ទូរស័ព្ទ Nokia 3310 4G អាចប្រើប្រាស់បង្កើតជា LTE Wi-Fi Hotspot

  • January 31, 2018
  • 0 Comments

ក្រុមហ៊ុនបច្ចេកវិទ្យា HMD ទើបតែប្រកាសបង្ហាញនូវជំនាន់ទី 3 របស់ទូរស័ព្ទ Nokia 3310 ប៉ុន្តែសម្រាប់ម៉ូដែល 4G គឺជាប្រភេទដែលប្រើប្រាស់ជាមួយនឹង LTE Connection ដែលអាចប្រើប្រាស់ជ Wi-Fi សម្រាប់បង្កើតនូវ Hotspot ដើម្បីចែករំលែកនូវ Connection ទៅកាន់ឧបករណ៍ផ្សេងទៀត។ ទូរស័ព្ទនេះដំណើរការនូវ YunOS ហើយវាប្រហែលជាមានរ៉េមទំហំ 256MB និងម៉េមូរីទំហំ 512MB ។ ទូរស័ព្ទ Nokia 3310 4G នេះប្រើប្រាស់នូវ SIM 1 សម្រាប់ VoLTE ហើយវាប្រហែលជាអាចរកទិញបាននៅប្រទេសចិន។ ថាមពលថ្មរបស់វាគឺ 1200mAh ដែលអាចប្រើប្រាស់បានរយៈពេល 12 ថ្ងៃ (Standby) និង 15 ម៉ោងសម្រាប់ 2G និង 5 ម៉ោងសម្រាប់ VoLTE ។ ទូរស័ព្ទនេះមានអេក្រង់ទំហំ 2.4 អ៊ីញហើយវានឹងចាប់ផ្តើមលក់នៅក្នុងប្រទេសចិនចាប់ពីចុងខែកុម្ភៈនេះតទៅ ប៉ុន្តែតម្លៃរបស់វានៅមិនទាន់ដឹងនៅឡើយទេ៕

កាលបរិច្ឆេទ និងតម្លៃសម្រាប់ការកម្មង់ទិញមុនស្មាតហ្វូន Samsung Galaxy S9 ត្រូវទម្លាយនៅក្នុងប្រទេសកូរ៉េខាងត្បូង

  • January 31, 2018
  • 0 Comments

ក្រុមហ៊ុនបច្ចេកវិទ្យា Samsung ប្រកាសរួចមកហើយអំពីកាលបរិច្ឆេទផ្លូវការសម្រាប់ការប្រកាសបង្ហាញនូវស្មាតហ្វូនត្រកូល Galaxy S9 នោះគឺនៅថ្ងៃទី 25 ខែកុម្ភៈ។ យើងធ្លាប់បានឃើញនូវរូបភាពបែកធ្លាយជាច្រើនដែលបង្ហាញអំពីស្មាតហ្វូនស៊េរីថ្មីនេះដែលមានរូបរាងស្រដៀងគ្នាទៅនឹងស្មាតហ្វូន Galaxy S8 និង Galaxy S8+ ។ ពេលនេះ ប្រភពចេញពីប្រទេសកូរ៉េខាងត្បូងបញ្ជាក់ថា តម្លៃរបស់ស្មាតហ្វូន Galaxy S9 គឺ  KRW950,000 (ប្រហែលជា $800) ខណៈពេលដែលតម្លៃរបស់ស្មាតហ្វូន Galaxy S9+ គឺ  KRW950,000 (ប្រហែលជា $900) ។ សម្រាប់ការកម្មង់ទិញមុនរបស់ស្មាតហ្វូនស៊េរីថ្មីនេះនៅក្នុងប្រទេសកូរ៉េខាងត្បូងគឺនៅថ្ងៃទី 3 ខែមីនាគឺមានរយៈពេល 5 ថ្ងៃប៉ុណ្ណោះបន្ទាប់ពីការប្រកាសបង្ហាញខ្លួននៅក្នុងទីក្រុងបាសេឡូណានោះ។ ស្មាតហ្វូណនេះនឹងចាប់់ផ្តើមដឹកជញ្ជូននៅថ្ងៃទី 8 ខែមីនាខាងមុខនេះ៕  

ក្រុមហ៊ុនបច្ចេកវិទ្យា HMD Global គ្រប់គ្រងទៅលើម៉ាកសញ្ញា Nokia’s Xpress-on

  • January 31, 2018
  • 0 Comments

នៅក្នុងការបោះជំហានបន្ទាប់ដ៏គួរឱ្យចាប់អារម្មណ៍​ ក្រុមហ៊ុនបច្ចេកវិទ្យា HMD Global ថ្មីៗនេះធ្វើការគ្រប់គ្រងទៅលើម៉ាកសញ្ញា Nokia Xpress-on Trademark ស្ថិតនៅក្រោមការដឹកនាំរបស់ក្រុមហ៊ុនខ្លួន។ ម៉ាកសញ្ញានេះត្រូវប្រើប្រាស់ជាច្រើនឆ្នាំមកហើយនៅលើផ្នែកខាងមុខ និងផ្នែកខាងក្រោយនៃទូរស័ព្ទ Nokia ជាច្រើនផងដែរ។ សម្រាប់ Xpress-on Trademark នេះត្រូវប្រើប្រាស់នៅលើ Microphones, Speakers, Covers, Cases, Antennas, Batteries និង Battery Chargers ។ ក្រុមហ៊ុនបច្ចេកវិទ្យា HMD Global អាចធ្វើការប្រើប្រាស់ម៉ាកសញ្ញានេះសម្រាប់ធ្វើការ Cases នៅលើទូរស័ព្ទផងដែរ។ សម្រាប់ការ Registers សារជាថ្មីទៅលើ​Trademark គឺមានសុពលភាពរហូតដល់ឆ្នាំ 2028 ដូចនេះក្រុមហ៊ុន HMD Global ពិតជាប្រើប្រាស់នៅលើស្មាតហ្វូនណាមួយដែលមានឈ្មោះហៅថា Xpress-on ជាក់ជាមិនខាន៕  

របាយការណ៍នៅក្នុងត្រីមាសទី 4 របស់ក្រុមហ៊ុន​Samsung៖ ការលក់ស្មាតហ្វូនថ្នាក់ខ្ពស់របស់ក្រុមហ៊ុននៅតែខ្លាំង

  • January 31, 2018
  • 0 Comments

ថ្មីៗនេះ ក្រុមហ៊ុនបច្ចេកវិទ្យា Samsung ទើបតែបង្ហោះនូវរបាយការណ៍អំពីត្រីមាសទី 4 ដែលបង្ហាញអំពីប្រាក់ចំណូល 61.8 ពាន់លានដុល្លារអាមេរិក និងប្រតិបត្តិការនៃប្រាក់ចំណេញ 11.49 ពាន់លានដុល្លារអាមេរិក។ វាមានការកើនឡើង 24% និង 73% បើធៀបទៅនឹងត្រីមាសទី 4 នៅឆ្នាំមុននេះ។ សម្រាប់លទ្ធផលវិជ្ជមាននេះគឺដោយសារតែប្រាក់ចំណេញទៅលើផ្នែកអេក្រង់ និងផ្នែក Semiconductor ដែលមានកំណើនខ្លាំងសម្រាប់ការលក់ស្មាតហ្វូនថ្នាក់ខ្ពស់នោះ។ សម្រាប់តម្រូវការខ្ពស់ទៅលើស្មាតហ្វូនថ្នាក់ប្រណិតក៏ធ្វើឱ្យប្រាក់ចំណូលរបស់កើនឡើង ខណៈពេលដែលក្រុមហ៊ុន Samsung ក៏ចំណាយច្រើនទៅលើការផ្សព្វផ្សាយពាណិជ្ជកម្មផងដែរ។ សម្រាប់អាជីវកម្មទៅលើអេក្រង់របស់ក្រុមហ៊ុន​ Samsung នៅក្នុងត្រីមាសទី 4 ឆ្នាំ 2017 នេះជាពិសេសគឺដោយសារតែតម្រូវការរបស់អេក្រង់ OLED សម្រាប់ស្មាតហ្វូនថ្នាក់ខ្ពស់នោះ។ កំនើននៃការលក់នេះក៏ដោយសារតែការលក់ទៅលើបន្ទះឈីបផងដែរ។ ក្រុមហ៊ុន Samsung រំពឹងថា ការលក់របស់ស្មាតហ្វូន Galaxy S9 និងមានលក្ខណៈប្រសើរជាងស្មាតហ្វូន Galaxy S8 ៕

ស្មាតហ្វូន Sony Xperia L2 ពេលនេះចាប់ផ្តើមលក់នៅក្នុងចក្រភពអង់គ្លេសហើយ!

  • January 31, 2018
  • 0 Comments

ពេលនេះ ស្មាតហ្វូនស៊េរីថ្មី Sony Xperia L2 ចាប់ផ្តើមអាចកម្មង់ទិញបាននៅក្នុងចក្រភពអង់គ្លេសហើយ។ ក្រុមហ៊ុនលក់រាយ Clove លក់ស្មាតហ្វូនស៊េរីថ្មីនេះនៅក្នុងតម្លៃ 199 ផោនដែលមានតម្លៃប្រហែលជា $282 ។ ចក្រភពអង់គ្លេសមិនមែនជាទីផ្សារដំបូងគេនៅក្នុងទ្វីបអ៊ឺរ៉ុបនោះទេដែលស្មាតហ្វូន Xperia L2 នេះដាក់លក់នោះ សម្រាប់ទីផ្សារនៅក្នុងប្រទេសបារាំង និងអាល្លឺម៉ង់ក៏ទើបតែទទួលបានស្មាតហ្វូននេះផងដែរគឺតម្លៃចន្លោះពី $285-$310 ៕

ក្រុមហ៊ុនបច្ចេកវិទ្យា Samsung និយាយថា ខ្លួននៅតែនាំមុខគេនៅក្នុងទីផ្សារនៃប្រទេសឥណ្ឌា

  • January 31, 2018
  • 0 Comments

ក្រុមហ៊ុនបច្ចេកវិទ្យា Samsung ធ្វើការបដិសេធទៅលើការវិភាគរបស់ក្រុមហ៊ុន Canalys ដែលថា ក្រុមហ៊ុនបច្ចេកវិទ្យា Xiaomi យកឈ្នះទៅលើក្រុមហ៊ុនបច្ចេកវិទ្យា Samsung នៅក្នុងប្រទេសឥណ្ឌានោះ។ ផ្អែកតាមទិន្នន័យបញ្ជាក់ពី GfK ដែលជាក្រុមហ៊ុនស្រាវជ្រាវនៅក្នុងប្រទេសអាល្លឺម៉ង់បញ្ជាក់ថា ក្រុមហ៊ុនបច្ចេកវិទ្យា Samsung មានតម្លៃនៃចំណែកទីផ្សារដល់ទៅ 45% និងចំណែកភាគហ៊ុន 40% ។ ក្រុមហ៊ុន Canalys ធ្វើការវិភាគទៅលើការនាំចេញ ខណៈពេលដែលក្រុមហ៊ុន​ GfK ធ្វើការតាមដានទៅលើការលក់វិញ។ តាមរយៈការវាស់នេះ ក្រុមហ៊ុនបច្ចេកវិទ្យា Samsung នៅតែនាំមុខនៅក្នុងទីផ្សារនៃប្រទេសឥណ្ឌា។ អ្នកនាំពាក្យរបស់ក្រុមហ៊ុនបច្ចេកវិទ្យា Sdamsung បន្ថែមថា ក្រុមហ៊ុននៅក្នុងប្រទេសឥណ្ឌានេះគឺជាម៉ាកយីហោដែលគួរឱ្យទុកចិត្តបំផុតនៅក្នុងឆ្នាំ 2017 នេះ៕

ធានាម៉ាអេមជាមួយ Galaxy J2 Pro

  • January 31, 2018
  • 0 Comments

ធានាថាម៉ាអេមជាមួយ​ Galaxy J2 Pro ក្នុងការ​កំសាន្ត​,កីឡានិងលេង​​Facebook ដោយមាន​អេក្រង់ទំហំធំញាក់សាច់ងាយស្រួលសម្រាប់អ្នកប្រើប្រាស់​​​  ក្នុងតម្លៃត្រឹមតែ 149 ដុល្លារ តែប៉ុណ្ណោះព្រមទាំង​ថែមជូន​មេម៉ូរីMicro SD ទំហំ 32GB ភ្លាមៗ។ ទូរស័ព្ទ Galaxy J2 Pro ជាម៉ូដែលថ្មីក្នុងគ្រួសារត្រកូលស៊េរី J ដែលបំពាក់នូវលក្ខណៈពិសេសជាច្រើន ដែលអ្នកប្រើប្រាស់ស្មាតហ្វូនទាំងអស់មិននឹកស្មានដល់។  អេក្រង់៖ ទូរស័ព្ទ Galaxy J2 Pro មានរូបរាងស្តើង និងបំពាក់នូវអេក្រង់ HD Super AMOLED ទំហំ5.0 អ៊ីញដ៏ធំច្បាស់ល្អ ដែលផ្តល់នូវកម្រិតរូបភាព និងពណ៌ច្បាស់ដូចធម្មជាតិ ដែលជាដៃគូដ៏ឥតខ្ចោះសម្រាប់ការទស្សនាវីដេអូ លេងហ្គេម ។ កាមេរ៉ា៖ ស្មាតហ្វូននេះបំពាក់នូវកាមេរ៉ាខាងក្រោយទំហំ 8 មេហ្គាភិចសែល និងកាមេរ៉ាខាងមុខទំហំ 5 មេហ្គាភិចសែល ជាមួយ Flash ដែលផ្តល់ភាពងាយស្រួលក្នុងការចាប់យករូបភាព និងថតសែលហ្វ៊ីដោយប្រើបាតដៃ (Palm Selfie) បានយ៉ាងស្អាតទោះបីអ្នកស្ថិតក្នុងកន្លែងងងឹតក៏ដោយ។ Smart Glow៖ […]

ក្រុមហ៊ុនបច្ចេកវិទ្យា LG Mobile នៅបន្តការធ្លាក់ចុះនូវប្រាក់ចំណូលក្នុងត្រីមាសទី 4 ឆ្នាំ 2017

  • January 30, 2018
  • 0 Comments

ក្រុមហ៊ុនបច្ចេកវិទ្យា LG Electronics ទើបតែបញ្ចញនូវប្រាក់ចំណូលនៅក្នុងត្រីមាសទី 4 និងក្នុងមួយឆ្នាំ 2017 នេះ។ ក្រុមហ៊ុននេះទើបតែបង្ហោះនូវប្រាក់ចំណូលប្រចាំឆ្នាំមានចំនួន 55.4 ពាន់លានដុល្លារអាមេរិកដែលមានការកើនឡើង 11% ជាងឆ្នាំ 2016 ។ សម្រាប់ប្រាក់ចំណេញនេះគឺមានការកើនឡើង 2.24 ពាន់លានដុល្លារអាមេរិកស្មើរនឹង 85% នៃការកើនឡើងពីឆ្នាំ 2016 ។ សម្រាប់ផ្នែកអាជីវកម្ម Mobile Communications មិនអាចរកប្រាក់ចំណេញនោះទេដោយសារតែមានការខាតបង់ទឹកប្រាក់ 192.33 លានដុល្លារអាមេរិកពី 331.37 លានដុល្លារអាមេរិកនៅក្នុង 3 ខែមុននេះ។ សម្រាប់រដូវលំហែរនេះ ការលក់របស់ស្មាតហ្វូន LG V30 និងស្មាតហ្វូនថ្នាក់ប្រណិតជាច្រើនរបស់ក្រុមហ៊ុន Samsung គឺមានសភាពខ្លាំងក្លា។ សម្រាប់កំណើននៃប្រាក់ចំណេញគឺដោយសារតែការកើនឡើងនៃតម្រូវការផលិតផលនៃ LG OLED និង UHD TV រួមទាំងម៉ាស៊ីនបោកគក់ TWINWash Washing Machines និងម៉ាស៊ីនត្រជាក់ InstaView Refrigerators ដែលបង្កើននូវប្រាក់ចំណូលរបស់ក្រុមហ៊ុន LG នោះ៕

ស្មាតហ្វូនស៊េរីថ្មី Samsung Galaxy S9+ បែកធ្លាយតាមរយៈ Case Renders

  • January 30, 2018
  • 0 Comments

ក្រុមហ៊ុនបច្ចេកវិទ្យា Samsung ត្រៀមខ្លួនក្នុងការប្រកាសបង្ហាញនូវស្មាតហ្វូនស៊េរីថ្មី Galaxy S9 និង Galaxy S9+ នៅក្នុងរយៈពេលមួយខែទៀតគឺនៅថ្ងៃទី 25 ខែកុម្ភៈខាងមុខនេះ ប៉ូន្តែស្មាតហ្វូននេះក៏ត្រូវគេដឹងអំពីរូបរាងរបស់វាតាមរយៈ Case Renders ថែមទៀត។   សម្រាប់ស្មាតហ្វូន Galaxy S9+ គឺពិតជាស្រស់ស្អាតមែនទែននៅក្នុងសម្បក Poetic Cases នៅក្នុងពណ៌ពីរសម្រាប់ជ្រើសរើសគឺ Grey និង Orchid Silver ។ សម្រាប់ស្មាតហ្វូនស៊េរីថ្មីនេះនឹងមានប្រព័ន្ធកាមេរ៉ាភ្លោះ និងប្រព័ន្ធស្កេនក្រយ៉ៅដៃនៅក្បែនេះតែម្តង។ ស្មាតហ្វូន Galaxy S9 នឹងមានកាមេរ៉ាតែមួយគ្រាប់ប៉ុណ្ណោះ។ សម្រាប់ស្មាតហ្វូន Galaxy S9 និង Galaxy S9+ នឹងមានរូបរាង និងទំហំដូចគ្នាទៅនឹងស្មាតហ្វូន Galaxy S8 ដែរគ្រាន់តែវាមានការពង្រឹងទៅលើប្រព័ន្ធកាមេរ៉ា f/1.5 ប្រព័ន្ធ Stereo Speakers និង Processors ខ្លាំងជាងមុន។ ស្មាតហ្វូននេះក៏នឹងមានប្រើប្រាស់នូវមុខងារ Super Slow-Motion […]

ក្រុមហ៊ុនបច្ចេកវិទ្យា Samsung បញ្ចេញនូវកម្មវិធី PyeongChang 2018 App

  • January 30, 2018
  • 0 Comments

ថ្មីៗនេះ ក្រុមហ៊ុនបច្ចេកវិទ្យា Samsung ប្រកាសបង្ហាញនូវកម្មវិធី App ផ្លូវការរបស់ខ្លួនដែលមានឈ្មោះថា PyeongChang 2018 សម្រាប់ព្រឹត្តិការណ៍ Winter Olympics នៅខែក្រោយនេះ។ សម្រាប់កម្មវិធីនេះមានការផ្តល់នូវការ Update ទៅលើព័ត៌មានកីឡា ព័ត៌មានអំពីអត្តពលិក ការកត់ត្រាទៅលើការទទួលមេដាយផងដែរ។ វានៅសល់ពេលប្រមាណជា 2 សប្តាហ៍ទៀតសម្រាប់ព្រឹត្តិការណ៍ Games នេះក្នុងការចាប់ផ្តើមការប្រកួតនោហ ហើយកម្មវិធីនេះក៏នឹងផ្តល់ជូននូវព័ត៌មានថ្មីៗអំពីព្រឹត្តិការណ៍ខាងមុខនេះ និងព័ត៌មានចុងក្រោយបំផុតចេញពី Torch Relay ។ កម្មវិធី App នេះក៏នឹងផ្តល់នូវ News Feed និង Notifications រួមជាមួយនឹងរូបភាព និងការបញ្ចេញនូវ Video Highlight ផងដែរ។ សម្រាប់ពេលវេលានៃព្រឹត្តិការណ៍ LiveStream នោះគឺការប្រើប្រាស់នូវ hashtag #PyeongChang2018 ចេញពីបណ្តាញសង្គម Instagram ។ ក្រុមហ៊ុនបច្ចេកវិទ្យា Samsung ក៏នឹងផ្តល់ជូននូវស្មាតហ្វូន Galaxy Note 8 នេះសម្រាប់គ្រប់អ្នកចូលរួមក្នុងការប្រកួតកីឡានេះផងដែរ៕