បច្ចុប្បន្ននេះនៅក្នុងទីផ្សារប្រទេសកម្ពុជាយើងមានប្រេនស្មាតហ្វូនជាច្រើន បានបញ្ចេញស្មាតហ្វូនជាបន្តបន្ទាប់ ដូច្នេះវាបានបង្កើតជាជម្រើសជាច្រើនដល់អ្នកប្រើប្រាស់ ប៉ុន្តែជម្រើសជាច្រើននេះក៏ធ្វើឲ្យអ្នកប្រើប្រាស់មានការពិបាកក្នុងការសម្រេចចិត្តក្នុងជ្រើសរើសយកស្មាតហ្វូនមួយដែលសក្តិសមសម្រាប់ខ្លួនឯង។ ដោយយើងក៏សង្កេតឃើញប្រេនទូរសព្ទក្មេងខ្ចីមួយដែលទើបតែមកដល់ទីផ្សារប្រទេសកម្ពុជាត្រឹមតែរយៈពេលមួយឆ្នាំ ជាមួយការនាំយកមកនូវស្មាតហ្វូនដែលមានលក្ខណៈសម្បត្តិល្អៗ គុណតម្លៃរបស់វាពិតជាជម្រើសដ៏សក្តិសមបំផុតសម្រាប់អ្នកប្រើប្រាស់ ភ្ជាប់មកជាមួយតម្លៃដ៏ល្អ។
ឥឡូវយើងមកដឹងទាំងអស់គ្នាហេតុអ្វីបានជា realme ជាប់ជាប្រេនស្មាតហ្វូនដែលមានគុណតម្លៃល្អបំផុតសម្រាប់អ្នកប្រើប្រាស់ក្នុងឆ្នាំ 2020? នៅក្នុងឆ្នាំ 2020 realme បញ្ចេញនូវស្មាតហ្វូនលំដាប់ថវិកាrealme C ស៊េរី និងស្មាតហ្វូនសម្រាប់ការកម្សាន្ត Number Series ជាមួយនឹងលក្ខណៈសម្បត្តិល្អៗ បច្ចេកវិទ្យាទំនើប យើងនឹងរៀបរាប់ខាងក្រោមនេះ៖
ស្មាតហ្វូនលំដាប់ថវិកា realme C ស៊េរី ៖ realme តែងតែបញ្ចេញស្មាតហ្វូនលំដាប់ថវិកាជាមួយលក្ខណៈសម្បត្តិគួរឲ្យចាប់អារម្មណ៍មែនមែនដូចជា realme C3 និង realme C12 ដែល realme C3 មានបំពាក់បន្ទះឈីបខ្លាំងសម្រាប់ Entry-Level smartphone Mediatek Helio G70 ដំបូងគេបង្អស់ដែលជាទូទៅមានបំពាក់នៅលើទូរសព្ទលំដាប់មធ្យម ជាមួយថាមពលថ្មធំ 5000mAh អេក្រង់ធំបែបដំណក់ទឹក 6.5 អ៊ីញ និងមានកាមេរ៉ា 3គ្រាប់ 12MP ជាមួយតម្លៃក្រោម 140 ដុល្លារ។ ចំណែក realme C12 មានថាមពលថ្មធំដំបូងគេបង្អស់ 6000mAh អមមកជាមួយមុខងារផ្ទេរថាមពលថ្មទៅកាន់ទូរសព្ទ និងឧបករណ៍ដទៃ ដែលជាទីចាប់អារម្មណ៍ពីសំណាក់អ្នកតាមដានបច្ចេកវិទ្យា វាក៏នៅតែបំពាក់ក្រង់ធំបែបដំណក់ទឹក 6.5 អ៊ីញ និងមានកាមេរ៉ា 3គ្រាប់ ជាមួយតម្លៃដ៏ពិសេសក្រោម 140 ដុល្លារ។
ស្មាតហ្វូនសម្រាប់ការកម្សាន្ត Number Series ៖ realme បញ្ចេញស្មាតហ្វូន realme 6 ស៊េរី និង realme 7 ស៊េរី ដែល realme 6 ស៊េរី បានចេញនៅដើមឆ្នាំ 2020 មានបំពាក់បន្ទះឈីបមានសមត្ថភាពខ្លាំង Gaming MediaTek Helio G90T ជាមួយអេក្រង់រលូន 90Hz ធ្វើឲ្យការលេងហ្គេមទទួលបានបទពិសោធន៍ថ្មីកាន់តែរលូន អមមកជាមួយកាមេរ៉ា 4គ្រាប់ 64MP។ ចំនែក realme 7 ស៊េរី បានបញ្ចេញនៅកៀកចុងឆ្នាំ 2020 ដែលជាការកែតម្រូវយ៉ាងល្អទៅស្មាតហ្វូនជំនាន់មុន ជាមួយបំពាក់បន្ទះឈីបកាន់តែមានសមត្ថភាពខ្លាំង Gaming MediaTek Helio G95 ជាមួយអេក្រង់រលូន 90Hz ថាមពលថ្មធំ 5000mAh សាកថ្មលឿន 30W Dart Charge ធ្វើឲ្យការលេងហ្គេមគ្មានភាពរអាក់រអួល មិនតែប៉ុណ្ណោះចំពោះ realme 7 Pro ក៏មានបច្ចេកវិទ្យាសាកថ្មលឿន 65W អមមកជាមួយកាមេរ៉ាជំនាន់ថ្មី Sony 4គ្រាប់ 64MP សម្រាប់ការផ្តិតយករូបភាពកាន់តែភ្លឺច្បាស់ក្រៅពីការលេងហ្គេម។ ដោយលក្ខណៈសម្បត្តិដ៏ពិសេសខាងលើនេះ ធ្វើឲ្យ realme ទទួលបានការចាប់អារម្មណ៍ខ្លាំងពីអ្នកប្រើប្រាស់ ជាមួយតម្លៃក្រោម 300$។
សរុបមកវិញយើងឃើញថា realme ជាប្រេនថ្មីមួយ ប៉ុន្តែពិតជាធ្វើបានល្អក្នុងការនាំយកស្មាតហ្វូនដែលមានលក្ខណៈសម្បត្តិល្អជាមួយតម្លៃសមរម្យ មកកាន់ទីផ្សារប្រទេសកម្ពុជា ដែលផ្តល់គុណតម្លៃដ៏ល្អសម្រាប់អ្នកប្រើប្រាស់។ ដូច្នេះទើប realme ជាប់ជាប្រេនស្មាតហ្វូនដែលមានគុណតម្លៃល្អបំផុតសម្រាប់អ្នកប្រើប្រាស់ “Best value Smartphone” ដោយការវាយតម្លៃរបស់ពួកយើង។ នៅក្នុងឆ្នាំ 2021 នេះយើងចាំទាំងអស់គ្នាមើលថា តើ realme នឹងនាំមកនូវអ្វីថ្មីទៀតដើម្បីធ្វើឲ្យអ្នកប្រើប្រាស់ក្នុងប្រទេសកម្ពុជាយើងទទួលបានគុណតម្លៃកាន់តែជាមួយបច្ចេកវិទ្យាទំនើប ទាន់សម័យ និងពេញនិយម៕