ក្រុមហ៊ុន Microsoft រចនាស្មាតហ្វូនជំនាន់ថ្មីកាន់តែអស្ចារ្យដើម្បីប្រកួតប្រជែងជាមួយស្មាតហ្វូនរបស់ក្រុមហ៊ុនធំៗផ្សេងទៀតដូចជាក្រុមហ៊ុន Samsung, Apple និងក្រុមហ៊ុនល្បីៗផ្សេងទៀត។
ស្មាតហ្វូន Lumia 950 រចនាមកបំពាក់អេក្រង់ទំហំ 5.2-អ៊ីង ប្រភេទ AMOLED និងមានកម្រិតបង្ហាញ 2560 x 1440 ភិចសែល ជាមួយកម្រិតម៉ត់នៃរូបភាព 565 ppi សម្រាប់ម៉ូដែល 950 XL បំពាក់អេក្រង់ទំហំ 5.7- អ៊ីង ជាមួយបច្ចេកវិទ្យាi IPS និងកម្រិតច្បាស់ 2,560 x 1,440 ភិចសែល។
ស្មាតហ្វូននេះកាន់តែមានភាពទាក់ទាញជាមួយអង្គផ្ទុកទិន្ន័យទំហំ 32GB និងថែមមេម៉ូរ៉ីក្រៅបានលើកាត microSD ។ ជាងនេះ កាមេរ៉ាទំហំរហូតដល់ទៅ 20 មេហ្គាភិចសែលអមជាមួយ LED flash ប្រើ OIS ត្រូវបានបំពាក់ រួមជាមួយកាមេរ៉ាមុខទំហំ 5 មេហ្គាភិចសែល។
និយាយពីថាមពលរបស់ស្មាតហ្វូននេះ ម៉ូដែល 950 ប្រើថ្មមានថាមពល3000mAh និងម៉ូដែល 950 XL ប្រើថ្មមានថាមពល 3,340mAh ។
អត្ថបទ៖ Microsoft
ដោយ៖លក្ខិណា