វានឹងមានជំនាន់បន្ទាប់របស់ស្មាតហ្វូន Oppo F7 ។ តាមរូបភាព Teaser ចុងក្រោយបំផុតរបស់ក្រុមហ៊ុន Oppo បញ្ចាក់ថា ស្មាតហ្វូនស៊េរីថ្មីរបស់ក្រុមហ៊ុននេះនឹងបង្ហាញខ្លួនឆាប់ៗនេះ ហើយវាប្រហែលជាបង្ហាញខ្លួននៅក្នុងខែសីហាខាងមុខនេះហើយ។

តាមរយៈរូបភាព Teaser នេះ យើងអាចធ្វើការសន្និដ្ឋានបានថា ស្មាតហ្វូននេះនឹងប្រើប្រាស់ប្រព័ន្ធកាមេរ៉ាភ្លោះនៅខាងក្រោយ។ ស្មាតហ្វូន F-Series ភាគច្រើនមានការពង្រឹងទៅលើប្រព័ន្ធកាមេរ៉ាខាងមុខសម្រាប់ថតរូបភាព Selfies នោះ។

ទន្ទឹមនឹងនេះផងដែរ ស្មាតហ្វូន F9 នេះទទួលបាននូវវិញ្ញាបនបត្រ Bluetooth certification ហើយវាក៏មានម៉ូដែល F9 Pro ផងដែរ។ ប៉ុន្តែយើងនៅមិនទាន់ដឹងថាតើប្រព័ន្ធ Bluetooth នេះមានអ្វីដែលថ្មីព្រោះវាដូចគ្នាទៅនឹងស្មាតហ្វូន Oppo F7, Oppo F7 Youth, Oppo R15 និង Realme 1 នោះ។ ស្មាតហ្វូននេះនឹងប្រើប្រាស់នូវបន្ទះឈីប Helio P60 chipset ផងដែរ៕