កាលពីថ្ងៃទី 17 ខែកក្កដា កន្លងមកនេះក្រុមហ៊ុន LG បានធ្វើការប្រកាស់នូវស្មាតហ្វូនជំនាន់ថ្មីនៃម៉ូដែល LG G3 របស់ខ្លួនមួយម៉ូដែលដែលមានឈ្មោះថា LG G3 Beat ដែលស្មាតហ្វូនមួយនេះមានរាងតូចជាងជំនាន់មុន។ ហើយនាពេលនេះដែរក្រុមហ៊ុនក៏បានបង្ហាញពីពត៌មានលម្អិតទាក់ទងនិងតម្លៃរបស់វា។
ក្រុមហ៊ុនLGដែលមានទីតាំងនៅក្នុងប្រទេសអាល្លឺម៉ង់បានបញ្ជាក់ថាទូរស័ព្ទស្មាតហ្វូនម៉ូដែលថ្មីរបស់ពួកគេ LG G3 Beatនេះនិងត្រូវបានដាក់លក់ក្នុងតម្លៃរាយចំនួន €349( ប្រហែលជា472.01ដុល្លាសហរដ្ឋអាមេរិក) នៅក្នុងប្រទេសអាល្លឺម៉ង់ ដូច្នេះយើងសង្ឃឹមទុកថាស្មាតហ្វូនមួយនេះនិងត្រូវបានចរាចរណ៍លក់នៅលើទីផ្សារក្នុងបណ្តារប្រទេសដ៏ទៃទៀតក្នុងតម្លៃប្រហាក់ប្រហែលគ្នាដែរ។
ផងដែរក្រុមហ៊ុនក៏បានបញ្ជាក់ទៀតដែរថាLG G3 Beat និងត្រូវបានដាក់លក់នៅក្នុងប្រទេសអាល្លឺម៉ង់ នៅក្នុងខែសីហានេះ ដែលស្មាតហ្វូនមួយគឺកំពុងតែត្រូវបានដាក់លក់នៅក្នុងប្រទេសកូរ៉េខាងត្បូងនាពេលបច្ចុប្បន្ននេះ ហើយក្រុមហ៊ុនក៏ប្រហែលជានិងដំណើរការលក់របស់ខ្លួននៅ ប្រទេស ក្នុងអឺរ៉ុបក្នុងអំឡុងពេលខែក្រោយនេះ។
សមទៅនិងតម្លៃនៃការដាក់លក់របស់ខ្លួន ស្មាតហ្វូនមួយនេះត្រូវបានគេឌីស្សាញដោយដំណើរការលើប្រព័ន្ធប្រតិបត្តិការAndroid 4.4 KitKat និង បំពាក់ដោយអេក្រង់ទំហំ 5 អ៊ីងកម្រិត HD display ដែលមាន resolution ( 1280 x 720 ភិចស៊ែល)។ មិនត្រឹមតែប៉ុណ្ណោះ វាក៏បានភ្ជាប់មកជាមួយនិងCPUប្រភេទ quad core 1.2GHz Qualcomm Snapdragon 400 processor ទៀតផង។
បន្ថែមទៀតនោះ G3 Beat បានភ្ជាប់ដោយអង្គចងចាំRAMទំហំ 1GB ម៉េមូរីដែលមានស្រាប់នៅក្នុងម៉ាស៊ីនទំហំ 8GB និង រន្ធ microSD card សម្រាប់ពង្រីកទំហំបន្ថែម។ ដោយឡែកនៅផ្នែកខាងមុននៃស្មាតហ្វូននេះមានកាមេរ៉ាទំហំ 1.3 មេហ្កាភិចស៊ែល និង ផ្នែកខាងក្រោយមានកាមេរ៉ាទំហំ8 មេហ្កាភិចស៊ែលជាមួយមុខងារ laser Auto-Focus ហើយក៏បានបញ្ចូលនូវបច្ចេកវិទ្យាប្រព័ន្ធ WiFi, Bluetooth។ ស្មាតហ្វូនមួយនេះមានលក្ខណៈ 4GLTE និង NFC។ ចំណែកឯជម្រើសពណ៌វិញ វាមមានបីពណ៌ គឺ ខ្មៅ ស និង មាស៕
ប្រភព៖ LG , Phone Arena