ពាក្យចចាមអារាមបានទម្លាយថា Huawei Mate 8 នឹងចេះចេញលក់ បីប្រភេទ ខុសគ្នាទីមួយប្រភេទអេក្រង់ 6.2 អ៊ីញ 6 អ៊ីញ និង 5.5 ឬ 5.7 អ៊ីញ។ កន្លងមកក៏មានការបែកធ្លាយស្ដីពីរូបរាងរបស់ Huawei Mate 8 ផងដែរ ប៉ុន្តែឡូវនេះស្រាប់តែមានការបែកធ្លាយមួយទៀតដែលបង្ហាញពីរូបរាងខុសពីមុនរបស់ Mate 8។
រូបភាពបែកធ្លាយរបស់ Mate 8 លើកនេះ មានកាមេរ៉ារាងមូល (ជាមួយ Dual-LED flash នៅផ្នែកខាងឆ្វេង) និងផ្នែកខាងក្រោមមានកន្លែងស្គេនក្រយ៉ៅដៃ (ដែលគ្មាននៅក្នុងរូបភាពបែកធ្លាយពីមុនឡើយ)។
ការរចនានៅក្នុងរូបភាពលើកនេះ ស្រដៀងគ្នាទៅនឹងការរចនារបស់ Huawei Mate S ប៉ុន្តែយ៉ាងណាក៏ដោយ ក៏ពុំមានអំណះអំណាងណាមួយបញ្ជាក់ថានេះជារូបរាងរបស់ Huawei Mate 8 ពិតប្រាកដឡើយ។
Huawei Mate 8 ត្រូវបានគេរំពឹងថានឹងទទួលបានការគាំទ្រយ៉ាងខ្លាំងក្លាជាមួយនឹងអេក្រង់កម្រិត QHD កាមេរ៉ា 16 មេហ្គាភិចសែល និងបន្ទះឈីបជំនាន់ថ្មី Kirin 950 ដែលមាន 3GB ឬ 4GB និងអាចបន្ថែមមេម៉ូរីខាងក្រៅបានដល់ទៅ 128GB។ Huawei Mate 8 ម៉ូដែលទាបនឹងបំពាក់ដោយអេក្រង់ដែលមាន Resolution 1080p និងមានអង្គចងចាំទាបជាង ប៉ុន្តែ Huawei Mate 8 ទាំងបីប្រភេទប្រើប្រាស់ប្រព័ន្ធប្រតិបត្តិការ Android 6.0 Marshmallow។
Huawei Mate 8 ត្រូវបានគេរំពឹងថា នឹងត្រូវគេសម្ពោធនៅសប្ដាហ៍ក្រោយថ្ងៃទី 26 ខែវិច្ចិកា ឆ្នាំ 2015។ ប៉ុន្តែមកដល់ពេលនេះ ពុំមានការបញ្ជាក់ណាមួយពីក្រុមហ៊ុន Huawei នៅឡើយទេ។