កាលពីពេលកន្លងទៅថ្មីៗនេះដែរមានពាក្យចចាមអារ៉ាមបាននិយាយតៗគ្នាដែរថា Asus smartwatchនិងដាក់បង្ហាញក្នុងអំឡុងពេលត្រីមាសទីបីក្នុងឆ្នាំនេះ។ ស្រាប់តែពេលនេះដែរមានរបាយការណ៍ថ្មីមួយបានអោយដឹងថាស្មាតវ៉ចនេះនិងដាក់បង្ហាញនៅក្នុងខែកញ្ញានេះ។
យោងតាមពត៌មានពី TechCrunch បានអោយដឹងថា ក្រុមហ៊ុន Asusបានបញ្ជាក់ថាខ្លួនគ្រោងនិងដាក់បង្ហាញផលិតផលស្មាតវ៉ម៉ូដែលថ្មីរបស់ខ្លូនក្នុងអំឡុងពេលខែកញ្ញានេះ ហើយក៏ត្រូវបានគេសន្មត់ទុកមុនដែរថាប្រហែលជានិងប្រកាស់ក្នុងព្រឹត្តិការណ៍IFA 2014ក្នុងខែកញ្ញាខាងមុខនេះ។
អ្វីដែលគួរអោយចាប់អារម្មណ៍ពីផលិតផលស្មាតវ៉ចនេះពីសំណាក់អ្នកប្រើប្រាស់គឺតម្លៃ ដោយក្រុមហ៊ុន Asusបាននិយាយអោយដឹងដែរថាស្មាតវ៉ចនេះគឺផលិតផលដែលមានតម្លៃថោកជាងស្មាតវ៉ចដ៏ទៃដែលវាត្រូវបានគេដាក់លក់ក្នុងតម្លៃលក់រាយត្រឹមតែចណ្លោះពី$99 ទៅ $150តែប៉ុណ្ណោះ។
ប៉ុន្តែមិនទាន់មានពត៌មានលម្អិតទៅលើផ្នែករឹង( hardware)និងការឌីស្សាញពី Asus Smartwatchនៅឡើយនោះទេ៕
ប្រភព៖ Phandroid