ក្រុមហ៊ុន Appleបានផលិតទូរស័ព្ទ iPhone Plus ដែលមានអេក្រង់កាន់តែធំ ទាក់ទាញចំណាប់អារម្មណ៍អតិថិជនមិនស្ទើរនោះទេ។ថ្មីនេះៗ ល្បីថា ក្រុមហ៊ុន Apple បានបំបែកត្រកូល Plus ដល់ម៉ូដែលថ្មីមួយទៀតសំរាប់ឆ្នាំ 2015 ។
ក្រុមហ៊ុន Apple សំងំផលិត iPad មានអេក្រង់កាន់តែធំ ធ្វើឱ្យអ្នកគាំទ្រផលិតផលរបស់ Apple អន្ទះសារចង់ឃើញ។ពាក្យចចាអារ៉ាមបានលើកឡើងថា វានឹងមានអេក្រង់ទំហំ12អ៊ីង ហើយត្រូវបានគេហៅថា iPad Air Plus ឬ iPad Air Pro។
iPad Air Plus មានអេក្រង់ទំហំ 12អ៊ីងជា iPad ដំបូងបំផុតរបស់ក្រុមហ៊ុន Apple នឹងមានអនុភាពអស្ចារ្យជាងត្រកូល iPad ដូចជា៖ iPad Air iPad Miniនិងសូម្បីតែ iPhones។
ពត៌មានបានបន្តទៀតថា iPad នេះនឹងអាចសម្រេចការផលិត ហើយប្រកាសដាក់លក់ក្នុងអំឡុងខែមេសាឆ្នាំក្រោយ។កាន់តែពិសេស ល្បីថា iPadអេក្រង់ធំនេះ នឹងរត់ដោយប្រព័ន្ធដំណើរការ OS X របស់ក្រុមហ៊ុន Apple ដែលមិនមែនជាប្រព័ន្ធដំណើរការ iOS នោះទេ។
ពត៌មានពិស្តានឹងមានជាបន្ត ពាក់ព័ន្ធនឹង iPad អេក្រង់ធំចំឡែកនេះ៕