ជាផ្នែកមួយនៃកិច្ចខិតខំប្រឹងប្រែងបន្តរបស់ខ្លួន ក្នុងនាមជាដៃគូយុទ្ធសាស្រ្តរបស់ប្រទេសកម្ពុជា ក្នុងការអភិវឌ្ឍវិស័យព័ត៌មានវិទ្យា ក្រុមហ៊ុន Huawei បានឧបត្ថម្ភសិក្ខាសាលាមួយរួមគ្នា ជាមួយនឹងក្រុមហ៊ុន Smart ក្រសួងប្រៃសណីយ៍ និងទូរគមនាគមន៍ សហភាពទូរគមនាគមន៍អន្តរជាតិ (ITU) និងក្រសួងព័ត៌មាន នូវចំនួនហ្វ្រេកង់ 700 មេហ្គាហឺត សម្រាប់បណ្តាញ LTE ដែលប្រារព្ធធ្វើនៅសណ្ឋាគារសូហ្វីតែល ភូគីត្រា ភ្នំពេញ កាលពីថ្ងៃទី 27 ខែមេសាកន្លងទៅនេះ។ សិក្ខាសាលាដ៏ធំនេះ មានវត្តមានចូលរួមពីឯកឧត្តម ប្រាក់ សុខុន រដ្ឋមន្រ្តីក្រសួងប្រៃសណីយ៍ និងទូរគមនាគមន៍ លោក Francois Rancy ប្រធានផ្នែករលកវិទ្យុនៃសហភាពទូរគមនាគមន៍អន្តរជាតិ លោក Shawn Yu ប្រធាននាយកដ្ឋានផែនការអភិវឌ្ឍរលកវិទ្យុ និងហ្វ្រេកង់របស់ក្រុមហ៊ុន Huawei និងលោក Mr. Thomas Hundt អគ្គនាយកប្រតិបត្តិការក្រុមហ៊ុន Smart Axiata ប្រចាំនៅកម្ពុជា។
បើយោងតាម ប្រសាសន៍របស់ ឯកឧត្តម ប្រាក់ សុខុន រដ្ឋមន្រ្តីក្រសួងប្រៃសណីយ៍ និងទូរគមនាគមន៍ កម្ពុជាបានលើកឡើងថា៖កត្តាចំបងទី1 ផ្អែកលើនិន្នាកាចំបងនិងឥរិយាបទអតិថិជនដែលប្រើអ៊ីនធើណិត តាមផ្ទះ និងតាមទូរសព្ទ័ដៃ អ្នកទាំងអស់គ្នាអាចសំគាល់បានថាវិស័យឌីជីថល និងទិន្និន័យធំៗ គឺបញ្ហាក្តៅ ដែលនឹងត្រូវលើកយកទៅពិភាក្សាក្នុងសិក្ខាសាលា និង GSMA នាចុងឆ្នាំ 2015នេះ ។ កត្តាចំបងទី 2 ការសំរេចចិត្ត ស្តីអំពី WRC-12 ដើម្បីបែងចែក 694-790 Mhz ban ទៅផ្នែកសេវាកម្មទូរសព្ទ័ចល័តក្នុងតំបន់ 1 (លើកលែង aeronautical mobile) នឹងជួយបើកផ្លូវសំរាប់ការតភ្ជាប់ដោយទូលាយ និងកាន់តែរលូន នៃតំណភ្ជាប់នៃ បច្ចេកវិទ្យា 700, 800, 900 Mhz bans សំរាប់ទូរគមនាគមន៍ទូរសព្ទ័ចល័តជាអន្តរជាតិ (International Mobile Telecommunications – IMT) ។ កត្តាចំបងទី 3 ភាគលាភផ្នែកឌីជីថល គឺជាកត្តាដ៍ សំខាន់ក្នុងការជំរុញការរីកចំរើនសេដ្ឋកិច្ច និងបំពេញនូវតម្រូវការដ៍ឆាប់រហ័ស ធៀបនឹងតម្រូវការសព្វថ្ងៃនេះ។ “
លោក Shawn Yu ប្រធាននាយកដ្ឋានផែនការអភិវឌ្ឍរលកវិទ្យុ និងហ្វ្រេកង់របស់ក្រុមហ៊ុន Huawei ក៏បានលើកឡើងផងដែរថា៖ «APT700 គឺជាវិធីដ៏ឆាប់រហ័សមួយដើម្បីឈ្នះ MBB នាពេលអនាគតដ៏ខ្លីខាងមុខដែលនឹងមានប្រតិបត្តិករកាន់តែច្រើនជ្រើសរើសយក APT700 ។ យើងសង្ឃឹមថា APT700 នឹងក្លាយជាជម្រើសថ្មីនៅក្នុងទីផ្សារទូរគមនាគមន៍កម្ពុជា»។
ចាប់តាំងពីការដំឡើងមាត្រដ្ឋាននៃរលកអាកាស APT700 MHz ទៅជា Band 28 ដោយ 3GPP ក្រុមហ៊ុនលក់បន្ទះឈីប និងហេដ្ឋារចនាសម្ព័ន្ធ ដូចជា Huawei Qualcomm និងប្រតិបត្តិករទូទាំងពិភពលោកបានបង្ហាញការប្តេជ្ញាចិត្ត និងចំណាប់អារម្មណ៍របស់ខ្លួនជាបន្តបន្ទាប់។ APT700 អាចផ្តល់ការគ្របដណ្តប់នៅក្នុងទីក្រុង និងការជ្រៀតចូលបានល្អបំផុត ដែលមានន័យថា វាជាវិធីដែលមានប្រសិទ្ធភាពស័ក្តិសមនឹងតម្លៃក្នុងការដោះស្រាយបញ្ហារលកវិទ្យុ MBB ។ បច្ចុប្បន្ននេះមានប្រតិបត្តិករចំនួន៨ ដែលបានចាប់ផ្តើម បណ្តាញ LTE ដោយប្រើប្រាស់កម្រិត APT700 មានបណ្តាញពាណិជ្ជកម្មថ្មី១៥ នឹងចាប់ផ្តើមដំណើរការនៅឆ្នាំ ២០១៥ និង ការដេញថ្លៃ APT700 ជាង ២០ នឹងកើតឡើងនៅទូទាំងពិភពលោក។
លោក Kevin Weng អគ្គនាយករង ក្រុមហ៊ុន Huawei កម្ពុជា បានលើកឡើងថា៖ «ទន្ទឹមនឹងសេដ្ឋកិច្ច កម្ពុជាកំពុងបន្តរីកចម្រើនជាលំដាប់ ការអភិវឌ្ឍហេដ្ឋារចនាសម្ព័ន្ធ ICT គឺសំខាន់ណាស់ដើម្បីគាំទ្រដល់សេចក្តីត្រូវការរបស់ឧស្សាហកម្មនានា ក៏ដូចជាតម្រូវការជាលក្ខណៈបុគ្គលរបស់អតិថិជនយើង។ សិក្ខាសាលានេះ គឺជាជំហានដ៏សំខាន់ឆ្ពោះទៅរកការយល់ដឹងជាលើកដំបូង អំពីអត្ថប្រយោជន៍ដ៏សម្បូរបែបនៃហ្វ្រេកង់កម្រិត 700 មេហ្គាហឺត» ៕
គួរកត់សំគាល់ថា ក្នុងសិក្ខាសាលាដែលរៀបចំដោយក្រសួងប្រៃសណីយ៍និងទូរគមនាគមន៍ ដែលឧបត្ថម្ភដោយ ក្រុមហ៊ុន Huawei នាពេលនេះ ក្រុមហ៊ុនក៍បានដាក់តាំងបង្ហាញ និងអញ្ជើញភ្ញៀវកិត្តិយសដែលបានចូលរួមទាំងអស់ តេស្តស្មាតហ្វូនស៊េរីថ្មីៗទំនើបៗ ដូចជា HUAWEI Mate 7 (Silver/Gold), Honor 6 plus, Honor 6, Huawei G7, Huawei 4x, Huawei Y550, Huawei Holly, Huawei Y625 ។