ក្រុមហ៊ុន FIFA និង vivo ធ្វើការប្រកាសបង្ហាញនូវភាពជាដៃគូក្នុងការប្រកាសបង្ហាញនូវស្មាតហ្វូនស៊េរីថ្មីសម្រាប់ព្រឹត្តិការណ៍ World Cup នៅក្នុងប្រទេសរុស្សី និង Qatar ។ យើងធ្លាប់បានឃើញនូវស្មាតហ្វូន vivo X20 FIFA World Cup Edition មួយរួចមកហើយនៅក្នុងខែធ្នូ ហើយពេលនេះវាក៏មានពណ៌ថ្មីចំនួនពីរបន្ថែមទៀតផងដែរ។
សម្រាប់ពណ៌ថ្មីពីរនេះគឺជា Tibetian Blue និង Victory Red សម្រាប់ធ្វើការអបអរព្រឹត្តិការណ៍ប្រកួតនេះ។ ស្មាតហ្វូន vivo X21 FIFA World Cup Edition មានបន្ទះឈីប Snapdragon 660 chipset និងរ៉េមទំហំ 6GB RAM/128 GB storage ។
ស្មាតហ្វូននេះមានកាមេរ៉ាភ្លោះ 12 MP + 5 MP sensors និងកាមេរ៉ាខាងមុខទំហំ 12MP ផងដែរ។ ស្មាតហ្វូននេះមានអេក្រង់ទំហំ 6.28” AMOLED display និងប្រព័ន្ធស្កេនក្រយ៉ៅដៃនៅខាងក្រោម។ ស្មាតហ្វូននេះនឹងលក់នៅក្នុងតម្លៃ CNY3,598 ប្រហែលជា €460 ឬ $572 ៕