ក្រុមហ៊ុនទូរស័ព្ទចល័ត O2 Mobile នៅចក្រភពអង់គ្លេសបានប្រកាសផ្សព្វផ្សាយថា ក្រុមហ៊ុនរបស់ខ្លួននឹងដាក់ឲ្យដំណើរការនូវបណ្តាញ 4G LTE Network នៅលើទីផ្សារអង់គ្លេសនាថ្ងៃទី ២៩ សីហា ខាងមុខនេះ ហើយទីក្រុងដែលទទួលបានដំបូងគេបង្អស់គឺ London, Leeds និង Bradford។
O2 Mobile ក៏បានបង្ហាញផងដែរថា សេវាកម្ម 4G LTE របស់ពួកគេនឹង Available សម្រាប់មនុស្សប្រមាណជា ៥ លាននាក់អំឡុងពេលដាក់លក់ជាលើកដំបូង ហើយពួកគេប៉ុនប៉ងចង់បានអតិថិជនរហូតដល់ទៅ ២ លាននាក់បន្ថែមទៀតក្នុងមួយខែ។
គម្រោងការរបស់ O2 Mobile នឹងគ្របដណ្តប់លើចំនួនប្រជាជនអង់គ្លេសប្រមាណជា ៩៨ ភាគរយ ហើយ ជាមួយ 4G Plan នឹងចាប់ផ្តើមក្នុងតម្លៃ ២៦ ផោនក្នុងមួយខែ។បើទោះបីជាយ៉ាងនេះក្តី នៅពេលនេះពួកគេពុំទាន់ធ្វើការបង្ហាញឲ្យជាក់លាក់នូវព័ត៌មានលម្អិតនៅឡើយទេ៕
ប្រភពៈ O2 Mobile