SAP ដោះស្រាយបញ្ហាសន្តិសុខជាមួយផលិតផល Cloud មួយចំនួន និងជូនដំណឹងដល់អតិថិជនចំនួន៤៤០០០០ នាក់

ក្រុមហ៊ុនSAP ប្រកាសនៅថ្ងៃចន្ទថា ពួកគេត្រូវដោះស្រាយបញ្ហាសន្តិសុខជាមួយផលិតផលដែលមានមូលដ្ឋានលើ cloud របស់ពួកគេ។ កំហុសដែលកើតឡើងជាផ្នែកមួយនៃសវនកម្មសុវត្ថិភាពផ្ទៃក្នុង។ ក្រុមហ៊ុន SAP និយាយថា ផលិតផលលើ cloud មួយចំនួនពុំមានស្តង់ដារ ឬសន្តិសុខសុវត្ថិភាពតាមបច្ចេកវិទ្យាដែលបានព្រមព្រៀងគ្នា ឬតាមកិច្ចសន្យា ហើយពួកគេក៏ចាប់ផ្តើមជួសជុលវា។ ផលិតផលរងផលប៉ះពាល់មាន SAP Success Factors, SAP Concur, SAP / Callidus Cloud, SAP / Callidus Cloud CPQ; SAP C4C / Sales Cloud, SAP Cloud Platform និង SAP Analytics Cloud ។ ក្រុមហ៊ុន SAAP បញ្ជាក់ថា ភាពងាយរងគ្រោះមិនមែនជាឧប្បត្តិហេតុសន្តិសុខទេ ហើយពុំមានទិន្នន័យអតិថិជនណាមួយត្រូវរងការសម្របសម្រួលដែរ។ ក្រុមហ៊ុន SAPបាននិយាយថា ពួកគេចាប់ផ្តើមដោះស្រាយកំហុសលើផលិតផលដែលរងផលប៉ះពាល់ដើម្បីឆ្លើយតបតាមស្តង់ដារសុវត្ថិភាពព័ត៌មានវិទ្យានាពេលបច្ចុប្បន្ន ហើយការជួសជុលកំហុសនឹងត្រូវបញ្ចប់យ៉ាងហោចណាស់នៅត្រីមាសទី២ ឆ្នាំ២០២០។ ក្រុមហ៊ុន SAAP មានអតិថិជនច្រើនជាង៧៥, […]

យុទ្ធនាការមេរោគ Trickbot កំណត់គោលដៅដោយប្រើឈ្មោះមេរោគកូវីដ១៩

ក្រុមការងារស្រាវជ្រាវសុវត្ថិភាព IBM និយាយថាក្រុមគំរាមកំហែងសុវត្ថិភាព(Cyberthreat)​ប្រើមេរោគ(malspam) ដែលប្រើចំណងជើងជំងឺកូវីដ១៩ ដើម្បីចែកចាយមេរោគឈ្មោះ Trickbot។លើកនេះ អ្នកវាយប្រហារប្រើ FMLA (ច្បាប់គ្រួសារ និងការឈប់សម្រាកផ្នែកវេជ្ជសាស្រ្ត)ដើម្បីទាក់ទាញអ្នកប្រើប្រាស់ឱ្យបើកសន្លឹកច្បាប់ជំងឺកូវីដ១៩ដោយភ្ជាប់មកជាមួយឯកសារ ដែលមានចំណងជើងថា “ការឈប់សម្រាកគ្រួសារ និងវេជ្ជសាស្ត្រនៃច្បាប់២២.០៤.២” (“Family and Medical Leave of Act 22.04.doc”) ដើម្បីចែកចាយមេរោគ។ សារឥតបានការទាំងនោះបន្លំខ្លួនថាជាភ្នាក់ងារមកពីមន្ទីរការងារសហរដ្ឋអាមេរិក (DoL) ។ TrickBotគឺជាមេរោគ(Trojan)ធនាគារដ៏ទំនើបមួយដែលដំណើរការដោយក្រុមគំរាមកំហែងតាមប្រព័ន្ធអ៊ីនធឺរណិត។ អ្នកប្រើប្រាស់ដែលឆ្លងមេរោគ TrickBot Trojan ក្លាយជាដំណើរការមួយលើបណ្តាញអ៊ីនធឺរណិត(botnet) ដែលអាចឱ្យអ្នកវាយប្រហារទទួលបានការគ្រប់គ្រងលើឧបករណ៍បានពេញលេញ។ ផលវិបាកពីការឆ្លងមេរោគ TrickBot គឺវាអាចការកាន់កាប់គណនីធនាគារ និងបន្លំបណ្តាញដែលមានតម្លៃខ្ពស់ ហើយវាជាមេរោគវាយប្រហារកំណត់គោលដៅលើបណ្តាញអង្គការ។ វាជាមេរោគដែលធ្វើការវាយប្រហារលើវិស័យហិរញ្ញវត្ថុតាមអ៊ិនធឺរណិតជាចម្បង។ ឯកសារភ្ជាប់ពីរដំបូងវាគឺជាឯកសាររូបភាព ហើយឯកសារទី៣ជាលិខិតនៃ“ការឈប់សម្រាកសម្រាប់គ្រួសារនិងវេជ្ជសាស្រ្តនៃច្បាប់ ២២.០៤.២oc” (“Family and Medical Leave of Act 22.04.doc”) ដោយវាបានស្នើសុំឱ្យអ្នកប្រើប្រាស់បើកម៉ាក្រូ (ThisDocument.cls) ក្រោយមកវាទម្លាក់ឯកសារមេរោគទៅទីតាំងម៉ាស៊ីនអ្នកប្រើ” C: Test terop.bat “៕

ឧបករណ៍រាប់ពាន់លានស្ថិតក្នុងភាពគ្រោះថ្នាក់ តាមរយៈការវាយប្រហារតាម Bluetooth

អ្នកសិក្សាស្រាវជ្រាវមកពី École Polytechnique Fédérale de Lausanne (EPFL) បង្ហាញពីភាព ងាយរងគ្រោះនៅក្នុង Bluetooth ដែលអាចឱ្យហេគឃ័រអាចលួចចូលបញ្ជាពីចម្ងាយទៅកាន់ឧបករណ៍ដែលអាចភ្ជាប់ទំនាក់ទំនងជាមួយគ្នាបាន និងអាចបង្ហាញឧបករណ៍រាប់ពាន់លានគ្រឿងនេះទៅកាន់ហេគឃ័របាន។ ការវាយប្រហារ Buetooth Impersonation AttackS (BIAS) ពាក់ព័ន្ធនឹង Bluetooth Classic ដែលគាំទ្រ Basic Rate (BR) និង  Enhanced Data Rate (EDR) ដើម្បីបញ្ជូនទិន្នន័យឥតខ្សែតាមរយៈ wireless ទៅកាន់ឧបករណ៍នេះ។ កូនសោរភ្ជាប់ទំនាក់ទំនង​(link key)ត្រូវធានាថាអ្នកប្រើប្រាស់មិនប្រើឧបករណ៍របស់ពួកគេនៅពេលដំណាលគ្នានៃការផ្ញើរទិន្នន័យដូចជា ជាមួយនឹងកាសស្តាប់ឥតខ្សែនិង ទូរសព្ទ័ ឬក៏រវាងកុំព្យូទ័រ២ដំណាលគ្នាក្នុងពេលតែមួយឡើយ។ បើមិនដូច្នោះទេ អ្នកវាយប្រហារអាចឆ្លៀតឱកាសសើ្នសុំភ្ជាប់ទៅកាន់ឧបករណ៍នោះដោយថតចម្លង អាសយដ្ឋាន Bluetooth របស់អ្នកប្រើប្រាស់ និងអាចប្រើប្រាស់នៅពេលក្រោយទៀតតាម រយៈឧបករណ៍ pairing key ដែលភ្ជាប់នៅពេលនោះ។ ហេគឃរ័អាចវាយប្រហារទៅកាន់ ឧបករណ៍គោលដៅតាមរយៈឧបករណ៍ដែលអាចភ្ជាប់ទំនាក់ទំនងជាមួយគ្នាដែលភ្ជាប់ពីមុននេះ។ អ្នកស្រាវជ្រាវសន្មតថា “ក្រុមអ្នកវាយប្រហារ BIAS ជាអ្នកដំបូងដែលរកឃើញបញ្ហាពាក់ពន្ធ័ នឹងសុវត្ថិភាពដំណើរការផ្ទៀងផ្ទាត់ភ្ជាប់ Bluetooth ការផ្លាស់ប្តូរតួអង្គ […]

RamsayជាមេរោគToolkitវាយប្រហារលួចទិន្ន័យពីបណ្តាញសុវត្ថិភាពកុំព្យូទ័រ

កាលពីពេលថ្មីៗនេះ ក្រុមហ៊ុនសន្តិសុខអ៊ីនធឺរណិត ESET រកឃើញមេរោគ(malware toolkit) ដែលត្រូវគេដាក់ឈ្មោះថា មេរោគ Ramsay។ មេរោគ Ramsay ជាការវាយប្រហារមេរោគដ៏កម្ររមួយដែលមានសមត្ថភាពខ្លាំងក្លាលើបណ្តាញសព្វថ្ងៃ។ មេរោគ Ramsay ត្រូវបង្កើតឡើងជាមួយលក្ខណៈពិសេសថ្មីដែលមានសមត្ថភាពក្នុងការវាយប្រហារលើបណ្តាញកុំព្យូទ័រ  ដែលមានផ្ទុកបណ្តុំឯកសារ និងទំហំផ្ទុកទិន្ន័យសំខាន់ៗនៅក្នុងធុងផ្ទុកទិន្នន័យបិទជិត។ ក្រោយពីវាយប្រហារប្រើប្រាស់មេរោគ Ramsay រួច អ្នកវាយប្រហារគ្រាន់តែរង់ចាំឱកាសដើម្បីលួចឯកសារសំខាន់ពីបណ្តាញមានមេរោគនេះប៉ុណ្ណោះ។ Ramsay មានគ្រោះថ្នាក់ណាស់ព្រោះវាជាផ្នែកមួយនៃការវាយប្រហារមេរោគដ៏កម្ររបំផុតដែលកើតឡើងនាពេលថ្មីៗនេះ។ ដូច្នេះ ក្រុមហ៊ុនសន្តិសុខអ៊ីនធឺរណិត ESET  បញ្ជាក់ថា មេរោគ Ramsay បង្កើតឡើងជាចម្បងដើម្បីបង្កើនគម្លាតអាកាស និងអាចជ្រៀតចូលដល់បណ្តាញកុំព្យូទ័រដែលនៅដាច់ឆ្ងាយពីអ៊ីនធឺរណិត៕

Huawei P20 Pro និង Mate 10 ទទួលបាននូវ Android 10 ជាមួយនឹង EMUI 10

ក្រុមហ៊ុន Google ត្រៀមខ្លួនក្នុងការបញ្ចេញនូវ Beta របស់ Android 11 នៅក្នុងរយៈពេលប៉ុន្មានថ្ងៃខាងមុខនេះប៉ុន្តែវាមានស្មាតហ្វូនជាច្រើនដែលនៅតែមិនទាន់ដំណើរការនូវ Android 10 ។ ស្មាតហ្វូនចំនួន ២ ម៉ូឌែលដែលទទួលបាននូវ EMUI 10  និង Android 10 នោះគឺស្មាតហ្វូន P20 Pro និង Mate 10 ។   ស្មាតហ្វូននេះបង្ហាញខ្លួននៅក្នុងខែវិច្ឆិកា ឆ្នាំ ២០១៧ ដែលមានរយៈពេលជាង ២ ឆ្នាំកន្លះហើយ។ ការអាប់ដេតសម្រាប់ស្មាតហ្វូន P20 Pro  នេះគឺជា EMUI 10.0.0.161 ហើយស្មាតហ្វូន Mate 10 គឺមាន EMUI 10.0.0.158 ។ ការអាប់ដេតនេះគឺសម្រាប់ទាំងនៅអ៊ឺរ៉ុប​និងអាស៊ី៕

Oppo ធ្វើបច្ចុប្បន្នភាពនៅលើ ColorOS 7 (Android 10) សម្រាប់ស្មាតហ្វូនជាច្រើនរបស់ខ្លួននៅក្នុងប្រទេសឥណ្ឌា

ក្រុមហ៊ុនបច្ចេកវិទ្យា​ Oppo ចាប់ផ្តើមដំណើរការនូវ ColorOS 7 ( ដែលផ្អែកនៅលើ Android 10) សម្រាប់ស្មាតហ្វូនជាច្រើនរបស់ខ្លួននៅក្នុងប្រទេសឥណ្ឌា បន្ទាប់ពីការអាប់ដេតនេះចាប់ផ្តើមនៅក្នុងប្រទេសចិននៅក្នុងខែមេសានោះ។ ការអាប់ដេតនេះសម្រាប់ស្មាតហ្វូន flagships និងស្មាតហ្វូនជាច្រើនទៀតត្រកូល Reno, Find, K និង A series ។ វាមានកម្មវិធីជាច្រើនដែលមានមកជាមួយនោះគឺ Digilocker service និង Hawa Mahal wallpaper ។ ការអាប់ដេតនេះនឹងមានសម្រាប់ម៉ូឌែលជាច្រើនទៀតនៅក្នុងខែមិថុនា និងខែកក្កដា។ ColorOS 7 មានការពង្រឹងទៅលើ UI កម្លាំងដំណើរការ និងកាមេរ៉ាថែមទៀត៕

Oppo ប្រម៉ាញ់យកវិស្វកររបស់ក្រុមហ៊ុន MediaTek, Qualcomm និង HiSilicon ដើម្បីធ្វើការនៅលើបន្ទះឈីបរបស់ក្រុមហ៊ុន

យើងបានដឹងថា ក្រុមហ៊ុនបច្ចេកវិទ្យា Oppo កំពុងតែធ្វើការនៅលើបន្ទះឈីបខ្លួនឯង ប៉ុន្តែក្រុមហ៊ុននេះនៅមិនទាន់ទម្លាយនូវលក្ខណៈសម្បត្តិអ្វីដែលពិសេសនៅឡើយទេ។ ពេលនេះ តាមការបញ្ជាក់របស់ Nikkei Asian Review នោះ ក្រុមហ៊ុនបច្ចេកវិទ្យានេះក៏ធ្វើការជ្រើសរើសនូវក្រុមវិស្វករជាច្រើនដើម្បីធ្វើការនៅលើបន្ទះឈីប SoC នាពេលអនាគត និងក្រុមវិស្វករជាច្រើនចេញពីក្រុមហ៊ុនហ៊ុនល្បីៗផងដែរ។   ក្រុមហ៊ុនបច្ចេកវិទ្យា Oppo បានជ្រើសរើសនូវនាយកប្រតិបត្តិកំពូលពីររូបរបស់ក្រុមហ៊ុន MediaTek និង Unisoc ។ លោក Jeffery Lu ក៏យល់ព្រមតាមក្រុមហ៊ុន Oppo នៅក្នុងការអភិវឌ្ឍទៅលើបច្ចេកវិទ្យា 5G chip របស់ក្រុមហ៊ុន MediaTek ។ នៅក្នុងប្រភពខាងក្នុងបញ្ជាក់ថា ក្រុមហ៊ុននេះក៏ប្រម៉ាញ់បុគ្គលិកជាច្រើនពីក្រុមហ៊ុន HiSilicon របស់ក្រុមហ៊ុន Huawei ផងដែរ។ នៅក្នុងបទសម្ភាសន៍មួយជាមួយនឹងអ្នកតំណាងរបស់ក្រុមហ៊ុន Oppo នេះបញ្ជាក់ថា ក្រុមហ៊ុនបានធ្វើការវិនិយោគយ៉ាងខ្លាំងទៅលើការស្រាវជ្រាវ និងការអភិវឌ្ឍទៅលើបន្ទះឈីប​ និងខ្សែសង្វាក់ផ្គត់ផ្គង់របស់ខ្លួន។ ក្រុមហ៊ុនបច្ចេកវិទ្យារបស់ចិននេះពឹងផ្អែកយ៉ាងខ្លាំងទៅលើក្រុមហ៊ុន MediaTek និង Qualcomm ហើយក្រុមហ៊ុននេះមិនចង់ធ្លាក់នៅក្នុងអន្ទាក់ដូចទៅនឹងក្រុមហ៊ុន Huawei ទេ។បន្ទះឈីបរបស់ក្រុមហ៊ុននេះនៅមិនទាន់បង្ហាញខ្លួននៅក្នុងពេលដ៏ឆាប់ខាងមុខនេះទេ៕

ស្មាតហ្វូន LG Phoenix 5 បែកធ្លាយហើយ!

នៅក្នុងការបែកធ្លាយថ្មីមួយរបស់ Evan Blass បង្ហាញអំពីស្មាតហ្វូន LG Phoenix 5 ដែលជាស្មាតហ្វូនលំដាប់ថវិកាហើយលក់ផ្តាច់មុខនៅលើ AT&T ។ រូបភាពនេះមិនមានបង្ហាញអំពីលក្ខណៈសម្បត្តិរបស់វានៅឡើយទេ។ យើងអាចមើលឃើញថា ស្មាតហ្វូននេះគឺមានអេក្រង់ waterdrop notch display និងកាមេរ៉ាភ្លោះនៅខាងក្រោយ។   វានឹងក្លាយជាស្មាតហ្វូនជំនាន់បន្ទាប់របស់ LG Phoenix 4 ដែលបង្ហាញខ្លួននៅក្នុងឆ្នាំ ២០១៨ នេះដែលមានអេក្រង់ទំហំ 5-inch LCD, Snapdragon 425 chipset 2GB RAM និង​16GB storage ។​វាមានកាមេរ៉ាខាងក្រោយទំហំ  8MP និងកាមេរ៉ាខាងមុខទំហំ  5MP selfie និង  Android 7 Nougat ។ យើងអាចរំពឹងថា ស្មាតហ្វូន Pheonix 5 នេះគឺមានតម្លៃប្រហែលជាក្រោម $100 ៕

ការរចនាម៉ូតដ៏ពេញនិយមរបស់ realme មានការសហការពីអ្នករចនាម៉ូតដ៏ល្បីលំដាប់ពិភពលោកគឺលោក Naoto Fukasawa និងលោក José Lévy

ដោយម៉ាកស្មាតហ្វូននៅក្នុងប្រទេសចិនបច្ចុប្បន្ននេះកំពុងតែមានការប្រកួតប្រជែង និងមានសំទុះយ៉ាងខ្លាំង ដូច្នេះហើយការទាមទារពីសំណាក់អ្នកប្រើប្រាស់ចំពោះផលិតផលឆ្លាតវៃ ក៏មិនមានត្រឹមតែគុណភាព និងគ្រឿងបំពាក់នោះទេ ប៉ុន្តែការរចនាក៏បានក្លាយជាការបង្ហាញពីបុគ្គលិកលក្ខណៈមួយដ៏សំខាន់បំផុតផងដែរ។ realmeមានក្រុមយុវវ័យមួយក្រុមដែលចូលចិត្តវប្បធម៌ពេញនិយមគ្រប់ប្រភេទ។ ​ក្រោយពីសង្កេតឃើញអំពីតម្រូវការរបស់អតិថិជនចំពោះការរចនាដែលថ្មី និងមានការបង្ហាញពីបុគ្គលិកលក្ខណៈផ្ទាល់ខ្លួនមក realme ក៏ចង់បំបែកនូវរង្វង់មួយនេះ ក្លាយទៅជាម៉ាកយីហោទីមួយដែលនាំយកនូវរប្បធម៍ទាន់សម័យចូលទៅក្នុងវិស័យបច្ចេកវិទ្យា បង្កើតនូវជីវិតកាន់តែឆ្លាតវៃ និងទាន់សម័យជាពិសេសដល់យុវវ័យតែម្តង។    ការរសាកល្បងរចនាផលិតផលពេញនិយមលើកដំបូងពីលោក Naoto Fukasawa អ្នករចនាដ៏ល្បីក្នុងវិស័យរចនាម៉ូតក្នុងពិភពលោក ដូច្នេះ នៅក្នុងឆ្នាំ ២០១៩ realme បានសាកល្បងសហការជាមួយលោកNaoto Fukasawa ដែលជាអ្នករចនាដ៏ល្បីក្នុងវិស័យរចនាម៉ូតក្នុងពិភពលោកជាលើកដំបូង។realmeបានរួមបញ្ចូលគ្នារវាង “ការរចនាម៉ូដទាន់សម័យ” និង Fukasawa “ការរចនាបែបឥតប្រៀងទុក” បង្កើតបាននូវកំពូលស្មាតហ្វូន realme X Master Edition៖ Onion និង Garlic, realme X2 Pro Master Edition៖ Red Brick និង Concrete ,realme X50 Edition៖ Dot និង Line ។ ដោយបានជីកយកការបំផុសគំនិតចេញពីក្នុងជីវភាពរស់នៅដោយប្រើចំនុចស្រស់ស្អាតដែលមិនងាយនឹងប្រទះឃើញបំផុតក្នុងការរស់នៅធ្វើជាការបំផុសគំនិតនៃការរចនា ដើម្បីឆ្លុះបញ្ជាំងពីការស្រលាញ់ការរស់នៅរបស់យុវវ័យ […]

ទូរទស្សន៍ សាមសុង Crystal UHD អច្ឆរិយភាពលើសពីការមើលឃើញ និងការកម្សាន្តដ៏ឥតខ្ចោះ

ពេលទំនេរក្រៅពីការងារ និងការសិក្សា អផ្សុកពេកពេលនៅផ្ទះមិនដឹងធ្វើអ្វីក៏មើលទូរទស្សន៍ធម្មតាដើម្បីលំហែរអារម្មណ៍! ប៉ុន្តែលោកអ្នកប្រាកដទេថាទូរទស្សន៍ដែលលោកអ្នកកំពុងទស្សនាកម្សាន្តនោះអាចផ្តល់ឱ្យលោកអ្នកនូវភាពភ្ញាក់ផ្អើល…ភាពងាយស្រួល…ភាពទំនើបទាន់សម័យ និងភាពសប្បាយរីករាយយ៉ាងច្រើនសម្បូរបែប និងមានភាពរស់រវើកដែរឬទេ? មិនបាច់រកនឹកឆ្លើយច្រើនទេដឹងតែអត់ហើយ…! ជាមួយនឹងទូរទស្សន៍ សាមសុង គ្រីស្តាល់ យូអេចឌី ( Samsung Crystal UHD TV) ថ្មីប្រចាំឆ្នាំ២០២០ នេះត្រូវបានបំពាក់មកជាមួយបច្ចេកវិទ្យាថ្មីចុងក្រោយបំផុតរបស់ សាមសុង ធ្វើឱ្យការទស្សនាតាម YouTube, លេងហ្គេម, ស្តាប់ចម្រៀង, ច្រៀង Karaoke ដោយការបញ្ជាតាមសំឡេងជាភាសាខ្មែរ, និងកម្មវិធីផ្សេងៗទៀតចេញពីទូរស័ព្ទដៃទៅកាន់ទូរទស្សន៍ (Screen Mirroring) ដោយធ្វើការបង្ហាញលើអេក្រង់ទូរទស្សន៍ដ៏ធំ…ច្បាស់ត្រជាក់ភ្នែកបំផុតជាមួយក្រុមគ្រួសារបានយ៉ាងរីករាយរាយ! និយាយទៅដូចការទស្សនាភាពយន្តក្នុងរោងកុនអ៊ីចឹង! អ្នកណាថានៅផ្ទះអផ្សុកនោះ! មានទូរទស្សន៍ សាមសុង គ្រីស្តាល់ យូអេចឌី ( Samsung Crystal UHD TV) គ្មានពាក្យថាអផ្សុកនោះទេ!ទូរទស្សន៍វៃឆ្លាតម៉ូឌែល សាមសុង គ្រីស្តាល់ យូអេចឌី ( Samsung Crystal UHD TV) ថ្មីជំនាន់ចុងក្រោយនេះគឺត្រូវបានរចនា និងអភិវឌ្ឍន៍ឡើងយ៉ាងផ្ចិតផ្ចង់បំផុតធ្វើយ៉ាងណាបំពេញតាមតម្រូវការរបស់អតិថិជននាពេលបច្ចុប្បន្នដោយធ្វើការផ្តល់ជូននូវបទពិសោធន៍ដ៏អស្ចារ្យបំផុតក្នុងការធ្វើឱ្យជីវិតកាន់តែទំនើបទាន់សម័យ និងរីករាយជានិច្ច! ខាងក្រោមនេះគឺជាចំណុចពិសេសនៃការអភិវឌ្ឍន៍បច្ចេកវិទ្យាចុងក្រោយដែលមានតែលើទូរទស្សន៍វៃឆ្លាតម៉ូឌែល សាមសុង […]