសារតែមិនទាន់មានលក្ខណៈពិសេសគ្រប់គ្រាន់ ហើយវាត្រូវបានលាក់ទុកសិនសម្រាប់ប្រើប្រាស់នៅលើស្មាតហ្វូនជំនាន់ក្រោយៗ។ ក្រុមហ៊ុនបានប្រើប្រាស់នូវប្រព័ន្ធ Google Now សម្រាប់ជាជំនួយការឆ្លាតវៃ ហើយពេលនេះប្រហែលជាក្រុមហ៊ុន Samsung ចង់ប្រើប្រាស់នូវសេវាកម្មរបស់ខ្លួនឯងវិញម្តង។ ក្រុមហ៊ុន Google ក៏ប្រើប្រាស់នូវ Google Assistant សម្រាប់ប្រើប្រាស់នៅលើទូរស័ព្ទ Pixel ស៊េរីថ្មីរបស់ខ្លួនផងដែរ៕

ទូរស័ព្ទ Samsung Galaxy C7 Pro បង្ហាញខ្លួននៅលើ Geekbench

  • November 28, 2016
  • 0 Comments

បន្ទាប់ពីបានបង្ហាញខ្លួនកាលពីខែមុននៅលើ Zauba ពេលនេះទូរស័ព្ទ Samsung Galaxy C7 Pro (SM-C7010) បានបង្ហាញខ្លួននៅលើ Geekbench ហើយ។ នៅលើបញ្ជីនេះបានទម្លាយថាទូរស័ព្ទនេះប្រើប្រាស់នូវបន្ទះឈីប Snapdragon 626 SoC ដែលត្រូវបានពាក្យចចាមអារ៉ាមលើកឡើងកាលពីពេលមុននេះ។ សម្រាប់លក្ខណៈសម្បត្តិផ្សេងទៀតមានដូចជារ៉េមទំហំ 4GB និងប្រព័ន្ធប្រតិបត្តិការ Android 6.0.1 Marshmallow OS ហើយតាមរយៈ Zauba បានទម្លាយថាអេក្រង់របស់វាមានទំហំ 5.7 អ៊ីង។ ចំនែកទូរស័ព្ទ Galaxy C7 Pro និង Galaxy C5 Pro ល្បីថានឹងប្រកាសបង្ហាញខ្លួនជាផ្លូវការនៅខែក្រោយនេះហើយ៕

ទូរស័ព្ទខ្មៅរលោង Samsung Galaxy C9 Pro បានបែកធ្លាយហើយ!

  • November 28, 2016
  • 0 Comments

ក្រុមហ៊ុន Samsung បានធ្វើការប្រកាសនូវទូរស័ព្ទ Galaxy C9 Pro កាលពីសប្តាហ៍មុននេះ។ ជាពិសេសទូរស័ព្ទនេះដាក់លក់តែនៅក្នុងប្រទេសចិនដែលមានតែពីរពណ៌ប៉ុណ្ណោះគឺពណ៌មាស និងពណ៌ផ្កាឈូក។ យ៉ាងណាមិញ សម្រាប់រូបភាពដែលបានបែកធ្លាយនៅថ្ងៃនេះបានបង្ហាញនូវរូបភាពពណ៌ខ្មៅរលោងរបស់ទូរស័ព្ទនេះដែលពិតជាស្រស់ស្អាត និងទាក់ទាញបំផុត។ រំលឹកឡើងវិញ ទូរស័ព្ទ Galaxy C9 Pro បំពាក់នូវបន្ទះឈីប Snapdragon 653 SoC និងមានអេក្រង់ទំហំ 6 អ៊ីងកម្រិតភាពច្បាស់ HD រ៉េមទំហំ 6GB និងម៉េមូរីក្នុងម៉ាស៊ីនទំហំ 64GB ។ បើនិយាយពីប្រព័ន្ធកាមេរ៉ាវិញ កាមេរ៉ាខាងក្រោយមានទំហំ 16MP និងកាមេរ៉ាខាងមុខក៏មានទំហំ 16MP ដូចគ្នាហើយថែមទាំងមានថ្មដែលមានកម្លាំងថាមពល 4,000mAh ៕

ក្រុមហ៊ុនបានធ្វើការបញ្ចេញនូវ Android 7.0 Beta លើកទី ៣ សម្រាប់ទូរស័ព្ទ Galaxy S7 និង S7 Edge

  • November 26, 2016
  • 0 Comments

ថ្មីៗនេះ ក្រុមហ៊ុន Samsung បានធ្វើការបញ្ចេញនូវប្រព័ន្ធប្រតិបត្តិការ Android 7.0 Nougat Beta លើកទី ៣ សម្រាប់ទូរស័ព្ទ Galaxy S7 និង Galaxy S7 Edge នៅក្នុងចក្រភពអង់គ្លេសនៅក្នុងសប្តាហ៍នេះហើយ។ ការពង្រឹងទៅលើជំនាន់នៃប្រព័ន្ធប្រតិបត្តិការថ្មីនេះ លោកអ្នកអាចទទួលបាននូវការអាប់ឌែតនៅកន្លែង Notifications ឬការគ្រប់គ្រងទៅលើពន្លឺដែលស្ថិតនៅផ្នែកខាងលើហើយវាមានការជួសជុលទៅលើ Bugs មួយចំនួនផងដែរ រួមទាំងលក្ខណៈពិសេសជាច្រើនទៀត។  

ទូរស័ព្ទ Galaxy S8 ប្រហែលជាមានរ៉េមទំហំ 6GB និងម៉េមូរីក្នុងម៉ាស៊ីនទំហំ 256GB

  • November 26, 2016
  • 0 Comments

បន្ទាប់ពីទូរស័ព្ទ Note 7 បានប្រកាសផ្អាកការឈប់ផលិតដើម្បីសុវត្ថិភាពសម្រាប់អ្នកប្រើប្រាស់ ក្រុមហ៊ុនកំពុងតែផ្តោតសំខាន់ទៅលើការផលិតនូវទូរស័ព្ទ​ Samsung Galaxy S8 វិញ។ ទោះបីជាយើងនៅមិនទាន់បានឃើញពីលក្ខណៈសម្បត្តិរបស់ទូរស័ព្ទនេះនៅឡើយ ប៉ុន្តែពាក្យចចាមអារ៉ាមជាច្រើនបាននិយាយពីទូរស័ព្ទនេះ។ ពេលនេះពាក្យចចាមអារ៉ាមថ្មីរបស់ TechTastic នៅលើ Weibo បានឱ្យដឹងថា ទូរស័ព្ទ Galaxy S8 នឹងមានម៉េមូរីទំហំ 256GB ប៉ុន្តែយើងនៅមិនទាន់ដឹងថាតើទូរស័ព្ទនេះអាចមានទំហំច្រើនជាងនេះឬអត់? ទូរស័ព្ទ Galaxy S8 ក៏ល្បីថាមានរ៉េមទំហំ 6GB ថែមទៀតផង។ ប្រសិនបើអ្នកគិតដល់ទូរស័ព្ទ Galaxy Note 7 វិញទូរស័ព្ទនេះក៏មានរ៉េមទំហំ 6GB ផងដែរ៕

ក្រុមហ៊ុនសាមសុងទទួលពានរង្វាន់ «ក្រុមហ៊ុនយកចិត្តទុកដាក់លើសហគមន៍ល្អបំផុតប្រចាំឆ្នាំ» នៅកម្មវិធីសាជីវកម្មប្រកបដោយឧត្តមភាព និងនិរន្តរភាពប្រចាំតំបន់អាស៊ី 2016

  • November 25, 2016
  • 0 Comments

ថ្មីៗនេះ ក្រុមហ៊ុនសាមសុងបានជាប់ឈ្មោះជា «ក្រុមហ៊ុនយកចិត្តទុកដាក់លើសហគមន៍ល្អបំផុតប្រចាំឆ្នាំ» នៅកម្មវិធីសាជីវកម្មប្រកបដោយឧត្តមភាព និងនិរន្តរភាពប្រចាំតំបន់អាស៊ី 2016។ សាមសុងបានជាប់ចំណាត់ថ្នាក់ខ្ពស់ជាងគេបំផុតលើការជួយដល់សហគមន៍ប្រកបដោយឧត្តមភាព និងកិច្ចខិតខំប្រឹងប្រែងដែលសបញ្ជាក់ពីការប្តេជ្ញាចិត្តដ៏មោះមុតរបស់ក្រុមហ៊ុនសាមសុងជាពលរដ្ឋសកល ក្នុងការជម្រុញ និងបង្កើតឱ្យមានការផ្លាស់ប្តូរវិជ្ជមានជុំវិញពិភពលោក។  លោកស្រី Irene Ng ដែលជាអនុប្រធានសាជីវកម្មទីផ្សារ នៃតំបន់អាស៊ីអាគ្នេយ៍ និងអូសេអានីបានមានប្រសាសន៍ថា៖ «ក្រុមហ៊ុនសាមសុងពិតជាមានកិត្តិយសដែលបានទទួលស្គាល់សម្រាប់កិច្ចខំប្រឹងប្រែងថែរក្សាសហគមន៍ជាថ្មីម្តងទៀត ដែលផ្តល់ឲ្យយើងនូវមោទនភាពយ៉ាងខ្លាំងដោយបានទទួលពានរង្វាន់ដ៏អស្ចារ្យសម្រាប់ឆ្នាំនេះ។ យើងជឿជាក់យ៉ាងមុតមាំថា ភាពជោគជ័យមួយនេះបានមកពីសមិទ្ធផលអាជីវកម្ម និងការរួមចំណែកជាមួយនឹងសហគមន៍ ដែលជាផ្នែកសំខាន់មួយនៃស្លាកយីហោរបស់យើង។ ប៉ុន្មានឆ្នាំកន្លងមកនេះ យើងបានបង្កើតកម្មវិធីសម្រាប់ប្រជាពលរដ្ឋដោយពឹងផ្អែកលើមាត្រដ្ឋាន និងនិរន្តភាពនៅទូទាំងតំបន់ ជាមួយនឹងការអប់រំដែលជាស្នូលនៃការបម្រើសហគមន៍របស់យើង។ យើងនឹងបន្តកិច្ចប្រឹងប្រែងរបស់យើង ដើម្បីធ្វើឲ្យការរស់នៅរបស់បុគ្គលម្នាក់ៗកាន់តែប្រសើរទ្បើង។» ចំណែកឯ  លោកបណ្ឌិត Jayanthi Desan ដែលជាគណៈវិនិច្ឆ័យនៃកម្មវិធីនេះបានមានប្រសាសន៍ថា៖ «កម្មវិធីសាជីវកម្មប្រកបដោយឧត្តមភាព និងនិរន្តរភាពប្រចាំតំបន់អាស៊ី បានជ្រើសរើសក្រុមហ៊ុនដែលបង្ហាញពីភាពជាអ្នកដឹកនាំបដិវត្តន៍ និងនិរន្តរភាព។ ក្រុមហ៊ុនដែលបានទទួលពានរង្វាន់ប្រភេទក្រុមហ៊ុនយកចិត្តទុកដាក់លើសហគមន៍ក្នុងតំបន់អាស៊ីបានបង្ហាញពីភាពជាពលរដ្ឋសកម្មក្នុងការលើកកម្ពស់សុខុមាលភាពរបស់សង្គមជាទ្រង់ទ្រាយធំ ហើយក្រុមហ៊ុនសាមសុងក៏បានជាប់ចំណាត់ថ្នាក់កំពូលសម្រាប់ប្រភេទពានរង្វាន់មួយនេះ។» ការអប់រំជាគ្រាប់ពូជនៃការច្នៃប្រឌិត ក្រុមហ៊ុនសាមសុងយល់ឃើញថាការអប់រំប្រៀបដូចជាគ្រាប់ពូជនៃការច្នៃប្រឌិត ដូច្នេះហើយទើបយើងបានបង្កើតកម្មវិធីជាច្រើនដើម្បីគាំទ្រដល់វិស័យអប់រំយុវជន និងបណ្តុះបណ្តាលការងារតាមរយៈការប្រើប្រាស់បច្ចេកវិទ្យា សេវាកម្ម និងជំនាញរបស់យើង។ វិទ្យាសា្ថនបណ្តុះបណ្តាលបចេ្ចកវិទ្យារបស់សាមសុង (Samsung Tech Institutes) នៅក្នុងប្រទេសម៉ាទ្បេស៊ី សិង្ហបុរី ទ្បាវ កម្ពុជា មីយ៉ាន់ម៉ា ហ្វីលីពីន […]

ក្រុមហ៊ុនចែកចាយធំៗទាំង 4 របស់សហរដ្ឋអាមេរិចពេលនេះដាក់លក់ទូរស័ព្ទ Galaxy S7 Edge ពណ៌ត្បូងកណ្តៀងថ្មីហើយ

  • November 23, 2016
  • 0 Comments

ប្រសិនបើលោកអ្នកកំពុងតែរស់នៅក្នុងទឹកដីសហរដ្ឋអាមេរិច ហើយគម្រោងក្នុងការកម្មង់ទិញនូវទូរស័ព្ទ Galaxy S7 Edge របស់ក្រុមហ៊ុន Samsung ពណ៌ថ្មីត្បូងកណ្តៀង (Blue Coral) លោកអ្នកគួរតែដឹងថាពេលនេះទូរស័ព្ទនេះបានដាក់ឱ្យទិញបានហើយតាមរយៈក្រុមហ៊ុនចែកចាយធំៗទាំង 4 នៅក្នុងសហរដ្ឋអាមេរិច។ សម្រាប់តម្លៃរបស់វាវិញ ក្រុមហ៊ុន Verizon ដាក់លក់នៅក្នុងតម្លៃ​792 ដុល្លារ ហើយក្រុមហ៊ុន T-Mobile ដាក់លក់នៅក្នុងតម្លៃ 790 ដុល្លារ ចំនែកក្រុមហ៊ុន Sprint និង​ AT&T ដាក់លក់នៅក្នុងតម្លៃ 795 ដុល្លារ។ ពណ៌ត្បូងកណ្តៀងថ្មីនេះត្រូវបានប្រកាសដាក់ប្រើនៅលើទូរស័ព្ទ Galaxy S7 Edge នៅថ្ងៃទី 1 ខែវិច្ឆិកា។ ក្រៅពីការដំណើរការដាក់លក់នៅក្នុងសហរដ្ឋអាមេរិច វាក៏ដាក់លក់នៅទីផ្សារដែលបានជ្រើសរើសជាច្រើនទៀតផងដែរដូចជាប្រទេសកូរ៉េខាងត្បូង តៃវ៉ាន់ និងប្រទេសសិង្ហបុរី៕

ប្រព័ន្ធសំឡេង Harman Audio នឹងប្រើប្រាស់នៅលើទូរស័ព្ទ Samsung Galaxy ទាំងអស់ប៉ុន្តែនៅឆ្នាំ 2018

  • November 23, 2016
  • 0 Comments

ថ្មីៗនេះ ក្រុមហ៊ុន​ Samsung ទើបតែទិញយកក្រុមហ៊ុន Harman នៅក្នុងតម្លៃ 8 ពាន់លានដុល្លារ ហើយក្រុមហ៊ុននេះក៏បានកំណត់យកគោលដៅរបស់ខ្លួនសម្រាប់ពេលអនាគតរួចរាល់ហើយដែរ។ ក្រុមហ៊ុន Samsung នឹងប្រើប្រាស់នូវបច្ចេកវិទ្យារបស់ក្រុមហ៊ុន Harman ដើម្បីពង្រឹងទៅលើវិស័យឧស្សាហកម្មផលិតស្មាតហ្វូនរបស់ខ្លួនដែលក្រុមហុន Harman ទទួលបាននូវភាពល្បីឈ្មោះជាយូរមកហើយ។ ក្រុមហ៊ុន Samsung និងក្រុមហ៊ុន Harman បានធ្វើសន្និសីទកាសែតមួយនៅក្នុងក្រុងសេអ៊ូកូរ៉េខាងត្បូងដើម្បីធ្វើការប្រកាសពីការទិញនេះ និងគម្រោងនៅពេលអនាគត។ ប្រធានផ្នែករបស់ក្រុមហ៊ុនមួយនេះបានបញ្ជាក់ថា បច្ចេកវិទ្យាសំឡេងរបស់ក្រុមហ៊ុន Harman ពិតជាបំពាក់នៅលើស្មាតហ្វូនពិតមែនប៉ុន្តែសម្រាប់ឆ្នាំ 2018 ។ មានសំណួរមួយចំនួនសួរថា តើក្រុមហ៊ុន Samsung មានគម្រោងក្នុងការផលិតរថយន្តទេ? ចម្លើយនោះគឺទេ។ ក្រុមហ៊ុន Samsung មានគម្រោងត្រឹមតែការអភិវឌ្ឍទៅលើដំណោះស្រាយនៃការភ្ជាប់ទៅកាន់រថយន្តនៃប្រព័ន្ធសំឡេងរបស់ខ្លួនតែប៉ុណ្ណោះ៕  

ទូរស័ព្ទ Galaxy S7 ពណ៌ Glossy Black នឹងបង្ហាញខ្លួននៅខែក្រោយនេះដើម្បីប្រកួតជាមួយ Jet Black របស់ iPhone 7

  • November 23, 2016
  • 0 Comments

បន្ទាប់ពីក្រុមហ៊ុន Samsung បាននាំយកនុវពណ៌ថ្មីត្បូងកណ្តៀង (Blue Coral) ដែលត្រូវបានប្រើប្រាស់នៅលើទូរស័ព្ទ Note 7 ដែលត្រូវបានផ្អាកឈប់ផលិតនោះក៏បានផ្ទេរពណ៌នេះទៅកាន់ទូរស័ព្ទ Galaxy S7 Edge វិញម្តង ប៉ុន្តែពណ៌មួយនេះមិនមែនជាពណ៌ចុងក្រោយបំផុតដែលយើងនឹងមើលឃើញនៅឆ្នាំនេះនោះទេសម្រាប់ទូរស័ព្ទនេះ។ បើយោងតាមការរាយការណ៍ថ្មីមួយទៀតដែលមានប្រភពចេញមកពីក្រុមហ៊ុន Samsung ប្រចាំនៅក្នុងប្រទេសកូរ៉េខាងត្បូងផ្ទាល់តែម្តង ពណ៌ខ្មៅ Glossy Black របស់ទូរស័ព្ទ Galaxy S7 នឹងធ្វើការបង្ហាញវត្តមាននៅដើមខែក្រោយនេះហើយ។ ព័ត៌មាននេះត្រូវបានបែកធ្លាយឱ្យដឹងដោយប្រភពចេញពីរោងចក្រផលិតតែម្តង។ ពណ៌នេះមានលក្ខណៈខ្មៅជាងពណ៌ខ្មៅរបស់ Galaxy S7 ហើយវាអាចធ្វើការប្រកួតប្រជែងគ្នាជាមួយនឹងពណ៌ Jet Black របស់ទូរស័ព្ទ iPhone 7 និង 7 Plus ដែលទទួលបាននូវជោគជ័យយ៉ាងខ្លាំង។ ក្រុមហ៊ុន Samsung ក៏ជឿជាក់ថាពណ៌ថ្មីនេះពិតជាធ្វើឱ្យកំណើនតម្រូវការរបស់ទូរស័ព្ទនេះមានការកើនឡើងផងដែរ៕  

ទូរស័ព្ទ Samsung Galaxy A3 (2016) ទទួលបានការអាប់ឌែតនូវប្រព័ន្ធសុវត្ថិភាពសម្រាប់ខែវិច្ឆិកា

  • November 23, 2016
  • 0 Comments

ថ្មីៗនេះ ក្រុមហ៊ុន Samsung បានចាប់ផ្តើមបញ្ចេញនូវការអាប់ឌែតទៅលើប្រព័ន្ធសុវត្ថិភាពសម្រាប់ខែវិច្ឆិកានៅលើបញ្ជីទូរស័ព្ទរបស់ខ្លួនហើយ។ កាលពីសប្តាហ៍មុននេះ យើងមើលឃើញថាទូរស័ព្ទ Galaxy A5 (2016) បានធ្វើការបញ្ចេញនូវការអាប់ឌែតទៅលើប្រព័ន្ធសុវត្ថិភាពចុងក្រោយ ហើយនៅថ្ងៃនេះទូរស័ព្ទ Galaxy A3 (2016) ក៏បានធ្វើការអាប់ឌែតប្រព័ន្ធសុវត្ថិភាពផងដែរ។ ការអាប់ឌែតនេះត្រូវបានធ្វើឡើងសម្រាប់ទូរស័ព្ទ A3 (2016) នៅទូទាំងទ្វីបអ៊ឺរ៉ុប ហើយវានៅមិនទាន់ច្បាស់នោះទេដែលពេលណាដែលការអាប់ឌែតនេះបានធ្វើឡើងសម្រាប់ម៉ូដែល Unlocked នោះ។ វានៅមិនទាន់ច្បាស់នោះទេ ប៉ុន្តែប្រហែលជាពេលឆាប់ៗខាងមុខនេះ។ សម្រាប់ Firmware ថ្មីនេះមានលេខកូដ XXU2BPK2 ហើយវាបាននាំយកនូវការជួសជុលនូវប្រព័ន្ធសុវត្ថិភាពដល់ទៅ 60 ផ្សេងគ្នាចេញពី Google និងការពង្រឹងទៅលើ​Software ដល់ទៅ 14 ចំនុចថែមទៀត។ អ្នកអាចចូលទៅមើលនៅក្នុង Settings > About Device > Software Update ហើយចុចនៅលើប៊ូតុង​ Update ៕