MYTEB GOLD ពណ៌ទឹកមាសដែលជាថេប្លេតស៊េរីថ្មីចុងក្រោយបង្អស់របស់ក្រុមហ៊ុន Leagoo ដែលបានបំពាក់នូវប្រព័ន្ធប្រតិបត្តិការ Android បានបំបែកឯកត្តកម្មថ្មីដោយលក់ដាច់ច្រើនបំផុតសម្រាប់រយៈពេលពីរថ្ងៃមិនដែលធ្លាប់មានពីមុនមក។ MYTEB GOLD ត្រូវបានរចនាយ៉ាងសម្រិតសម្រាំងបំផុតពីក្រុមបច្ចេកវិទ្យាប្រចាំប្រទេសម៉ាឡេស៊ី។ MYTEB GOLD មានរូបរាងយ៉ាងស្រស់ស្អាត ភាពទាក់ទាញ ប្លែកភ្នែកជាមួយនឹងរូបរាងរលើបរលោងប្រណិតបំផុត។

ថេប្លេតពណ៌ទឹកមាសមួយនេះមានតម្លៃត្រឹមតែ $119 បំពាក់បច្ចេកវិទ្យាទំនើប និងមុខងារជាច្រើនដូចជាការខលទូរស័ព្ទ ការលេងអ៊ីនធើណិត ការលេង Facebook ការទស្សនា YouTube និងជាច្រើនទៀតដែលធ្វើឱ្យអ្នកប្រើប្រាស់មានអារម្មណ៍ស្រស់ស្រាយ ពេញចិត្តបំផុតគ្រប់ៗគ្នា។  

លោក David Tan ដែលជាអគ្គនាយកគ្រប់គ្រង MYTEB Malaysia បានបញ្ជាក់ថា “យើងដឹងច្បាស់ថា តម្រូវការនៅលើទីផ្សារនាពេលបច្ចុប្បន្នគឺអ្នកប្រើប្រាស់ចង់បានឧបករណ៍ដែលមានអេក្រង់ធំពោរពេញដោយសមត្ថភាព នឹងប្រសើរជាងអ្វីដែលកំពុងតែមាននៅលើទីផ្សាររួចមកហើយ។ អ្នកប្រើប្រាស់ចង់ទស្សនានូវវីដេអូនៅលើអេក្រង់ទំហំពេញតែម្តង នឹងពិសេសសម្រាប់ការចែករំលែកជាមួយនឹងក្រុមគ្រួសារ ក៏ដូចជាមិត្តភក្តិជាទីស្រឡាញ់របស់ពួកគេ។ MYTEB GOLD ត្រូវបានរចនាយ៉ាងពិសេសជាមួយនឹងអេក្រង់ True HD ISP ភ្លឺច្បាស់ត្រជាក់ភ្នែក និងដំណើរការល្បឿនអ៊ីនធើណិតលឿនដល់ទៅ 3.75G ។ វាពិតជាសក្តិសមបំផុតសម្រាប់មនុស្សគ្រប់វ័យ មិនថាចាស់ឬក្មេងនោះទេ។”

MYTEB GOLD បំពាក់ជាមួយនឹង CPU Quad-Core របស់ក្រុមហ៊ុន MediaTek របស់តៃវ៉ាន់បានធ្វើឱ្យថេប្លេតនេះដំណើរការលឿនគ្មានអាក់ទោះបីអ្នកប្រើប្រាស់កម្មវិធីច្រើនក្នុងពេលតែមួយ ឬលេងហ្គេមដែលប្រើប្រាស់ក្រាហ្វិកធំៗ 3D ដូចជា Asphalt 7, FIFA និងជាច្រើនទៀត ដោយគ្មានបញ្ហារអាក់រអួលនោះទេ។ MYTEB GOLD បំពាក់ជាមួយនឹងម៉េម៉ូរីទំហំ 16GB សម្រាប់ផ្ទុកនូវរូបភាព វីដេអូ តន្ត្រី ហ្គេម ឬឯកសារនាៗ។ ប្រសិនបើអ្នកគិតថាមិនទាន់គ្រប់គ្រាន់នោះទេ អ្នកអាចបន្ថែមនូវម៉េម៉ូរីកាតពីខាងក្រៅបានទំហំដល់ទៅ 32GB បន្ថែមទៀត។

ដោយប្រើប្រាស់នូវល្បឿនអ៊ីនធើណិត 3.75G អ្នកប្រើប្រាស់កាន់តែមានអារម្មណ៍ស្និទ្ធិស្នាល និងពេញចិត្តជាមួយនឹងល្បឿននៃការដោនឡូត ឬការមើលវីដេអូឥតអាក់ (ការ Stream វីដេអូ) ។ MYTEB GOLD បំពាក់ជាមួយនឹងកាមេរ៉ាក្រោយទំហំ 5 មេហ្គាភិចសែលអាចថតរូប វីដេអូបានច្បាស់ និងកាមេរ៉ាមុខទំហំ 3MP (ងាយស្រួលវីដេអូខល ឬ Selfies) នឹងចែករំលែកទៅកាន់មនុស្សជាទីស្រឡាញ់នៅលើបណ្តាញសង្គម Facebook ឬ YouTube ជាដើម។

MYTEB GOLD ពណ៌ទឹកមាសនេះគឺលក់ដាច់បំផុតក្នុងចំណោមផលិតផលស៊េរី MYTEB ទាំងអស់។ MYTEB GOLD មានតម្លៃកាន់តែពិសេសគឺត្រឹមតែ $119 ហើយនឹងមកដល់កម្ពុជានៅពាក់កណ្តាលខែតុលាខាងមុខនេះ។  សម្រាប់ព័ត៌មានបន្ថែម សូមចូលទៅកាន់គេហទំព័រ www.leagoocambodia.com និងធ្វើការចុច LIKE ទៅលើ Facebook Page តាមរយៈតំណរ www.facebook.com/leagoo.cambodia ឬ​ អាសយដ្នានរបស់ LEAGOO Showroom ស្ថិតនៅផ្ទះលេខ 8 ផ្លូវ 136 ផ្សារថ្មី រាជធានីភ្នំពេញ។

លក្ខណៈទូទៅរបស់ MYTEB GOLD៖

• –          9.6 inch Capacitive Touch Screen

• អេក្រង់៖ True HD IPS Plus

• 16M colors, 768×1280 pixels 

• អង្គប្រតិបត្តិការ (CPU)៖ Quad-core 1.2 

• Chipset Mediatek Taiwan (តៃវ៉ាន់)

• ទំហំម៉េម៉ូរី៖ 16 GB

• អង្គចងចាំ (RAM)៖ 1 GB

• ម៉េម៉ូរីកាតបន្ថែម (SD Card)៖ 32GB

• GPU: Mali 400 chipset

• កាមេរ៉ាខាងក្រោយ៖ 5 MP, autofocus, LED flash

• កាមេរ៉ាខាងមុខ៖ 3 MP, Video 720p@30fps

• ថាមពលថ្ម៖ Non-removable Li-Po 3800 mAh

• ប្រព័ន្ធប្រតិបត្តិការ​៖ Android 4.2.2

• ការភ្ជាប់ទំនាក់ទំនង៖ Wifi B/N/G & Bluetooth LE

• 3.75G HSPA SIM & Internet