Phone City Magazine

 Breaking News
សេចក្តីជូនដំណឹង : សម្រាប់ការអញ្ជើញចូលរួមកម្មវិធីសម្ពោធនាៗ សូមទំនាក់ទំនងទៅកាន់លេខ 010 97 35 45។ ទំនាក់ទំនងផ្សាយពាណិជ្ជកម្មៈ 010 97 35 45

🔀 ស្មាតហ្វូនកាមេរ៉ា 108MP របស់ realme នឹងមកដល់ទីផ្សារប្រទេសកម្ពុជាក្នុងខែមេសានេះហើយ

April 16
10:59 am 2021
Like and Share this page:

គួររលឹកផងដែលកាលពីដើមខែមីនាកន្លងទៅនេះ ក្រុមហ៊ុនស្មាតហ្វូន realme ដែលជាក្រុមហ៊ុននាំមុខគេខាងផ្នែកបច្ចេកវិទ្យា បានបង្ហាញនូវវត្តមានកាមេរ៉ាទំហំ 108MP ដំបូងបង្អស់របស់ខ្លួនក្នុងព្រឹត្តិការណ៍ការច្នៃប្រឌិតថ្មីនៃកាមេរ៉ា “The Camera Innovation” វាគឺជាបច្ចេកវិទ្យាកាមេរ៉ាទំនើបចុងក្រោយរបស់ realme ដែលបានបំពាក់ទៅក្នុងម៉ូឌែល realme 8 Pro។ កាមេរ៉ា 108 MP នេះមានសិនស័រធំ ចាប់យករូបភាពបានច្បាស់ និងមានមុខងារពិសេសៗ ថ្មីជាច្រើន។

image

ដោយឡែកចំពោះទីផ្សារប្រទេសឥណ្ឌាកាលពីចុងខែមិនា ក៏បានប្រកាសចេញនូវ ស្មាតហ្វូនស៊េរីថ្មី realme 8 pro ដែលមានកាមេរ៉ាទំហំធំ 108MP នេះឯង។ realme 8 pro ត្រូវបានដុសខាត់ចេញមកដោយភ្ជាប់នូវគុណសម្បត្តិកាន់តែល្អខ្លាំងជាងជំនាន់មុន ព្រមទាំងរក្សាគុណតម្លៃច្រើនថែមទៀតផង។ វាបានធ្វើការកែប្រែខ្លាំងទៅលើផ្នែកាមេរ៉ា ដែល realme 7 Pro មានកាមេរ៉ាទំហំតែ 64MP តែប៉ុណ្ណោះ។

image

ឥឡូវយើងមកដឹងអំពីលក្ខណៈសម្បិត្តិត្រួសៗរបស់ realme 8 Pro ទាំងអស់គ្នា ។ realme 8 Pro មានការរចនាថ្មី ដែលហៅថា Infinite Bold Design ហើយមានអក្សរ Dare To Leap នៅផ្នែកខាងក្រោយមើលទៅលេចធ្លោមែនទែន ហើយវាមានសភាពគគ្រើម ដែលមិនជាប់ស្នាមក្រយៅដៃ ជាមួយកម្រាស់ 8.1mm និងទំងន់ 176 ក្រាម និងមានជម្រើសពណ៌ខ្មៅ ខៀវ។ ចំនុចសំខាន់មួយទៀត realme 8 Pro បំពាក់បន្ទះអេក្រង់ Single-Punch Hole Display ប្រភេទបន្ទះបង្ហាញ Super AMOLED ទំហំ 6.4 អ៊ីញ។ សម្រាប់កំលាំងម៉ាស៊ីនរបស់ម៉ូដែលបង realme 8 Pro គឺរត់លើបន្ទះឈីប Snapdragon 720G (8nm) កម្រិត octa-core រត់លើប្រព័ន្ធ Kryo 465 មានល្បឿនខ្ពស់បំផុតដល់ 2.3GHz។ ចំនុចដែល realme តែងតែឈានមុខគេនឹងលេចធ្លោផងដែរគឺបច្ចេកវិទ្យាសាកថ្មលឿន 50W SuperDart ជាមួយនឹងទំហំថ្ម 4500mAh ។

image

ចំពោះវត្តមានរបស់ realme 8 Pro នៅក្នុងប្រទេសកម្ពុជាយើងនឹងមកដល់ឆាប់ក្នុងកំឡុងខែមេសានេះតែម្តង។ យើងក៏កំពុងទន្ទឹងរង់ចាំដែរថា realme 8 Pro ដែលនឹងមកដល់ប្រទេសកម្ពុជាពិតជាមានលក្ខណៈសម្បត្តិដូចនឹងការប្រកាសនៅទីផ្សារបរទេសដែរឬទេ? មួយវិញទៀតបើ realme អាចរក្សាតម្លៃ realme 8 Pro ឲ្យនៅក្រោម 400$ ប្រាកដជាទទួលបានការចាប់អារម្មណ៍័ច្រើនពីសំណាក់អ្នកប្រើប្រាស់ ពីព្រោះស្មាតហ្វូនដែលមានទំហំ 108MP ដែលមាននៅលើទីផ្សារបច្ចុប្បន្នមានតម្លៃថ្លៃ។

Like and Share this page:

Related Posts


Comments

ជួយគាំទ្រយើងនៅក្នុង Facebook

ទិញលក់ ទំនិញ ពេញ​និយម​ប្រចាំ​សប្ដាហ៍

ចំនួនអ្នកចូលទស្សនា

Today : 10971
Yesterday : 17462
This Month : 194141
Last Month : 496099
Total Visitor : 26089295