ក្រុមហ៊ុនបច្ចេកវិទ្យា Samsung ត្រៀមខ្លួនក្នុងការប្រកាសបង្ហាញស្មាតហ្វូនស៊េរីថ្មីដែលមានអេក្រង់បត់បាននៅដើមឆ្នាំក្រោយនេះ។ ស្មាតហ្វូននេះគឺមានតម្លៃថ្លៃ ហើយគំរូរបស់ស្មាតហ្វូននេះមានឈ្មោះហៅថា “Winner” ។ តម្លៃរបស់ស្មាតហ្វូននេះគឺ $1,500 ។
អេក្រង់របស់ស្មាតហ្វូននេះអាចនឹងមានទំហំ 7” នៅពេលដែលវាបើក។ អេក្រង់នេះអាចធ្វើការបត់បានដែលមានអេក្រង់នៅខាងមុខសម្រាប់បញ្ចេញនូវ notifications និងកាមេរ៉ាស្ថិតនៅខាងក្រោយ។ ក្រុមហ៊ុន Samsung មានគោលដៅក្នុងការលក់ស្មាតហ្វូនដែលមានអេក្រង់បត់បាននៅក្នុងឆមាសទី 2 ឆ្នាំ 2018 នេះ។
ពាក្យចចាមអារ៉ាមជាច្រើនបញ្ជាក់ថា ក្រុមហ៊ុន Samsung ក៏ធ្វើការជាមួយនឹង smart speaker ដែលមានឈ្មោះថា Lux ហើយវាសម្រាប់ប្រើប្រាស់ជាមួយនឹងស្មាតហ្វូន Galaxy Note9 ។ វាមានតម្លៃប្រហែលជា $300 ។ វាអាចធ្វើការគ្រប់គ្រងដោយសំលេងបាន ហើយវាក៏មានប្រើប្រាស់ជាមួយនឹង Bixby ផងដែរ៕