កាលពីមួយខែមុននេះ ក្រុមហ៊ុនបច្ចេកវិទ្យា Oppo ប្រកាសបង្ហាញនូវបច្ចេកវិទ្យាមួយដែលមានឈ្មោះថា 10X optical zoom technology សម្រាប់ប្រើប្រាស់នៅលើកាមេរ៉ារបស់ស្មាតហ្វូននោះ។ មុខងារនេះគឺមានការ Upgrade ពីបច្ចេកវិទ្យា 5X lossless zoom ដែលបង្ហាញខ្លួនកាលពីឆ្នាំមុននេះ ហើយវាក៏ប្រើប្រាស់នៅលើស្មាតហ្វូនជាច្រើនរបស់ Oppo ផងដែរ។

ពេលនេះបច្ចេកវិទ្យា 10X optical zoom technology របស់ក្រុមហ៊ុនបច្ចេកវិទ្យា Oppo គឺលែងមានអ្វីដែលជាអាថ៌កំបាំងទៀតហើយ! មុខងារនៃបច្ចេកវិទ្យា 10X optical zoom technology នេះត្រូវបង្ហាញនៅក្នុងវីដេអូផ្សព្វផ្សាយមួយដែលទម្លាយនៅលើអនឡាញ។

វីដេអូនេះបង្ហាញនៅលើបណ្តា Weibo របស់ចិន ប៉ុន្តេក្រោយមកវាក៏ធ្វើការ Upload ទៅលើ YouTube របស់ Sparrow News ។ សម្រាប់រូបភាពដែលធ្វើការប្រើប្រាស់នូវបច្ចេកវិទ្យានេះគឺនៅតែច្បាស់ មិនមានព្រាលៗនោះទេ។

ក្រុមហ៊ុនបច្ចេកវិទ្យា OPPO បញ្ជាក់ថា បច្ចេកវិទ្យា 10X optical zoom camera tech នឹងធ្វើការផលិតនៅក្នុងទ្រង់ទ្រាយធំនៅក្នុងឆមាសទី ១ ឆ្នាំ ២០១៩ នេះហើយវានឹងបន្តរហូតដល់ដាច់ឆ្នាំនេះ។ វាអាចប្រើប្រាស់ជាមួយនឹងកាមេរ៉ា telephoto, super-wide-angle និង ultra-clear camera sensors ថែមទៀត៕