ថ្មីៗនេះ ក្រុមអ្នកស្រាវជ្រាវសុវត្ថិភាពទើបតែរកឃើញនូវចំណុចរងគ្រោះដ៏ធ្ងន់ធ្ងរមួយនៅលើបណ្តាញ 4G LTE protocol ដែលអាចធ្វើចារកម្មទៅលើការខលរបស់អ្នកប្រើប្រាស់ និងការផ្ញើសារ ការបញ្ជូននូវសារជូនដំណឹងក្លែងក្លាយ ការក្លែងបន្លំទៅលើទីតាំងរបស់ឧបករណ៍ និងការបិទនូវឧបករណ៍នេះជាលក្ខណៈ Offline ផងដែរ។
នៅក្នុងការស្រាវជ្រាវថ្មីៗនេះតាមរយៈអ្នកស្រាវជ្រាវនៅសាកលវិទ្យាល័យ Purdue University ដែលបង្ហាញអំពីការវាយប្រហារថ្មីចំនួន 10 ទៅលើបច្ចេកវិទ្យា 4G LTE wireless data communications technology នៅលើស្មាតហ្វូន និងទិន្នន័យនៅលើ Terminals នោះ។
ការវាយប្រហារថ្មីនេះគឺទៅលើចំណុចខ្សោយ ៣ នៅលើប្រូតូកូលនៃបណ្តាញ 4G LTE network ដែលត្រូវគេដាក់ឈ្មោះថា Attach, Detach និង Paging នោះ។ ក្រុមអ្នកស្រាវជ្រាវក៏ចាប់ផ្តើមនូវប្រតិបត្តិការ LTEInspector ទៅលើការធ្វើតេស្ត ៨ លើកក្នុងចំណោម ១០ លើកនៅក្នុងការប្រើប្រាស់ស៊ីមចេញពីក្រុមហ៊ុនចែកចាយធំៗចំនួន ៤ នៅសហរដ្ឋអាមេរិកនោះ។
ការធ្វើតេស្តនៅក្នុងការវាយប្រហារចំនួន ១០ រួមមាន៖
Authentication Synchronization Failure Attack
Traceability Attack
Numb Attack
Authentication Relay Attack
Detach/Downgrade Attack
Paging Channel Hijacking Attack
Stealthy Kicking-off Attack
Panic Attack
Energy Depletion Attack
10. Linkability Attack
នៅក្នុងការវាយប្រហារទាំង ១០ នេះ ក្រុមអ្នកស្រាវជ្រាវរកឃើញថា វាមានចំណុចខ្សោយដែលអ្នកវាយប្រហារអាចធ្វើការតភ្ជាប់ទៅកាន់បណ្តាញ 4G LTE network របស់ជនរងគ្រោះបានតាមរយៈការក្លែងបន្លំទៅលើលេខទូរស័ព្ទនោះ។
ការវាយប្រហារនេះមិនត្រឹមតែអនុញ្ញាតឱ្យហេគឃ័រធ្វើការវាយប្រហារទៅលើបណ្តាញ Cellular Network របស់ជនរងគ្រោះដើម្បីធ្វើការមើលទៅលើសារចេញ និងសារចូលនោះទេ ប៉ុន្តែវាក៏អាចពង្រីកខ្លួនទៅកាន់ជនរងគ្រោះផ្សេងមួយទៀតផងដែរ៕