ស្មាតហ្វូនស៊េរីថ្មី Xiaomi Mi 9 ដែលប្រកាសបង្ហាញខ្លួននៅក្នុងព្រឹត្តិការណ៍ MWC 2019 នៅក្នុងប្រទេសអេស្ប៉ាញ អ៊ីតាលី និងប្រទេសបារាំងជាមួយនឹងតម្លៃ €450 សម្រាប់ទំហំ 6/64 GB និងតម្លៃ €499 សម្រាប់ទំហំម៉េមូរី 128GB ។

ក្រុមហ៊ុនបច្ចេកវិទ្យានេះមិនមានហាង Mi Store នៅក្នុងប្រទេសហូឡង់នោះទេ ដូចនេះក្រុមហ៊ុន Belsimpel គឺជាអ្នកដាក់លក់ស្មាតហ្វូននេះ។ ហាងលក់រាយនៅក្នុងប្រទេសហូឡង់គឺលក់ស្មាតហ្វូន Xiaomi Mi 9 នេះនៅក្នុងតម្លៃ €549 សម្រាប់ទំហំ 6GB/128GB ។

ស្មាតហ្វូន Xiaomi Mi 9 នេះមានបន្ទះឈីប Snapdragon 855 និងកាមេរ៉ា 48 MP camera ជាមួយនឹងសេនស័រ Sony IMX586 sensor ។ ស្មាតហ្វូននេះមានពណ៌ខ្មៅ Piano Black ហើយវាពិតជាស្រស់ស្អាតមែនទែន។ ស្មាតហ្វូននេះប្រើប្រាស់ស៊ីមពីរ ប្រព័ន្ធស្កេនក្រយ៉ៅដៃក្រោមអេក្រង់ MIUI 10 ប្រព័ន្ធប្រតិបត្តិការ Android Pie និងប៊ូតុង Google Assistant ថែមទៀត៕