អ្នកប្រហែលជាបានដឹងរួចមកហើយថា នៅដើមឆ្នាំនេះ ក្រុមហ៊ុន HMD Global ប្រកាសបង្ហាញនូវស្មាតហ្វូនស៊េរីថ្មី Nokia X6 ផ្តាច់មុខនៅក្នុងប្រទេសចិន។ ក្រោយមកទៀតសម្រាប់ទីផ្សារអន្តរជាតិស្មាតហ្វូននេះដាក់លក់នៅក្នុងឈ្មោះថា Nokia 6.1 Plus ។ ថ្មីនេះ ក្រុមហ៊ុន Nokia ក៏ទើបតែបញ្ចេញនូវស្មាតហ្វូន Nokia X7 ដែលនឹងដាក់លក់នៅក្នុងទីផ្សារអន្តរជាតិនៅក្រោមឈ្មោះថា Nokia 7.1 Plu ។ ទោះជាយ៉ាងណាក៏ដោយ វាមានការរាយការណ៍ថា ស្មាតហ្វូន Nokia X7 ប្រហែលជាបង្ហាញខ្លួនសម្រាប់ទីផ្សារអន្តរជាតិជាមួយនឹង Nokia 8.1 ។

នេះមានន័យថា ស្មាតហ្វូនត្រកូល Nokia 8 series គឺជាស្មាតហ្វូនថ្នាក់កណ្តាលកម្រិតខ្ពស់របស់ក្រុមហ៊ុន Nokia ។ ក្រុមហ៊ុនបច្ចេកវិទ្យា HMD Global ក៏ប្រហែលជាបញ្ចេញនូវស្មាតហ្វូន Nokia 9 PureView នៅក្នុងខែកុម្ភៈខាងមុខនេះ។ ស្មាតហ្វូន Nokia 8.1 នេះនឹងប្រើប្រាស់នូវបន្ទះឈីប Snapdragon 710 ខណៈពេលដែលស្មាតហ្វូន Nokia 7.1 ប្រើប្រាស់នូវបន្ទះឈីប Snapdragon 636 ហើយស្មាតហ្វូន Nokia 7 Plus ប្រើប្រាស់នូវបន្ទះឈីប Snapdragon 670 ។​

ស្មាតហ្វូន Nokia 8.1 អាចនឹងបង្ហាញខ្លួននៅចុងខែវិច្ឆិកានេះ ឬនៅដើមខែធ្នូនៅក្នុងរដូវកាលឈប់សម្រាកនោះ។ សម្រាប់ស្មាតហ្វូន Nokia 7.1 Plus អាចនឹងបង្ហាញខ្លួនជាផ្លូវការនៅក្នុងព្រឹត្តិការណ៍ MWC 2019 នៅខែកុម្ភៈខាងមុខនេះ៕