ថ្មីៗនេះដែរមានពត៌មានមួយចំនួនបានបង្ហាញពីកាលបរិច្ឆេទនៃការដាក់បង្ហាញស្មាហ្វូនម៉ូដែល Samsung Galaxy Note 4។ដែលពត៌មាននេះបានទទួលពីអ្នកលក់ទូរស័ព្ទនៅក្នុប្រទេសអង់គ្លេសដែលពួកគេបានប្រាប់ថាGalaxy Note 4និងដាក់លក់នៅខែកញ្ញានេះ។ ហើយពួកគេក៏បានប្រាប់បន្ថែមទៅទៀតដែរថាស្មាតហ្វូនមួយនេះនិងដាក់លក់ជាសកលនៅក្នុងខែកញ្ញានេះដោយស្របពេលជាមួយគ្នានៅក្នុងសហរដ្ឋអាមេរិកនិងប្រទេសអង់គ្លេស។
ក្រុមហ៊ុនSamsungគឺត្រូវបានគេរំពឹងទុកថានិងដាក់បង្ហាញជាផ្លូវការនូវម៉ូដែល Note 4 នៅក្នុងព្រឹត្តិការណ៍ IFA 2014 ក្នុងខែកញ្ញានេះដោយសន្នសិទនេះនិងធ្វើឡើងនៅចន្លោះថ្ងៃទី 5 និង 10ហើយក្រុមហ៊ុនSamsung ប្រហែលជាប្រកាស់ពីម៉ូដែល Galaxy Note 4នេះនៅថ្ងៃទី3និងទី 4ខែកញ្ញានេះ។
រឿងចុងក្រោយដែលបានលេចលឺពីម៉ូដែល Galaxy Noteជំនាន់ទីបួនេះគឺទំនងជានិងមានកាមេរ៉ាប្រភេទថ្មីដែលត្រូវបានគេនិយាយថាកាមេរ៉ានោះនិងមានទំហំ12មេហ្កាភិចស៊ែលជាមួយនិងលក្ខណៈ Optical Image Stabilization។
ចំណែកឯពាក្យចចាមអារ៉ាមដែលត្រូវបានគេនិយាយតៗគ្នាពីលក្ខណៈរបស់Samsung Galaxy Note 4ម៉ូដែលថ្មីនេះបានអោយដឹងថានិងត្រូវបានបំពាក់មកជាមួយនិងអេក្រង់ទំហំ5.7 អ៊ីងប្រភេត Quad HD display ជាមួយនិងresolutionកម្រឹត 2560 x 1440 ភិចស៊ែល។ បន្ថែមទៅទៀតនោះស្មាតហ្វូនមួយនេះត្រូវបានគេនិយាយទៀតដែរថាវានិងមានខួរក្បាលប្រភេទពីរជម្រើលគឺមួយជាប្រភេទ 8 core Samsung Exynos 5433 processorនិងមួយផ្សេងទៀតមានខួរក្បាលប្រភេទquad core Qualcomm Snapdragon 805 processorហើយស្មាតហ្វូនទាំងពីរម៉ូដែលនេះនិងភ្ជាប់មកជាមួយនិងអង្គចងចាំRAMទំហំ3GB ដូចគ្នា។ជាមួយគ្នានេះដែរ Galaxy Note 4 ត្រូវបានគេរំពឹងទុកថានិងភ្ជាប់មកជាមួយនូវប្រព័ន្ធfingerprint sensorដូចទៅនិងGalaxy S5 និង Galaxy S5 Mini ដែរ។
ប៉ុន្តែមិនទាន់មានពត៌មានជាក់លាក់ពីជំនាន់ប្រព័ន្ធប្រតិបត្តិការដែលត្រូវបានប្រើនៅក្នុងស្មាតហ្វូនេះទេ។ តែត្រូវបានគេរំពឹងទុកថា Galaxy Note 4 នេះនិងដំណើរការលើប្រព័ន្ធប្រតិបត្តិការAndroid 4.4.KitKat៕
ប្រភព៖ geeky-gadgets