HTC One X9 បង្ហាញជាផ្លូវការជាមួយរូបរាងដ៏ទាក់ទាញ[វីដេអូរ]

HTC One X9 ត្រូវបានប្រកាសជាផ្លូវការជាមួយការផ្តល់ជូនអង្គផ្ទុកទិន្ន័យទំហំ 3GB (RAM)។ X9 ជាស្មាតហ្វូនមធ្យមដែលមានតម្លៃសមរម្យ។

HTC One X9 បំពាក់អេក្រង់ទំហំ 5.5 អ៊ីង រួមទាំងមានកម្រិតបង្ហាញ 1920 x 1080 Full HD មានល្បឿន 2.2GHz។ ស្មាតហ្វូននេះភ្ជាប់អង្គចងចាំទំហំ 3GB (RAM) ជាមួយសមត្ថភាពថែមមេម៉ូរ៉ីក្រៅបានរហូតដល់ទៅទំហំ 2TB។

សម្រាប់ថតរូប ស្មានហ្វូននេះបានភ្ជាប់កាមេរ៉ាក្រោយទំហំ 13 មេហ្គាភិចសែល ដោយប្រើសេនស័ប្រភេទ BSI ,OIS, dual-tone LED flash ថែមទាំងថតវីដេអូរខ្លីបានក្នុងកម្រិត 4K រួមជាមួយកាមេរ៉ាមុខដែលអមដោយប្រព័ន្ធសម្លេង BoomSound សម្រាប់បន្លឺសម្លេងកាន់តែលឺទ្វេដង។

ស្មាតហ្វូននេះប្រើថ្មមានថាមពល 3000mAh មានភ្ជាប់មុខងារជាច្រើនទៀតដូចជា៖ 4G LTE, dual-band WiFi 802.11ac, Bluetooth 4.1 និង GPS + GLONASS ប្រើប្រព័ន្ធដំណើរការ Android 6.0 Marshmallow ដែលពេញនិយម។