ថ្មីៗនេះ វាមានការប្រទះឃើញនូវគំរូរបស់ស្មាតហ្វូនថ្មី Nokia នៅលើ eBay ។ នេះមិនមែនជាលើកទី ១ នោះទេដោយសារតែយើងធ្លាប់បានគំរូជាច្រើនរបស់ឧបករណ៍នេះនៅលើអនឡាញនោះ ប៉ុន្តែនេះគឺជាស្មាតហ្វូនម៉ូដែលពិសេសដែលមិនទាន់ដឹងថានឹងដំណើរការនៅលើ OS ណាមួយនោះទេ។
នៅក្នុងប្រអប់នេះគឺមានការសរសេរពាក្យថា “Kataya” នៅខាងមុខ ដែលមានន័យថា វាប្រហែលជាឈ្មោះរបស់ឧបករណ៍នេះជាក់ជាមិនខាន។ Kataya នេះគឺគណៈកម្មាធិការក្នុងការអភិវឌ្ឍនៅក្នុងនេប៉ាល់ ហើយនេះប្រហែលជាមិនមែនជាឈ្មោះរបស់ឧបករណ៍នេះនោះទេ។ ស្មាតហ្វូននេះក៏ធ្លាប់ប្រទះឃើញនៅលើ talk.meamo.org កាលពីមួយឆ្នាំមុនផងដែរ។
ប្រអប់នេះគឺមានសរសេរថា “Built on Krakatau” ដែលមានពាក្យសរសេរថា Kataya និង Krakatau ព្រីននៅខាងក្រោយរបស់ឧបករណ៍នេះ ហើយវាក៏មានពាក្យសរសេរថា “Designed in Oulu”ដែលជាក្រុងមួយនៅក្នុងហ្វាំងឡង់ដែលក្រុមហ៊ុន Nokia មានរោងចក្រនៅទីនោះ។ Krakatau ក៏ជាឈ្មោះនៃកោះភ្នំភ្លើងដែលស្ថិតនៅក្នុងប្រទេសឥណ្ឌូនេស៊ីហើយវាក៏មានការផ្ទុះដ៏ល្បីល្បាញនៅ Anak Krakatau នៅក្នុងឆ្នាំ ១៩៣០ ផងដែរ។ សម្រាប់ Nokia Kataya នេះដាក់លក់នៅលើ eBay នៅក្នុងតម្លៃ 1499 ដុល្លារ៕