ការបើកបរជាមួយនឹងចំណង់ចំណូលចិត្តដើម្បីឱ្យការផ្ដល់សេវាកម្មជូនដល់អតិថិជនកាន់តែប្រសើរឡើង

ជួបជាមួយដៃគូអ្នកបើកបរពីរនាក់របស់ Grab ដែលចូលចិត្តការងាររបស់ពួកគេ – តាមរយៈការផ្តល់សេវាកម្មលំដាប់ថ្នាក់ទី ១ ដល់អ្នកដំណើររបស់ពួកគាត់  ភ្នំពេញថ្ងៃទី ២៨ ខែឧសភាឆ្នាំ ២០១៨ – ទំនាក់ទំនងជាមួយអតិថិជនគឺជាគន្លឹះសំខាន់សម្រាប់ភាពជោគជ័យរបស់អាជីវកម្មទាំងអស់។ សម្រាប់អាជីវកម្មដែលនាំមកនូវផាសុកភាព សុវត្ថិភាព និងការជឿទុកចិត្តរបស់មនុស្ស ជាគុណតម្លៃស្នូលដែលជំរុញទឹកចិត្តដល់ដៃគូបើកបររបស់ Grab ម្នាក់ៗ នៅពេលពួកគេធ្វើការងារប្រចាំថ្ងៃ។ លោក ប៊ុន រដ្ឋា ជាអ្នកបើកបរ JustGrab ជាស្វាមី ហើយក៏ជាឪពុកមួយរូប និងលោក ធន់ ធាន ជានិស្សិតមហាវិទ្យាល័យ និងជាអ្នកបើកបរ GrabBike។ អ្នកទាំងពីរគាំទ្រស្តង់ដាសេវាកម្មរបស់ Grab ។ អ្នកទាំងពីរបានធ្វើការរយៈពេលពីរបីខែជាមួយ Grab និងផ្តល់សេវាកម្មដល់អតិថិជនជាមធ្យម ១០នាក់ក្នុងមួយថ្ងៃនៅក្នុងរាជធានីភ្នំពេញ។   លោក រដ្ឋា តែងមានស្នាមញញឹម និងពូកែនិយាយ ហើយចូលចិត្តជជែកលេងជាមួយអតិថិជនរបស់គាត់ និងចែករំលែកនូវភាពសប្បាយរីករាយជាមួយពួកគេ។ សម្រាប់ លោក រដ្ឋា អ្វីដែលសំខាន់បំផុតគឺធ្វើឱ្យអតិថិជនរីករាយ និងធានាថាពួកគេមានអារម្មណ៍ថាមានសុវត្ថិភាព និងផាសុកភាពនៅពេលធ្វើដំណើរជាមួយគាត់។ គាត់ជាមនុស្សចេះគួរសម ហើយយកចិត្តទុកដាក់យ៉ាងពិសេសចំពោះរថយន្តរបស់គាត់ – […]

ស្មាតហ្វូនស៊េរីថ្មី BlackBerry Ghost នឹងបង្ហាញខ្លួននៅក្នុងរដូវក្តៅនេះ

ត្រឡប់ទៅកាន់ខែកុម្ភៈឆ្នាំនេះវិញ លោក Evan Blass ទម្លាយថា ស្មាតហ្វូន Android របស់ក្រុមហ៊ុន​ BlackBerry ដែលមានស៊ុមព័ទ្ធអេក្រង់ស្តើង ថ្នាក់ប្រណិតនោះនឹងមានឈ្មោះថា Ghost ហើយវានឹងបង្ហាញខ្លួននៅក្នុងប្រទេសឥណ្ឌាឆាប់ៗនេះ។ ពេលនេះ អ្នកទម្លាយនេះបញ្ជាក់ថា ស្មាតហ្វូននេះនឹងបង្ហាញខ្លួនជាផ្លូវការនៅរដូវក្តៅនេះ។ ក្រុមហ៊ុន Optiemus Infracom ដែលគ្រប់គ្រងទៅលើម៉ាកយីហោរបស់ក្រុមហ៊ុន BlackBerry នៅក្នុងប្រទេសឥណ្ឌាគឺទទួលខុសត្រូវទៅលើការរចនា និងការផលិតស្មាតហ្វូននេះ។ ដូចនេះ ស្មាតហ្វូននេះនឹងដាក់លក់មុនគេនៅក្នុងប្រទេសឥណ្ឌានេះ។ ថ្មីៗនេះ ក្រុមហ៊ុន Optiemus ក៏មានគម្រោងក្នុងការប្រកាសបង្ហាញនូវស្មាតហ្វូនជាច្រើនទៀតនៅក្រោមស្លាកយីហោ BlackBerry Band នៅក្នុងពីរត្រីមាសបន្ទាប់៕

ប្រអប់របស់ស្មាតហ្វូន Xiaomi Mi 8 ត្រូវបែកធ្លាយជាមួយនឹងប្រព័ន្ធកាមេរ៉ាភ្លោះ Dual-GPS Module និងមិនមានរន្ធ 3.5mm Jack ទេ

នៅថ្ងៃទី 31 ខែឧសភាខាងមុខនេះ ក្រុមហ៊ុនបច្ចេកវិទ្យា Xiaomi នឹងរៀបចំនូវព្រឹត្តិការណ៍មួយសម្រាប់ការប្រកាសបង្ហាញនូវស្មាតហ្វូនស៊េរីថ្មីរបស់ខ្លួនដែលវាប្រហែលជាស្មាតហ្វូន Mi 8 ។ ពេលនេះ រូបភាពប្រអប់របស់ស្មាតហ្វូននេះក៏បែកធ្លាយអនឡាញផងដែរ។ ស្មាតហ្វូននេះប្រើប្រាស់នូវបន្ទះឈីប​Qualcomm Snapdragon 845 SoC ជាមួយរ៉េមទំហំ 6GB និងម៉េមូរីក្នុងម៉ាស៊ីនទំហំ 64GB ។ មុខងាររបស់ស្មាតហ្វូនដែលមានបង្ហាញនៅលើប្រអប់មានដូចជា GPS, Dual-GPS Module ។ នៅលើប្រអប់នេះ គេសង្កេតឃើញមានប្រព័ន្ធកាមេរ៉ាភ្លោះនៅខាងក្រោយ និងការប្រើប្រាស់រន្ធ USB Type-C ផងដែរ។ ស្មាតហ្វូននេះមិនមានរន្ធសម្រាប់ដោត 3.5mm Audio Jack នោះទេ៕

ស្មាតហ្វូនស៊េរីថ្មី Samsung Galaxy Note 9 នឹងមានរ៉េមទំហំ 8GB/512GB

តាមពាក្យចចាមអារ៉ាមថ្មីបំផុតបញ្ជាក់ថា ក្រុមហ៊ុនបច្ចេកវិទ្យា Samsung ប្រហែលជាផ្តល់ជម្រើសសម្រាប់ស្មាតហ្វូន Galaxy Note 9 ជាមួយនឹងរ៉េមទំហំ 8GB និងម៉េមូរីទំហំ 512GB ក្នុងការប្រើប្រាស់។ ព័ត៌មាននេះត្រូវទម្លាយដោយ Ice Universe ដែលជាអ្នកតាមដាន និងទម្លាយនូវព័ត៌មានរបស់ក្រុមហ៊ុន Samsung នោះ។ យ៉ាងណាមិញ ប្រភពនេះមិនទម្លាយអំពីទីផ្សាររបស់ស្មាតហ្វូននេះដែលនឹងត្រូវដាក់លក់នោះទេ ប៉ុន្តែវាមានពាក្យចចាមអារ៉ាមជាច្រើនផ្សេងទៀតដែលបញ្ជាក់ថា ស្មាតហ្វូននេះនឹងមានរ៉េមទំហំ 6GB និងម៉េមូរីទំហំ 64/128GB/256GB សម្រាប់ប្រើប្រាស់ដូចគ្នាទៅនឹងស្មាតហ្វូន Galaxy Note 8 តែប៉ុណ្ណោះ៕

ស្មាតហ្វូនស៊េរីថ្មី Lenovo Z5 ដែលមានគែមស្តើងបំផុតបង្ហាញខ្លួននៅថ្ងៃទី 5 ខែមិថុនា

ពេលនេះ ព័ត៌មានរបស់ស្មាតហ្វូនស៊េរីថ្មី Lenovo Z5 បង្ហាញខ្លួននៅលើ Weibo ហើយ។ ស្មាតហ្វូននេះបែកធ្លាយដំបូងជាមួយនឹងគែមរបស់វា ក្រោយមកទៀតក៏ជាគំនូសព្រាង ហើយពេលនេះយើងអាចដឹងអំពីថ្ងៃនៃការប្រកាសបង្ហាញខ្លួនរបស់វាហើយ។ ស្មាតហ្វូននេះនឹងប្រកាសបង្ហាញខ្លួននៅថ្ងៃទី 5 ខែមិថុនាខាងមុខនេះ នេះបើតាមការបញ្ជាក់របស់លោក Chang Cheng ដែលអនុប្រធានរបស់ក្រុមហ៊ុន Lenovo នោះ។ ព្រឹត្តិការណ៍នេះនឹងធ្វើឡើងនៅទីក្រុងប៉េកាំងនៅវេលាម៉ោង 2 PM ៕  

ស្មាតហ្វូន Xiaomi ថ្នាក់កណ្តាលមួយទៀតរបស់ក្រុមហ៊ុន Xiaomi ប្រើប្រាស់នូវ Notch បង្ហាញខ្លួនលើ TENAA

កាលពី 5 ថ្ងៃមុននេះ ស្មាតហ្វូនស៊េរីថ្មីមួយបង្ហាញខ្លួននៅលើ TENAA ហើយស្មាតហ្វូននេះប្រហែលជា Redmi 6 ។ នៅថ្ងៃនេះ ស្មាតហ្វូននេះបង្ហាញខ្លួននៅលើវេបសាយរបស់ចិនដែលមានទំហំធំជាងមុនប្រហែលជាប្រភេទ Plus ដែលស្រដៀងគ្នាទៅនឹងស្មាតហ្វូន Redmi 5 និង Redmi 5 Plus ផងដែរ។ ស្មាតហ្វូននេះប្រើប្រាស់នូវប្រព័ន្ធកាមេរ៉ាភ្លោះទំហំ 12MP + 5MP ហើយវាប្រហែលជាស្មាតហ្វូន Redmi 6 ឬ Redmi 6 Pro ។ ស្មាតហ្វូន Redmi 6 នឹងមានអេក្រង់ទំហំ 5.84’’ កម្រិត Full HD+ និងមាន Notch ផងដែរ។ ស្មាតហ្វូន Redmi 6 lus វិញប្រើប្រាស់នូវបន្ទះឈីប Octa-Core CPU ដែលមានល្បឿន 2GHz ហើយវាមានទំហំ 2/16GB, 3/32GB […]

នាឡិកាដៃ Xiaomi Mi Band 3 ប្រកាសបង្ហាញខ្លួននៅថ្ងៃព្រហស្ប៍សប្តាហ៍នេះ

ថ្មីៗនេះ ក្រុមហ៊ុនបច្ចេកវិទ្យា Xiaomi បញ្ជាក់ថា នាឡិកាដៃ Mi Band 3 នឹងប្រកាសបង្ហាញខ្លួននៅសប្តាហ៍នេះនៅក្នុងព្រឹត្តិការណ៍ថ្ងៃទី 31 ខែឧសភានេះ។ ព័ត៌មាននេះត្រូវបញ្ជាក់ដោយលោក Lei Jun ដែលជា CEO របស់ក្រុមហ៊ុននេះបញ្ជាក់នៅលើការបង្ហោះនៃ Weibo របស់គាត់នោះ។ នាយកប្រតិបត្តិនេះបញ្ជាក់អោយឃើញយ៉ាងច្បាស់ថា នាឡិកានេះស្ថិតនៅលើកដៃរបស់គាត់ជាមួយនឹងស្មាតហ្វូន Black Shark ហើយនោះគឺជានាឡិកា Mi Band 3 ។ លោក Jun បញ្ជាក់ថា ក្រុមហ៊ុន Xiaomi ធ្វើការតេស្តទៅលើនាឡិកា Band 3 នេះរយៈពេលពីរបីខែមុន ហើយវាពិតជាល្អប្រសើរជាង Mi Bands ជំនាន់មុនៗ។នាឡិកានេះគឺមានរូបរាងស្រដៀងគ្នាទៅនឹងជំនាន់មុនដែរ ប៉ុន្តែវាមានអេក្រង់កញ្ចក់កោង 2.5D ។ នាឡិកានេះមិនមានប៊ូតុងអ្វីនោះទេ ហើយវាទ្រទ្រង់នូវ Bluetooth 4.2 និង NFC រួមទាំង IP67 ផងដែរ៕

ស្មាតហ្វូន Samsung Sunrise Gold Galaxy S9 បង្ហាញខ្លួននៅក្នុងសហរដ្ឋអាមេរិក

នៅសប្តាហ៍នេះ ក្រុមហ៊ុនបច្ចេកវិទ្យា Samsung បន្ថែមនូវពណ៌ថ្មីពីរពណ៌ទៀតគឺស្មាតហ្វូន Galaxy S9 និង​Galaxy S9+ គឺពណ៌ Burgundy Red និង​ Sunrise Gold ។សម្រាប់ទីផ្សារនៅក្នុងសហរដ្ឋអាមេរិកនោះ ស្មាតហ្វូននេះគឺមានតែពណ៌ Sunrise Gold តែប៉ុណ្ណោះ។ ស្មាតហ្វូន Samsung Sunrise Gold Galaxy S9 ថ្មីនេះនឹងដាក់លក់នៅក្នុងសហរដ្ឋអាមេរិក ជាមួយនឹងពណ៌  Midnight Black, Coral Blue ឬ Lilac Purple ។ ក្រុមហ៊ុនបច្ចេកវិទ្យា Samsung នៅមិនទាន់បញ្ជាក់អំពីកាលបរិច្ឆេទនៃការលក់នៅឡើយទេ៕

បែកធ្លាយវីដេអូរបស់ស្មាតហ្វូន Xiaomi Mi 8 ភ្ជាប់ជាមួយនឹងបច្ចេកវិទ្យាស្កេនក្រយ៉ៅដៃក្រោមអេក្រង់

កាលពីម្សិលមិញនេះ យើងដឹងថាក្រុមហ៊ុនបច្ចេកវិទ្យា Xiaomi នឹងធ្វើព្រឹត្តិការណ៍នៅក្នុងខួបទី 8 ជាមួយនឹងស្មាតហ្វូន Mi 8 ។ យើងបញ្ជាក់ថា ក្រុមហ៊ុនបច្ចេកវិទ្យា Xiaomi នឹងបង្ហាញនូវបច្ចេកវិទ្យា 3D Facial Recognition ដូចជា iPhone X ជាមួយនឹងបច្ចេកវិទ្យាស្កេនក្រយ៉ៅដៃក្រោមអេក្រង់ផងដែរ។ នៅក្នុងវីដេអូបែកធ្លាយខ្លីនេះបញ្ជាក់ថា ស្មាតហ្វូន Xiaomi អាចធ្វើការ Unlock ទៅលើស្នាមក្រយ៉ៅដៃនៅលើអេក្រង់នេះ។ ស្មាតហ្វូននេះប្រើប្រាស់នូវ MIUI នេះ។ ស្មាតហ្វូននេះនឹងប្រកាសបង្ហាញខ្លួននៅថ្ងៃទី 23 ខែឧសភានេះ។ ស្មាតហ្វូននេះនឹងប្រើប្រាស់នូវបន្ទះឈីប Qualcomm Snapdragon 845  រ៉េមទំហំ 8GB និងការកម្មង់ទិញមុននៅថ្ងៃទី 27 ខែឧសភាខាងមុខនេះ៕

ស្មាតហ្វូនស៊េរីថ្មី LG G7 ThinQ ទទួលការកម្មង់ទិញមុនដល់ទៅ 70,000 គ្រឿងនៅក្នុងរយៈពេល 6 ថ្ងៃនៅកូរ៉េខាងត្បូង

ពេលនេះ​ស្មាតហ្វូនស៊េរីថ្មី LG G7 ThinQ នឹងដាក់លក់ជាផ្លូវការនៅក្នុងប្រទេសកូរ៉េខាងត្បូង។ ស្មាតហ្វូនស៊េរីថ្មីនេះចាប់ផ្តើមទទួលការកម្មង់ទិញមុនច្រើនជាងស្មាតហ្វូន LG G6 ។ ស្មាតហ្វូន LG G7 ThinQ នេះមានការកម្មង់ទិញមុនដល់ទៅ 70,000 គ្រឿងនៅក្នុងរយៈពេល 6 ថ្ងៃដែលច្រើនជាងស្មាតហ្វូន LG G6 ដែលមានការកម្មង់ទិញមុន 40,000 គ្រឿងនៅឆ្នាំមុននេះ។ ស្មាតហ្វូននេះមិនមានការកម្មង់ច្រើនដូចស្មាតហ្វូន Galaxy S9 និង Galaxy S9+ នោះទេ ប៉ុន្តែវាក៏មានសង្ឃឹមការងើបឡើងវិញនៃផ្នែកស្មាតហ្វូនរបស់ក្រុមហ៊ុន LG នោះទេ៕