តាមសមាជិករបស់ @Evleaks បានបង្ហោះរូប HTC M8 ជាច្រើនសន្លឹកនៅលើគេហទំព័រ Twitter ហើយវាគឺជា HTC ជំនាន់ទីពីរហើយដែលមានពណ៌ស្រដៀងទៅនឹង iPhone 5S ។

យោងទៅតាមរួបភាពនេះបង្ហាញថា HTC M8 នេះមានស្រោបពណ៌មាសនៅជ្រុងសងខាងទាំងអស់ និងមានការរចនាសុទ្ធសឹងស្រដៀងទៅនឹង iPhone 5S តែម្តង ។

ចំពោះការរចនាវិញ វាមាន KeyTouch ចំនួនបីដែលស្ថិតនៅលើអេក្រង់ ហើយចំពោះស្មាតហ្វូនមួយនេះនឹងដាក់បង្ហាញជាផ្លូវការនៅថ្ងៃទី 25 ខែមិនាខាងមុខនេះហើយ ។ គួរបញ្ជាក់ផងដែរថា HTC M8 នេះបំពាក់នូវខួរក្បាលប្រភេទ Quad-Core ដែលមានល្បឿន 2.3 GHz ប្រើប្រាស់នូវតិចណូឡូជី Ultrapixel មានកាមេរ៉ាទំហំ 5MP កម្រិត Full HD ថែមទៀតផង ។

ប្រភពៈ HTC