Mozilla បើកដំណើរការសេវាកម្មផ្ទេរឯកសារដែលអ៊ិនគ្រីបដោយឥតគិតថ្លៃរបស់ Firefox Send ។ វាអនុញ្ញាតឱ្យអ្នកប្រើចែករំលែកឯកសារជាធម្មតា និងមានសុវត្ថិភាពពីកម្មវិធីរុក​រកនានា។ អ្នកអាចផ្ញើឯកសារបានរហូតដល់ទំហំ ២.៥GB ដោយមានគណនី Firefox ហើយអ្នកអាចផ្ទុកឯកសារបានរហូតដល់ទំហំ ១GB។

អ្នកទទួលឯកសារចែករំលែកអាច ទាញយកវាដោយគ្រាន់តែចុចលើ link ដែលគេចែករំលែក។ Firefox Send ផ្តល់នូវការត្រួត ពិនិត្យលើបញ្ហាសុវត្ថិភាពដោយពេញលេញលើឯកសារដែលគេអាប់ឡូដ៊ ខាងក្រោមនេះគឺជាជម្រើសដែលវាផ្តល់ជូន៖

• អ្នកអាចកំណត់ពេលវេលាថា ពេលណាដែល link នឹងផុតកំណត់។

• ការទាញយកមានដែនកំណត់

• ការពារពាក្យសម្ងាត់

“យើងដឹងថាមានដំណោះស្រាយចែករំលែកលើ cloud ជាច្រើននៅទីនោះ ប៉ុន្តែវាជាការបន្ត បេសកកម្មរបស់យើងដើម្បីនាំអ្នកឱ្យទទួលបានភាពជាឯកជន និងមានសុវត្ថិភាពជាងមុន ដោយអ្នកអាចជឿជាក់បាន ថាព័ត៌មានរបស់អ្នកមានសុវត្ថិភាពជាមួយការផ្ញើ” ។  Firefox Send ជាជម្រើសដ៏ល្អមួយចំពោះសេវាកម្ម cloud ផ្សេងៗទៀតមានដូចជា Google Drive, Mega, Media និង Dropbox ។

ទីតាំង cloud សម្រាប់ផ្ទុកទិន្នន័យអាជីវកម្មទាំងអស់មានទាំង ការចែករំលែកឯកសារជាមួយអ្នកប្រើឬក្រុមនៅលើ cloud  ការជជែកកំសាន្ត អ៊ីម៉ែលការអភិ​វឌ្ឍកម្មវិធីការ  គ្រប់គ្រងលំហូរការងារ គ្រប់គ្រងទិន្នន័យ បន្ថែមយោបល់ បង្កើត​តំណ​សាធារ​ណៈដើម្បីចែករំលែកវាជាមួយ​អ្នកផ្សេងទៀត​ ​និងកម្មវិធីកុំព្យូទ័រផ្សេង​ទៀតដែលតម្រូវឱ្យមាន។

ក្រុមហ៊ុន Mozilla បើកដំណើរការបណ្តាញអ៊ីម៉ែល send.firefox.com ដែលវាជាសេវាកម្ម ផ្ទេរឯកសារ ដែលទទួលបានការអ៊ីនគ្រីបដោយឥតគិតថ្លៃ និងដើម្បីចាប់ផ្តើមប្រើកម្មវិធី Android នៅសប្តាហ៍នេះ។ ជាមួយ Firefox Send អ្នកអាចចែករំលែកព័ត៌មានផ្ទាល់ខ្លួន       ឯកសារឯកជន ឬឯកសារការងារសម្ងាត់ដោយមិនគិតថ្លៃ។ “ជាមួយកម្មវិធី និងសេវាកម្ម Firefox ទាំងអស់ Send គឺជាសេវាឯកជនមានន័យថា ឯកសារទាំងអស់របស់អ្នកទទួលបាន​ការការ​ពារ ហើយយើងឈរលើបេសកកម្មដើម្បីដោះស្រាយបញ្ហាទិន្នន័យឯកជន និងសុវត្ថិភាពរបស់អ្នក។”