ក្រុមហ៊ុន HTC សំងំផលិតទូរស័ព្ទមានសមត្ថភាពពិសេសដើម្បីអាចប្រជែងជាមួយក្រុមហ៊ុនធំ។របាយការថ្មីមួយបានលើកឡើងថា ក្រុមហ៊ុន HTC បានរៀបចំបង្ហាញទូរស័ព្ទថ្មីជំនួសម៉ូដែលចាស់ HTC One M8។
តើទូរស័ព្ទថ្មីរបស់ក្រុមហ៊ុន HTC មានសមត្ថភាពយ៉ាងណា?
យោងតាមពត៌មានទទួលបានថ្មីបំផុត បង្ហាញឱ្យឃើញថា HTC One M9 ជាទូរស័ព្ទជំនាន់ថ្មីពោពេញទៅដោយសមត្ថភាព។ HTC One M9 បំពាក់អេក្រង់ទំហំ 5.5 អ៊ីងប្រភេទ Quad HD។ កម្រិតបង្ហាញភ្លឺ ច្បាស់ត្រជាក់ភ្នែក 2560 x 1440 ភិចសែល ជាមួយនឹងសមត្ថភពដំណើរការឥតអាក់ដោយប្រព័ន្ធខួរក្បាល quad core Snapdragon 805(processor) ល្បឿន 2.7 GHZ។
ចចាមអារ៉ាមនោះក៏បានបញ្ចាក់ថា HTC One M9 មានអង្គចងចាំទំហំ 3GB (RAM) និងសមត្ថភាពថតរូបច្បាស់ឥតព្រាលដោយកាមេរ៉ាទំហំ 16មេហ្គាភិចសែល និងមានសមត្ថភាពថ្ម 3500 mAh។
ក្រុមហ៊ុន HTC បានបន្ថែម beats audio កាន់តែប្លែកជាងទូរស័ព្ទមុន។ទូរស័ព្ទថ្មីនេះអាចត្រូវបានគេដាក់បង្ហាញនៅក្នុងខែកុម្ភះ ឆ្នាំក្រោយ៕
ប្រភព៖HTC