នៅក្នុងប្រទេសចិន ក្រុមហ៊ុន Vivo ទើបតែប្រកាសបង្ហាញស្មាតហ្វូនស៊េរីថ្មី Vivo Y93 ក្រោយពេលដែលខ្លួនប្រកាសបង្ហាញនូវ Vivo Y93s នោះ។ សម្រាប់លក្ខណៈសម្បត្តិរបស់ស្មាតហ្វូន Vivo Y93 ក៏មាននៅលើបញ្ជីអនឡាញរបស់វេបសាយក្រុមហ៊ុនផងដែរ។ ស្មាតហ្វូននេះមានវិមាត្រ 155.11 x 75.09 x 8.28mm និងអេក្រង់ទំហំ 6.22-inch IPS In-Cell display ទ្រទ្រង់នូវកម្រិតភាពច្បាស់ HD+ 1520 x 720 pixels ។

ស្មាតហ្វូននេះប្រើប្រាស់នូវបន្ទះឈីប MediaTek Helio P33 chipset រ៉េមទំហំ 4GB ថាមពលថ្ម 4,030mAh និង FunTouch OS 4.5 ។ វាក៏ប្រើប្រាស់នូវប្រព័ន្ធប្រតិបត្តិការ Android 8.1 Oreo និង Jovi Smart Scene assistant រួមជាមួយនឹងមុខងារចែកអេក្រង់ Smart Split screen ថែមទៀត។ វាមានកាមេរ៉ាទំហំ 13-megapixel sensor + 2-megapixel sensor ហើយកាមេរ៉ាខាងមុខនៅលើ Notch មានទំហំ 8MP ។ ស្មាតហ្វូននេះមានការតភ្ជាប់ដូចជា 4G VoLTE, dual-SIM support, Wi-Fi, Bluetooth 5.0, microUSB, USB OTG និង 3.5mm audio jack ។

ស្មាតហ្វូន Vivo Y93 មានពណ៌ Starry Blackនិង Nebula Purple ។ តម្លៃរបស់វាគឺ 1,499 Yuan (~$217) ខណៈពេលដែល Y93s មានតម្លៃ 1,698 Yuan (~$245) ។ ចំនែក Vivo Y95 គឹមានតម្លៃ Rs. 16,990 នៅក្នុងប្រទេសឥណ្ឌា៕