Glamoriser ជាក្រុមហ៊ុនរបស់អង់គ្លេសដែលបានប្រកាសថាខ្លួនជាអ្នកបង្កើតឧបករណ៍គាប់សក់ Bluetooth ដំបូងបង្អស់នៅលើពិភពលោកអនុញ្ញាតឱ្យអ្នកប្រើភ្ជាប់ឧបករណ៍ទៅនឹងកម្មវិធីដែលអនុញ្ញាតឱ្យម្ចាស់កំណត់កំដៅនិងរចនាប័ទ្មជាក់លាក់។ក្រុមអ្នកស្រាវជ្រាវផ្នែកសន្តិសុខនៅ Pen Test Partners បានទិញនិងសាកល្បងប្រើវា ដោយពួកគេបានរកឃើញថាវាងាយស្រួលក្នុងការផ្ញើពាក្យបញ្ជា Bluetooth ដើម្បីគ្រប់គ្រងឧបករណ៍ពីចម្ងាយ។

អ្នកស្រាវជ្រាវបានបង្ហាញថាពួកគេអាចបញ្ជូនពាក្យបញ្ជាមួយចំនួនដូចជាកម្រិតសីតុណ្ហភាពខាងខ្ពស់និងទាបនៃឧបករណ៍ 122 ° F និង 455 ° F ក៏ដូចជាពេលវេលាបិទ។ ដោយសារតែមិនមានការផ្ទៀងផ្ទាត់ភាពត្រឹមត្រូវអ្នកវាយប្រហារអាចផ្លាស់ប្តូរនិងកំណត់សីតុណ្ហភាពពីចម្ងាយនិងក្នុងរយៈពេល 20 នាទី។Stuart Kennedy បានសរសេរនៅលើប្លក់របស់គាត់ថា “នៅពេលដែលមិនមានការភ្ជាប់ឧបការណ៍ដែលបានបង្កើតឡើងលើ Bluetooth នោះអ្នកណាម្នាក់ដែលមានកម្មវិធីនេះអាចគ្រប់គ្រងវាបាន” ។

Kennedy បាននិយាយថា ត្រង់នេះអនុញ្ញាតឱ្យមានការតភ្ជាប់តែមួយប៉ុណ្ណោះ។ ប្រសិនបើម្ចាស់មិនបានភ្ជាប់ទូរស័ព្ទរបស់ពួកគេឬពួកគេដើរចេញពីចម្ងាយ Bluetooth នោះមានតែអ្នកវាយប្រហារម្នាក់ប៉ុណ្ណោះអាចតម្រង់ទិសដៅមកឧបករណ៍នេះបាន។វាត្រូវបានគេប៉ាន់ប្រមាណថាមានភ្លើងឆេះផ្ទះចំនួន ៦៥០.០០០ នៅក្នុងអង់គ្លេស ដែលត្រូវបានបង្កឡើងដោយឧបការណ៍គាប់សក់ និងឧបការណ៍មូលសក់។

សេវាកម្មពន្លត់អគ្គីភ័យនិងជួយសង្គ្រោះអង់គ្លេសបានអំពាវនាវដល់ម្ចាស់ផ្ទះឱ្យដកដុយឧបករណ៍អេឡិចត្រូនិចរបស់ពួកគេដើម្បីការពារអគ្គីភ័យនិងការខូចខាត។Glamoriser មិនបានឆ្លើយតបទៅនឹងការស្នើសុំមតិយោបល់។ ឯកម្មវិធីនេះក៏មិនបានធ្វើបច្ចុប្បន្នភាពទេចាប់តាំងពីខែមិថុនាឆ្នាំ ២០១៨ ដែលបង្ហាញថាមិនទាន់មានដំណោះស្រាយនៅឡើយទេ។