ក្រុមហ៊ុនបច្ចេកវិទ្យា HMD ទើបតែប្រកាសបង្ហាញនូវស្មាតហ្វូនស៊េរីថ្មី Nokia 8 កាលពីខែមុននេះ ប៉ុន្តែស្មាតហ្វូនស៊េរីថ្មីនេះឃើញដាក់លក់តែនៅក្នុងប្រទេសហ្វាំងឡង់តែប៉ុណ្ណោះ។ ឥឡូវនេះ ស្មាតហ្វូននេះដាក់លក់នៅក្នុងទីផ្សារពីរទៀតគឺប្រទេសអាឡឺម៉ង់ និងប្រទេសអូស្រា្តលីនៅក្នុងតម្លៃ €579 ($690) និង AUD899 ($719)។
នៅក្នុងប្រទេសអាឡឺម៉ង់ លោកអ្នកអាចទិញស្មាតហ្វូននេះបាននៅលើគេហទំព័ររបស់ក្រុមហ៊ុន Amazon ចំនែកនៅក្នុងប្រទេសអូស្រា្តលីលោកអ្នកអាចទិញបាននៅក្រុមហ៊ុន JB HiFi និង Harvey Norman នៅលើគេហទំព័ររបស់ក្រុមហ៊ុននេះ។
ថ្មីៗនេះ ស្មាតហ្វូននេះក៏អាចរកកម្មង់ទិញមុនបាននៅក្នុងចក្រភពអង់គ្លេសនៅថ្ងៃទី 13 ខែកញ្ញានេះ ហើយតម្លៃរបស់វាគឺ £500 ជាមួយនឹងការបន្ថែមជូន Nokia Steel smartwatch តម្លៃ £120 ឥតគិតថ្លៃថែមទៀតពេលទិញពិ Carphone Warehouse ៕