ដោយសារតែវាជាខូបអនុស្សាវរីយ៍របស់ក្រុមហ៊ុនសាមសុងអេឡិចត្រូនិច ក្រុមហ៊ុន Samsung គ្រោងនឹងធ្វើការបញ្ចុះតម្លៃ 10% នៃតម្លៃរបស់ Samsung Galaxy S7 នៅថ្ងៃប្រកាសបង្ហាញខ្លួនទូរស័ព្ទនេះ។ ការបញ្ចុះតម្លៃនេះត្រូវបានមជ្ឈដ្ឋានខ្លះមើលឃើញថា ប្រហែលជាចង់ប្រកួតប្រជែងជាមួយនឹងទីផ្សារទូរស័ព្ទរបស់ចិនដែលកំពុងតែចរាចរណ៍យ៉ាងខ្លាំងនៅលើពិភបលោក។
កាលពីត្រីមាសមុននេះ ក្រុមហ៊ុន Samsung ទទួលបានផលចំណេញយ៉ាងច្រើនពីការលក់ទូរស័ព្ទដៃស៊េរី Note ពិសេសទូរស័ព្ទ Galaxy S6 និង Galaxy S6 Edge ។ ហើយពេលនេះវិញ ក្រុមហ៊ុន Samsung តែងតែបត់បែនគ្រប់ពេលដើម្បីធ្វើជំនួញរបស់ខ្លួនទទួលបានជោគជ័យ។
លោក Kwon Oh-Hyon ដែលជាអគ្គនាយករងបានមានប្រសាសន៍ថា “ទូរស័ព្ទស្មាតហ្វូន ទូរទស្សន៍ និងគ្រឿងអេឡិចត្រូនិចទាក់ទងនឹងវិស័យពត៌មានវិទ្យាកំពុងតែបោះជំហានសន្សឹមៗនៅទីផ្សារពិភពលោក។ បច្ចេកវិទ្យាថ្មីៗ និងជំនួញកំពុងតែរីកចម្រើនខ្លាំង។ ប្រសិនបើយើងមិនមានអ្វីថ្មីនោះទេ យើងមិនអាចឈរជើងនៅទីនេះបានទេ៕”
ប្រភព៖ Weibo