ដូចដែលយើងទាំងអស់គ្នាបានដឹងអំពីក្រុមហ៊ុន Huawei ដែលជាក្រុមហ៊ុនទូរស័ព្ទនិងផ្អែកលើប្រព័ន្ធប្រតិបត្តិការ Android ។ ថ្មីៗនេះក្រុមហ៊ុន Huawei បានប្រកាសនិងដាក់ពាក្យសុំប៉ាតង់និងយីហោសម្រាប់ប្រព័ន្ធប្រតិបត្តិការថ្មីរបស់ខ្លួនដែលមានឈ្មោះថា “ark OS” ។ ដែលកាលពីឆ្នាំកន្លងទៅក្រុមហ៊ុន Huawei ទទួលបានប្រាក់ចំណេញល្អនិងទទួលបានកេរ្តិ៍ឈ្មោះល្បីល្បាញនៅក្នុងទីផ្សារ។

យោងទៅតាមព័ត៌មានផ្សេងៗបានបញ្ជាក់យ៉ាងច្បាស់ថាក្រុមហ៊ុន Huawei ប្រហែលជាមិនអាច Platform របស់ Google បានទៀតទេ។ ដូច្នេះសម្រាប់ទូរស័ព្ទស្មាតហ្វូនរបស់ខ្លួននាពេលអនាគតក្រុមហ៊ុន Huawei បានរៀបចំប្រព័ន្ធប្រតិបត្តិការថ្មីរបស់ខ្លួនដោយខ្លួនឯងដូចជា Ark OS ។ ការណែនាំប្រព័ន្ធប្រតិបត្តិការថ្មីឲ្យទទួលបានជោគជ័យមិនមែនជាការងាយស្រួលដូចដែលប្រតិបត្តិការផ្សេងៗយើងបានឃើញនោះទេ។

ការកើនឡើងនៃសង្គ្រាមរវាងចិននិងសហរដ្ឋអាមេរិកបាននាំឱ្យមានការរឹតត្បិតចំពោះក្រុមហ៊ុន Huawei សម្រាប់ការប្រើប្រាស់ប្រព័ន្ធប្រតិបត្តិការ Android ។ ទោះបីក្រុមហ៊ុន Google នឹងបោះបង់ចោលក្រុមហ៊ុន Huawei ជាអចិន្ត្រៃក៏ដោយក(ក្រុមហ៊ុន Huawei បានបង្កើតការបម្រុងទុករបស់ខ្លួនសម្រាប់ស្ថានការណ៍បែបនេះ។

ផលប៉ះពាល់នៃបញ្ហា

ការដាក់កំហិតនេះមិនត្រឹមតែបង្កើតបញ្ហាសម្រាប់ម្ចាស់ក្រុមហ៊ុនប៉ុណ្ណោះទេថែមទាំងសម្រាប់អ្នកប្រើទូរស័ព្ទ Huawei ផងដែរ។ នៅពេលដែលអាជ្ញាប័ណ្ណរបស់ Google ត្រូវបានផុតកំណត់អ្នកប្រើនឹងមិនអាច google play store បានទៀតនោះទេរួមទាំងសេវាកម្មផ្សេងៗរបស់ Google ផងដែរ។អតិថិជននឹងលែងបានប្រើកម្មវិធីដ៏ពេញនិយមរបស់ Google ដូចជា YouTube, Google Map។ ទោះជាយ៉ាងណាក៏ដោយក្រុមហ៊ុន Huawei ប្រឹងប្រែងអស់ពីលទ្ធភាពដើម្បីដោះស្រាយបញ្ហានេះនៅលើទូរស័ព្ទរបស់ពួកគេ។

តើក្រុមហ៊ុន Huawei អាចរស់បានដោយរបៀបណាបើគ្មាន Google?

បន្ទាប់ពីស្តាប់អំពីសង្រ្គាមពាណិជ្ជកម្មនេះអ្នកប្រើជាច្រើននាក់បានអាក់អន់ចិត្តដោយសារតែមិនអាចប្រើហ្គូហ្គលបានទៀតទេ។ អ្នកចាត់ការរបស់ក្រុមហ៊ុន Huawei បាននិយាយនៅក្នុងបទសម្ភាសន៍មួយថាក្រុមហ៊ុន Huawei នឹងដាក់បង្ហាញប្រព័ន្ធ Ark OS ថ្មីរបស់ខ្លួនឆាប់ៗនេះ។ប្រព័ន្ធប្រតិបត្តិការត្រូវបានគេប៉ាន់ប្រមាណដាក់ឲ្យប្រើក្នុងឆ្នាំ ២០២០ ប៉ុន្តែកាលបរិច្ឆេទមិនទាន់បានបញ្ជាក់ពីក្រុមហ៊ុនទេ។ នាយកប្រតិបត្តិរបស់ក្រុមហ៊ុននេះបានថ្លែងថាយើងមានផែនការបម្រុងទុកដូច្នេះគ្មាននរណាម្នាក់អាចមកបិទបានទេ។ សេចក្តីថ្លែងការណ៍នេះជួយអតិថិជនរបស់ពួកគេបន្ធូរភាពតានតឹងរបស់ពួកគេខ្លះ។

ទោះជាយ៉ាងណាការរចនាមិនទាន់ត្រូវបានបញ្ចប់នៅឡើយទេ ដោយនាយកប្រតិបត្តិបាននិយាយថាអតិថិជនរបស់យើងទាំងអស់នឹងទទួលបានអ្វីដែលល្អបំផុតដែលមិនធ្លាប់មាន។បច្ចុប្បន្ននេះក្រុមហ៊ុន Huawei កំពុងជួបការលំបាកក្នុងការប្រឈមនឹងស្ថានភាពនេះនិងក្លាយជាក្រុមហ៊ុនឯករាជ្យ។ក្រុមហ៊ុននេះកំពុងប្រឈមនឹងហានិភ័យព្រោះវាមិនងាយស្រួលក្នុងការគ្រប់គ្រងជាមួយប្រព័ន្ធប្រតិបត្តិការថ្មីរបស់ពួកគេនោះទេហើយក៏មិនងាយយកឈ្នះប្រព័ន្ធប្រតិបត្តិការ Android ផងដែរ។