ម៉ាស៊ីនកុំព្យូទ័រដ៏មានឥទ្ធិពលច្រើនជាង ៦០០ គ្រឿងត្រូវរចនាយ៉ាងពិសេសសម្រាប់ mining bitcoin និង Cryptocurrencies ត្រូវចោរលួចចេញពីមជ្ឈមណ្ឌលទិន្នន័យនៅក្នុងប្រទេសអ៊ីស្លង់ដែលត្រូវគេហៅឈ្មោះថា “Big Bitcoin Heist”។

ដើម្បីរកប្រាក់ចំណេញបាននោះ ឧក្រិដ្ឋជននៅលើអ៊ីនធើណិតធ្វើការហេគទៅលើការផ្លាស់ប្តូររូបិយប័ណ្ណ cryptocurrency ដើម្បីចែកចាយមេរោគ malware និង ransomware mining និងការចាប់ជំរិតទៅលើអ្នកវិនិយោគទៅលើ cryptocurrency សម្រាប់ការបង់ប្រាក់លោះ និងការប្លន់យកនូវ Bitcoin ប៉ុន្តែពេលនេះហេគឃ័រក៏ឈានទៅដល់កម្រិតមួយទៀតហើយ។

កុំព្យូទ័រដ៏មានឥទ្ធិពលជាច្រើនដែលត្រូវគេទស្សន៍ទាយថាមានតម្លៃដល់ទៅ 2 លានដុល្លារអាមេរិកនោះដែលត្រូវប្រើប្រាស់សម្រាប់ការបង្កើតនូវ cryptocurrency ដែលមួយគ្រឿងមានតម្លៃដល់ទៅ $11,500 ។ ក្រុមចោរធ្វើការលួចនូវម៉ាស៊ីន mining bitcoin នេះនៅចន្លោះចុងខែធ្នូ និងដើមខែមករានៅក្នុងប្រទេសអ៊ីស្លង់នេះ។

វាមានក្រុមចោរដែលប្លន់ចំនួន 4 លើកផ្សេងគ្នា (៣ លើកនៅក្នុងខែធ្នូ និងមួយលើកនៅក្នុងខែមករា) ។ ក្រុមចោរទាំងនេះធ្វើការប្លន់ទៅលើក្រាហ្វិកកាតចំនួន ៦០០ បន្ទះឈីបចំនួន ១០០ ថាមពល Power Supplies ចំនួន ១០០ ក្តារ Motherboards ចំនួន ១០០ និងម៉េមូរីចំនួន ១០០ ថែមទៀតនេះបើតាមការថតបានចេញពីកាមេរ៉ា CCTV របស់ក្រុមហ៊ុន​ Advania ។  

ប៉ូលិសធ្វើការចាប់ខ្លួនទៅលើជនសង្ស័យចំនួន ១១ នាក់ដែលធ្វើការជាសន្តិសុខយាមនៅទីនេះ។ នៅថ្ងៃសុក្រនេះ តុលាការក៏ដោះលែងមនុស្សទាំងអស់ហើយទុកតែជនសង្ស័យ ២ នាក់ប៉ុណ្ណោះ។ ប្រទេសអ៊ីស្លង់គឺជាទឹកដីនៃមជ្ឈមណ្ឌលទិន្នន័យរបស់ក្រុមហ៊ុន cryptocurrency mining ជាច្រើននៅទីនេះ៕