តាមប្រភពពី T-Mobile បានបញ្ជាក់ថា ស្មាតហ្វូន Samsung Galaxy J7 និង LG K10 នឹងបង្ហាញខ្លួនជាផ្លូវការនៅថ្ងៃទី 18 ខែឧសភានេះហើយ។ Galaxy J7 បំពាក់នូវ RAM ទំហំ 2GB និងប្រើប្រាស់នូវប្រព័ន្ធប្រតិបត្តិការ Android 6.1 Marshmallow អេក្រង់ទំហំ 5.5 អ៊ីងជាមួយនឹងកម្រិតភាពច្បាស់ 720p Super AMOLED Touchscreen រួមទាំងកាមេរ៉ាខាងក្រោយ 13MP អមជាមួយនឹង Flash ហើយកាមេរ៉ាខាងមុខទំហំ 5MP ប្រើប្រាស់នូវប្រព័ន្ធ 4G ហើយថ្មវិញគឺទំហំដល់ទៅ 3,000 mAh ។
ចំនែក LG K10 វិញមានអេក្រង់ទំហំ 5.3 អ៊ីងកម្រិតភាពច្បាស់ 720p ដូចគ្នា ប៉ុន្តែវាមានកាមេរ៉ាខាងក្រោយទំហំត្រឹមតែ 8MP និងកាមេរ៉ាខាងមុខទំហំ 5MP រួមទាំង Storage ទំហំ 16GB និងមានថ្មកម្លាំង 2200 mAh ។ យ៉ាងណាមិញ តម្លៃរបស់វានៅមិនទាន់បានប្រកាសជាផ្លូវការនៅឡើយនោះទេ៕