ថ្មីៗនេះ នៅក្នុងព្រឹត្តិការណ៍ Galaxy Unpacked នៅពេលដែលស្មាតហ្វូន​ត្រកូល Galaxy S10 series បង្ហាញខ្លួននោះ ក្រុមហ៊ុន Samsung ក៏ប្រកាសបង្ហាញនូវនាឡិកា Galaxy Watch Active សម្រាប់ជំនួសកន្លែងរបស់ Gear Sport ។ នាឡិកា Galaxy Watch Active ផ្តោតទៅលើសកម្មភាពនៃការហាត់ប្រាណ និងសុខភាពរបស់អ្នកប្រើប្រាស់ ហើយការរចនារូបរាងរបស់វាពិតជាស្រស់ស្អាតមែនទែន!

នាឡិកា Galaxy Watch Active នេះមានតួខ្លួនអាលុយមីញ៉ូមជាមួយនឹងខ្សែកៅស៊ូធម្មតា ប៉ុន្តែវាមានប៊ូតុង ២ ស្ថិតនៅផ្នែកខាងស្តាំ ។ នាឡិកានេះប្រើប្រាស់នូវប្រព័ន្ធប្រតិបត្តិការ Tizen operating system ។ អេក្រង់របស់វាគឺជា AMOLED display ជាមួយនឹងថាមពលថ្ម 236mAh ដែលអាចប្រើប្រាស់បាន ២៤ ម៉ោងសម្រាប់ការបញ្ចូលថ្មម្តង។

Galaxy Watch Active ផ្តោតទៅលើសកម្មភាពធំៗ ២ គឺ ការដុតកាឡូរី ចំនួននាទីនៃការហាត់ប្រាណ និងការផ្លាស់ទីរៀងរាល់ម៉ោង។ វានឹងធ្វើការតាមដាន ហើយផ្តល់នូវពណ៌ផ្សេងៗគ្នានៅលើអេក្រង់។ Galaxy Watch Active នឹងធ្វើការជូនដំណឹងដូចគ្នាទៅនឹង Apple Watch ទៅលើសម្ពាធឈាមផងដែរ។ នាឡិកានេះមានម៉េមូរីទំហំ 4GB ប្រព័ន្ធ Bluetooth 4.2 និង NFC support សម្រាប់ការទូទាត់តាមទូរស័ព្ទថែមទៀត។ វាមាន ៤ ពណ៌គឺ Silver, Black, Rose Gold, Sea Green ហើយវាមានតម្លៃ $199.99 នៅសហរដ្ឋអាមេរិក។ វានឹងដាក់លក់នៅថ្ងៃទី ៨ ខែមីនាខាងមុខនេះ៕