នៅថ្ងៃទី 21 ខែតុលា ឆ្នាំ 2017 នេះ ក្រុមហ៊ុនបច្ចេកវិទ្យា MYTEB Cambodia ដែលជាក្រុមហ៊ុនចែកចាយនូវផលិតផលថេប្លេត និងកុំព្យូទ័រ Chromebooks ដំបូងគេបំផុតនៅក្នុងប្រទេសកម្ពុជាបានចូលរួមដាក់តាំងបង្ហាញនូវផលិតផល Chromebooks និងអត្ថប្រយោជន៍របស់វានៅក្នុងការសិក្សាអប់រំក្នុងព្រឹត្តិការណ៍សន្និបាត ‘TEKHIN’ លើកទី 4 ដែលរៀបចំធ្វើឡើងនៅសាលាអន្តរជាតិណតប្រ៊ីដ (Northbridge International School) ។

ផលិតផលបច្ចេកវិទ្យាថ្មីៗដែលក្រុមហ៊ុន MYTEB ដាក់បង្ហាញនេះមានដូចថេប្លេត កុំព្យូទ័រដែលអាចបត់បាន 360 ដឺក្រេ កុំព្យូទ័រ 2-in-1 និង HP Chromebooks 11 ។ តាមប្រសាសន៍របស់លោក David Tan ដែលជាអគ្គនាយគ្រប់គ្រងក្រុមហ៊ុន MyTeb Cambodia បានបញ្ជាក់ថា គោលបំណងនៃការចូលរួម Sponsor នៅក្នុងសន្និបាតនេះគឺដើម្បីបង្ហាញពីសារៈសំខាន់នៃការប្រើប្រាស់ Chromebook ដោយសារតែផលិតផលនេះ វានឹងអាចចូលរួមកាត់បន្ថយការចំណាយរបស់មាតាបិតាសិស្ស ពិសេសវាមានសមត្ថភាពអាចធ្វើការងារបានដូចកុំព្យូទ័រយួរដៃផ្សេងទៀតអញ្ចឹងដែរ។ Chromebook គឺមានតម្លៃត្រឹមតែ 139 ដុល្លាប៉ុណ្ណោះ គឺខុសគ្នាច្រើនណាស់បើប្រៀបធៀបជាមួយនឹងកុំព្យូទ័រយួដៃដទៃទៀត។

លោកបន្តថា អ្វីដែលសំខាន់ជាងនេះ គឺដើម្បីជាការចូលរួមចំណែកលើកកំពស់វិស័យព័តមានវិទ្យានៅក្នុងវិស័យអប់រំនៅកម្ពុជា ផងដែរ។ ម៉ាស៊ីនដ៏តូចនេះ គឺជាផលិតផលថ្មី និងមានការធានាត្រឹមត្រូវរយះពេលមួយឆ្នាំពីក្រុមហ៊ុន MyTeb Cambodia ទៀតផង។

ចំណុចសំខាន់នៃកុំព្យូទ័រនេះ គឺវាប្រើប្រាស់នូវ Google Chrome ដែលផ្តល់នូវភាពងាយស្រួលនៅក្នុងប្រើប្រាស់ ដោយសារតែលោកអ្នកអាចធ្វើការដោនឡូដ កម្មវិធីផ្សេងៗនៅលើ Web Store ដែលមានស្រាប់នៅក្នុងប្រព័ន្ធប្រតិបត្តិការណ៍នេះ ហើយវាមានកម្មវីធីជាច្រើនសំរាប់រៀន និងកំសាន្ត ដែលភាគច្រើន គឺមិនគិតថ្លៃនោះទេ។ មួយវិញទៅវាក៏នូវមានកម្មវិធី Office ផងដែរ ដែលអាចអោយក្មេងៗ វាយអត្ថបទ ឬក៏វាយបញ្ចូលទិនន្ន័យផ្សេងៗចូលទៅក្នុងកុំព្យូទ័រនេះបានយ៉ាងរលូន ហើយក៏អាចប្រើប្រាស់បណ្តាញសង្គម Facebook, Line បានថែមទៀតផង។ អ្វីដែលពិសេស ពួកគេក៏អាចមើល Youtube បានផងដែរ និយាយរួម គឺវាពិសេសៗសំរាប់ក្មេង និងសន្សំសំចៃថវិកាបានច្រើនសំរាប់អាណាព្យាបាល ដែលមិនសូវមានថវិកាច្រើន។ តោះតេស្ត៍សាកល្បងសំរាប់ក្មេងៗទាំងអស់ នៅក្រុមហ៊ុន Myteb Cambodia។

សម្រាប់ព័ត៌មានបន្ថែម សូមចូលទៅកាន់គេហទំព័រ www.mytebtech.com ឬទំនាក់ទំនងទៅកាន់លេខទូរស័ព្ទ 015 478811 – 076 7777561 ដើម្បីទទួលបានកុំព្យូទ័រនៅថ្ងៃនេះ! លោកអ្នកក៏អាចចូលទៅក្នុង Chromebook Cambodia នៅលើបណ្តាញសង្គម Facebook ផងដែរ៕