iPad Air 2 គឺជាថេប្ល៊េតជំនាន់ថ្មីដែលមិនទាន់ត្រូវបានដាក់លក់ផងក៏មានពាក្យចចាមអារ៉ាមជាច្រើនបាននិយាយពីមូដែលនេះ។នាពេលកន្លងមកថ្មីៗនេះដែរមានរូបភាពមួយចំនួនបានបង្ហាញពី iPad Air 2 ។ស្រាប់នាពេលនេះដែរក៏មានវីដេអូត្រូវបានគេដាក់បង្ហោះលើប្រព័ន្ធបណ្តាញYoutube ដែលវីដេអូនេះបានបង្ហាញពីការប្រៀបធៀបរវាង iPad Air 2 ជាមួយនិង iPad Airជំនាន់មុន។
iPad Air 2 គឺត្រូវបានគេរំពឹងទុកថាវានិងភ្ជាប់មកជាមួយនិងបច្ចេកវិទ្យា Apple TouchID fingerprint sensorដែលបច្ចេកវិទ្យាថ្មីបំផុតនិងត្រូវបានគេដាក់បញ្ចូលនៅក្នុង iPhone 6 ផងដែរ។ស្របជាមួយគ្នានេះដែរiPad Air 2នេះនិងអាចធ្វើការ updatesបានជាច្រើនដូចជាជំនាន់ទីពីរនៃ64-bit mobile processor, Apple A8ជាដើម។
ក្រៅពីនេះក៏មានពាក្យចចាមអារ៉ាមបាននិយាយផងដែរថាiPad Air 2 និងបានបំពាក់មកជាមួយនិងកាមេរ៉ាមុខទំហំ5មេហ្កាភិចស៊ែលកាមេរ៉ាក្រោយទំហំ 8មហ្កាភិចស៊ែល។ប៉ុន្តែមិនទាន់ដឹងច្បាស់ថាតើវាមានកាមេរ៉ាដូចទៅនិងiPhone 5Sរឺក៏ដូចទៅនិងiPhone 6នោះទេ ៕
ប្រភព៖ TLDToday / YouTube, 9 to 5 Mac