បន្ទាប់ពីការបែកធ្លាយ និងការពិភាក្សាជាច្រើនក្នុងចំណោមអ្នកគាំទ្រទូទាំងពិភពលោក ក្រុមហ៊ុនសាមសុងបានបង្ហាញព័ត៌មានលម្អិតរបស់ទូរស័ព្ទ Galaxy J5 pro និង Galaxy J7 pro ដែលផ្តល់ជូននូវគុណភាពខ្ពស់ក្នុងរូបរាងរចនាពីលោហៈជាមួយបច្ចេកវិទ្យាថតរូបទាន់សម័យ នឹងអាចរកជាវបានចាប់ពីខែកក្កដានេះ។ 

 អ្វីដែលអស្ចារ្យនោះគឺ ការរចនាលោហៈ បច្ចេកវិទ្យាស្កេនម្រាមដៃ និងកម្មវិធី Android 7.0 Nougat ។

សាមសុង Galaxy J5 pro និង Galaxy J7 pro នឹងមានវត្តមានក្នុងពណ៌ខ្មៅ ពណ៌ខៀវទឹកប្រាក់ និងពណ៌មាស។ ផ្នែកខាងក្រោយមានការរចនារាងកោងថ្មី និងបំពាក់នូវកាមេរ៉ាបញ្ឈរនៅខាងលើ។ ចំណែកឯផ្នែកខាងមុខវិញ បំពាក់នូវបច្ចេកវិទ្យាស្កេនម្រាមដៃបង្កប់ក្រោមប៊ូតុង Home ដែលស្ថិតនៅក្រោមអេក្រង់។

 ស្មាតហ្វូន Galaxy J5 មានរូបរាងស្អាតតូចច្រទ្បឹង និងអេក្រង់ HD super AMOLED សម្រាប់បទពិសោធន៍ទស្សនាដ៏អស្ចារ្យ។ ជាមួយនឹងកាមេរ៉ាមុខ និងក្រោយទំហំ ១៣ មេហ្កាភិចសែល ជាមួយនឹងមេម៉ូរីកាត microSD* ដែលអាចផ្ទុករហូតដល់ទៅ 256GB អ្នកប្រើប្រាស់ងាយស្រួលចាប់យក និងរក្សាទុករបស់សំខាន់ៗ។ ប្រព័ន្ធដំណើរការ 1.6GHz  ធ្វើឲ្យ Galaxy J5 pro កាន់តែលឿន និងខ្លាំងក្លាជាងមុន។

ទូរស័ព្ទសាមសុង Galaxy J5 pro (2017)  បំពាក់នូវកាមេរ៉ាមុខ និងក្រោយ ទំហំ ១៣ មេហ្កាភិចសែល ជាមួយ LED flash ទាំងសងខាង។ ខាងក្រោយមាន f/1.7 aperture និងខាងមុខមាន f/1.9 aperture ។ ស្មាតហ្វូននេះប្រើថាមពលថ្ម 3000mAh និង ជម្រើសនៃការតភ្ជាប់ ដែលរួមមានដូចជា 4G VoLTE, Wi-Fi 802.11 b/g/n, Bluetooth 4.1, Micro USB port និង GPS ។

ទូរស័ព្ទសាមសុង Galaxy J7 pro (2017)  មានទំហំអេក្រង់ 5.5 អ៊ីញ (1080×1920 ភិចសែល), USB Type-C port, RAM ទំហំ  3 ជីហ្កាបៃ និង IP54 ការពារការសាចទឹក។ ចំណែក​ឯថ្មវិញតំទ្បើងដល់ទៅ 3600mAh ហើយរាល់លក្ខណៈពិសេសផ្សេងទៀតនៅដដែល។

ស្មាតហ្វូន Galaxy J ត្រូវបានគេរំពឹងថានឹងរួមចំណែកដល់ការលក់ក្នុងត្រីមាសទី៣ ដែលផ្តោតសំខាន់លើអ្នកប្រើប្រាស់ស្មាតហ្វូនដែលមានបំណងចង់បង្កើនសមត្ថភាពស្មាតហ្វូនរបស់ខ្លួន ខណៈពេលពួកគាត់ធ្វើការសម្រចចិត្តដ៏ល្អបំផុតរវាងសេចក្តីត្រូវការ និងការចំណាយជាក់ស្តែង។

 លោក Seungho Choi ដែលជានាយកគ្រប់គ្រងសាខាសាមសុងថៃ បានមានប្រសាសន៍ថា​៖ «យើងមានការជឿជាក់ថា ការរចនាដ៏ស្រស់ស្អាត រួមជាមួយបច្ចេកវិទ្យាកាមេរ៉ាដ៏ទំនើប និងលក្ខណៈពិសេសរបស់ Galaxy ស៊េរី J នឹងបន្តទាក់ទាញអតិថិជនចាស់ និងថ្មីដើម្បីប្រើប្រាស់ស្មាតហ្វូនទំនើបដែលបានរចនាទ្បើងដ៏ឥតខ្ចោះ និងមានតម្លៃសមរម្យ»។

 ទូរស័ព្ទ Galaxy J5 និង Galaxy J7 នឹងអាចរកជាវបានក្នងប្រទេសកម្ពុជាក្នុងខែកក្កដា នៅឯហាងទំនើបសាមសុង ក៏ដូចជាហាងលក់ទូរស័ព្ទទាំងអស់ដែលឈានមុខគេទូទាំងព្រះរាជាណាចក្រកម្ពុជា។

 * Micro SD អាចរកជាវបាន ប៉ុន្តែមិនរាប់បញ្ចូលក្នុងការលក់រាយ។

 ក្រុមហ៊ុន Samsung Electronics Co., Ltd

Samsung Electronics Co., Ltd នាំជូននូវបទពិសោធន៍ថ្មីដល់ពិភពលោក និងអនាគតកាល ដែលពោរពេញទៅដោយគំនិត និងបច្ចេកវិទ្យាច្នៃប្រឌិត។ ក្រុមហ៊ុនសាមសុងកំពុងកៃច្នៃអភិវឌ្ឍទូរទស្សន៍ ទូរទឹកកក ម៉ាស៊ីនបោកគក់ ម៉ាស៊ីនត្រជាក់ ស្មាតហ្វូន ឧបករណ៍ពាក់លើរាងកាយ tablets កាមេរ៉ា ឧបករណ៍ប្រើប្រាស់នៅផ្ទះបែបឌីជីថល ឧបករណ៍ឨសថថ្នាំពេទ្យ ប្រព័ន្ធបណ្តាញផ្សេងៗ គ្រឿងបរិក្ខារចម្លងអគ្គីសនី និងគ្រឿងអំពូល LED ផងដែរ។ សម្រាប់ព័ត៌មានថ្មីៗ សូមចូលទៅកាន់ Samsung Newsroom នៅគេហទំព័រhttp://news.samsung.com។