យើងរំពឹងថា ស្មាតហ្វូនស៊េរីថ្មី LG G7 ThinQ នឹងប្រកាសបង្ហាញខ្លួននៅសប្តាហ៍ក្រោយនេះ ហើយពេលនេះ @evleaks ក៏ទម្លាយនូវរូបភាព Press Rendersរបស់ស្មាតហ្វូនស៊េរីថ្មីនេះដែលបង្ហាញអំពីគ្រប់ជ្រុងរបស់វាផងដែរ។ នេះគឺជាលើកទី ១ ហើយដែលយើងមើលឃើញរូបរាងរបស់ស្មាតហ្វូន LG G7 ThinQ នេះ។

រូបភាព Render នេះបង្ហាញអំពីការប្រើប្រាស់ Silver/Gray Color Option និងគែមផ្នែកខាងមុខរបស់វាគឺពណ៌ខ្មៅ ។ ផ្នែកខាងមុខរបស់ស្មាតហ្វូននេះគឺមានការប្រើប្រាស់នូវ Notch ដែលមានកាមេរ៉ាខាងមុខ In-Call Speaker និងការប្រើប្រាស់ Proximity Sensors ។

ស្មាតហ្វូន LG G7 ថ្មីនេះនឹងប្រើប្រាស់នូវប្រព័ន្ធកាមេរ៉ាភ្លោះបញ្ឈរ ហើយវាក៏មានប្រព័ន្ធស្កេនក្រយ៉ៅដៃនៅផ្នែកខាងក្រោយរបស់វាផដែរ។ ស្មាតហ្វូននេះប្រហែលជាបោះបង់ចោលនូវ Power Key និងការប្រើប្រាស់នូវ Google Assistant Shortcut ផងដែរ។ ផ្នែកខាងលើរបស់ស្មាតហ្វូននេះនឹងប្រើប្រាស់នូវ SIM/micro SD Card Tray ដែលផ្នែកខាងក្រោមគេសង្កេតឃើញមាន 3.5mm Headphone Jack និងរន្ធដោត​ USB-C Port ផងដែរ។

ស្មាតហ្វូន G7 ThinQ ត្រូវគេរំពឹងថានឹងប្រើប្រាស់នូវបន្ទះឈីប Snapdragon 845 CPU, អេក្រង់ 6 អ៊ីញ រ៉េមទំហំ 6GB និងថាមពលថ្ម 3000mAh ។ ស្មាតហ្វូននេះនឹងប្រកាសបង្ហាញខ្លួននៅក្នុងសេអ៊ូល ប្រទេសកូរ៉េខាងត្បូងនៅក្នុងថ្ងៃទី 3 ខែមិថុនា និងទីក្រុងញ៉ូវយ៉កនៅថ្ងៃទី ២​ ខែមិថុនា៕