នាពេលថ្មីៗនេះ យោងទៅតាមប្រភពពី @evleaks បានបង្ហោះរូបភាព ស្មាតហ្វូន LG G3 ពណ៌ប្រផេះ ផលិតពីទីតាញ៉ូម (titanium) ដោយសង្ឃឹមថា នឹងចេញលក់នៅរដូវផ្ការីកនៅសហរដ្ឋអាមេរិច។
ស្មាតហ្វូន នេះនឹងដាក់លក់នៅលើទីផ្សារនាពេលឆាប់ៗនេះដោយសង្ឃឹមថានឹងទទួលបានការគាំទ្រពីសំណាក់អ្នកប្រើប្រាស់នៅក្នុងសហរដ្ឋអាមេរិច។ លក្ខណៈពិសេសរបស់វានោះគឺ ស្មាតហ្វូននេះមានភាពស្រស់ស្អាត ជាមួយនឹងការរចនាម៉ូដថ្មីដោយសារតែវាមានទំហំអេក្រង់ 5.5 អ៊ីង ហើយមានកម្រិតភាពច្បាស់ 2560 x 1440 ភិចសែល និងបំពាក់ខួរក្បាលប្រភេទ quad-core Snapdragon 801 chipset ជាមួយអង្គចងចាំ (RAM) ទំហំ 3GB នៅលើ board ។
LG G3 មានទំហំ32GB បំពាក់ជាមួយរន្ធដោត MicroSD card និងមានភ្ជាប់ជាមួយកាមេរ៉ាទំហំ 13MP ថែមទៀតផង។ លក្ខណៈពិសេសជាងនេះទៅទៀត វាមានបំពាក់ camera 2MP នៅខាងមុខ ហើយថ្មរបស់វាមានកម្លាំងថាមពលរហូតទៅដល់3,000 mAh និងមានឧបករណ៍ឡាសែនៅខាងក្រោយ សំរាប់បង្កើនភាពច្បាស់ដល់រូបភាព ព្រមជាមួយនឹងប្រព័ន្ធដំណើរការ Android 4.4.2 KitKat ផងដែរ។
ប្រភព: @evleaks